Tag: SPACE INVADERS

【超迷你街機】OLED全彩玩《Space Invaders》 真係打得集資中

70、80後細個實有去過機舖打街機啦,呢部迷你版嘅街機Tiny Arcade,應該可以勾起好多人嘅童年回憶。首先尺寸真係超迷你,細過部iPhone6s,但個芒係OLED全彩色,有埋speaker、joystick同兩粒掣,可以玩到《Space Invaders》、《Outrun》、前排好興嘅《Flappy Birdz》等,仲有microSD咭位可以之後下載啲免費遊戲裝入去玩,最重要係買得起!不過最好加多副放大鏡或老花眼鏡。而家喺Kickstarter集緊資,有4個款揀,透明嗰款幾靚,買嚟當擺設都型。

Read more ›

8bit怪獸圖案 日本FRED PERRY × SPACE INVADERS出衫褸鞋

本身對FRED PERRY冇乜喜惡,但呢個系列正喎,因為佢同太空侵略者《SPACE INVADERS》聯乘,推出一系列服裝。衫上面鏽有經典嘅打怪獸圖案……我覺得我哋編輯部應該要一人一件,最平12,000円件,老細,有人去開日本駛唔駛幫你掃?

Read more ›

經典射怪獸 粉筆《Space Invaders》立體畫

3D立體畫越嚟越多,以遊戲為主題嘅都唔少,好似呢個啱啱喺瑞士Lausanne EPLF campus展出嘅立體畫,就係以太空侵略者《Space Invaders》做主題。由藝術家Leon Keer創作,面積達150平方米。

Read more ›

街頭藝術無剷走 西班牙Barcode坑渠蓋

法國街頭藝術家Space Invaders天后嘅食鬼被剷走,香港連少少街頭藝術都包容唔倒,偏偏政府成日同我哋講有商有量,搵鬼信。啱啱喺網上見倒西班牙街頭藝術家Pajac嘅作品,將日常生活嘅景物加少少創意畫兩筆,令城市增添藝術氣息,例如地下嘅坑渠蓋變成Barcode條碼就令我會心微笑,經過睇倒嘅人心情都靚啲!最重要係,呢堆藝術品無比人剷走,部份仲搬去藝術館重製展覽。

Read more ›

方糖砌8-bit圖 重造孖寶場景

細過有無試過攞一粒粒嘅太古方糖出嚟玩?我試過,仲比阿媽鬧到飛起。其實睇真啲,一粒粒嘅方糖好適合用嚟整8-bit畫面,俄國攝影師Dina Belenko就用佢哋嚟整成孖寶兄弟、俄羅斯方塊、食鬼同埋Space Invaders等場景,幾有諗頭。除咗方糖,佢仲用咖啡甚至威化餅砌公仔,比阿媽見倒實鬧死。

Read more ›

《太空侵略者》 x 《Hello Kitty》8-bit企劃秋天始動

原來,冇嘴貓係1974年誕生嘅,即係下年就40周年;又原來,《太空侵略者》今年就係誕生35周年。官方話因為咁樣所以嚟咗個合作企劃,會先後推出唔同款式嘅「SPACE INVADERS × KITTY」衣飾、精品。率先登場就有10月、11月推出嘅袋仔同埋地氈。

Read more ›