【好賤】專業劇透服務登場 自動發劇透訊息俾仇人

正所謂劇透死全家,所以呢個服務真係好賤。外國網站Spoiled.io提供嘅呢項劇透服務,只要俾美金$0.99,再提供埋「朋友」或者仇人嘅手機號碼,佢哋就會以匿名方式,將美劇《Game of Thrones》每集最精彩最重要嘅劇情,以文字訊息發送出去,當事人被迫睇劇情,避無可避,簡直比死更難受。可惜《Game of Thrones》今日播埋今季最後一集,不過呢個服務應該可以應用喺《The Walking Dead》或者其他劇集度,香港有無人有興趣開返間,然後不停被詛咒?

Read more ›