之前有人用AI幫《Slam Dunk》嚟變真人版，效果都好唔錯，咁如果係《Street Fighter》呢？春麗同某啲女角都靚呀，不過有啲真係出事，好笑嘅，勁過《超級學校霸王》嘅……

有無Nanoblock嘅fans？之前公佈過有新產品線「キャラナノ」，最近呢條line有新嘢推出，就係Street Fighter嘅阿龍同阿Ken，一個出波一個出昇，預計11月23日推出，每隻2200円，好想買。

Capcom兩個大作，《Street Fighter》同《Biohazard(Resident Evil)》如果搞聯乘會係點？講緊係阿隆阿Ken春麗全部都喪喪地，而本身喪喪地嘅Blanka就更喪……

街霸《Street Fighter》經常同不同品牌聯乘，最近就有春麗聯乘波鞋品牌Onitsuka Tiger。跟返春麗套衫嘅主色推出咗白底同黃底兩款波鞋，仿照Mexico 66 D鞋款改良，張宣傳照見到春麗著住都幾靚，而對鞋本身嘅設計亦好含蓄，著咗都未必知你係街霸fans。限量5千對，每對18000円，另外每對鞋會跟多個code可以unlock返《Street Fighter V: Arcade Edition》入面春麗嘅特別服裝，即係買一對，就可以遊戲內外都著到，7月27日起喺全國Onitsuka Tiger店有得買，入嚟有多啲資料。

講起Double KO，就諗起當年同朋友去機舖打《Street Fighter II》特登想打多個round……而呢段片就係SAKO VS 板橋ザンギエフ，最後仲要同步超必，網民睇完諗起EVA段片喎。

尿袋從來都唔夠用，8000mAh容量……唔。不過個樣係吸引嘅，因為跟足當年超級任天堂盒帶，想當年有幾多人為買佢死慳死抵？或者邪道要換「博士」？嚟緊2019年3月推出，連個包裝圖案都跟足當年。另外，1月亦會有各800円嘅吊飾。

中川翔子鍾意動漫鍾意打機，咁佢玩《Street Fighter II》叻唔叻呢？有片睇到，不過似乎佢用E.Honda好似淨係出百裂掌……而且網民留意到佢左手揸Joystick嘅手勢好似有啲奇怪……令人諗起早年有Model影車時出晒名嘅揸波棍手勢。

  當阿隆遇到《Power Rangers》，仲有春麗齊齊打司令，結果會係點？7分鐘有劇情而且製作認真，呢條「Power Rangers Legacy Wars: Street Fighter Showdown – Short Film」，由Qualcomm Snapdragon、G Fuel、Bat in the Sun合力製作，其實真係唔差。

如果你未知結果，我都唔講住喇，自己睇，都刺激嘅。如果知道結果但未睇決戰情況，可以入嚟睇番，係精彩嘅。如果知結果又睇咗，冇嘢喇。

外國嘅街頭塗鴉特別多，例如法國街頭藝術家OakOak嘅作品就好正，其中佢嘅斑馬線系列，就將街頭嘅斑馬線變成《街霸》嘅戰場，除咗阿龍出波動拳，仲有E.Honda、小飛俠、Donkey Kong，相信司機見到都會忍唔住笑出嚟。入嚟有大量佢嘅作品回帶，除咗斑馬線仲有其他街頭作品，又閃靈又李小龍，推介。

如果你係90年代成日去機舖，呢啲聲音真係好有親切感嘅。講緊係《Street Fighter II》嘅音效，當年就算你冇打街霸，入到機舖都一定聽過……

呢位高手Abhishek Singh，之前已經製作過第一身Mario遊戲，今次就玩《Street Fighter》，用電話AR功能通街挑機都得？叫《Real World Warrior edition》，好想玩喎。

1月26日正式推出，不過今日香港都有現貨喇，咁大家都係Capcom，《Street Fighter 5AE》都賀一賀佢啦。嚟緊會有「キリン」、「レウス」、「ジンオウX」新裝，2月28日至4月13日會有期間限定活動。

即係點先？呢個「ストリートファイターII×トランスフォーマー」系列會唔會太唔簡單呀？下年5月推出，首先有阿隆同司令，賣12,960円；再嚟春麗對阿Ken，8,640円。見到架車出昇龍拳同直直bird極，阿隆又成身都係轆同翼，我覺得勁過當年嘅東方不敗版遊戲。

之前Switch隻《街霸2》都有第一身玩法，不過如果用VR玩，我諗出招旋風腿都暈到想嘔。啱啱喺「CAPCOM PRO TOUR NORTH AMERICAN FINALS AT」就有呢隻VR玩，不過唔係打鬥部份，而係bonus stage嘅打車！第一身打車，其實好似都幾攰，不過見到自己一拳打爆個車頭冚，又好似幾爽！留意呢段Demo係要用HTC Vive加Vive Trackers玩嘅。