《鐵將縱橫》加價照撐 網友相文留言超窩心

福龍都應該不枉咯,《鐵將縱橫》加價至$19,包括我在內,超多讀者留言支持,兩蚊雞,講真嗌少杯凍飲都喺番度,係真心讀者又點會介意呢。當中,以Stanley Lai嘅留言最窩心,唔只文,連相都出動埋,雖然製作簡陋啲,但非常搞笑,而當中那份情意,我諗龍少睇到一定感動到喊。喺呢度,真係好想同大家Share吓──「睇完今期鐵將……請容許小弟講出心聲,講真……今時今日乜差都加,已經明白!漫畫家每畫一格漫畫都係有血有汗。身為一個讀者又點會唔明!講真一本漫畫加多一個幾毫跟本就唔係問題!包煙加一蚊就話遮(P佢個K今年財爺咪加呀)鐵將加個小小跟本就唔係問題……我諗冇人會因為鐵將會睇到個一蚊好大,19蚊找返一蚊………加粒糖咪係……吉……儀………X……大吉利是咩,龍少你諗下……一個讀者腳un un行去書報攤…好有型咁兩手指夾住廿蚊:呀姐,一本鐵將行街外買!正當好有型咁囉住本書走個陣,正所謂揮一揮衣袖,不帶走一個銀仔特然個報紙呀姐…喂找錢呀,一蚊都唔要呀?個一刻……幾瘀皮呀。」

Read more ›