Tag: Soul Sacrifice

鄭伊健都打《Soul Sacrifice》高登潮文火速現身

鄭伊健係機迷係人都知,原來佢近排都迷上PS Vita隻《Soul Sacrifice》!點解會知?因為佢太太蒙嘉慧YoYo今日喺微博上傳咗一張打機相,相中見到伊健整損咗隻手都繼續打,而YoYo就話:「隻手點可能快啲好……除非部機….」而畫面就係稻船敬二呢隻可以4人協力,人稱魔法版《MH》嘅遊戲,出咗一個月唔夠。不過最搞笑嘅係高登潮文又現身,好快已經有巴打整咗段金正恩鏠針潮文,呢段嘢之前好多星都套用過,今次用喺伊健身上,入嚟可以睇到,好正。

Read more ›

極速開機片《Soul Sacrifice》魔法版MH 多重攻擊隨時打大佬

稻船敬二製作呢隻《Soul Sacrifice》,口碑都唔錯,試玩過都覺得幾爽快。今日日版偷跑,率先開game試玩,遊戲開頭多多嘢講,唔識日文嘅等中文版好似開心啲,不過未知幾時出,所以都係算。同埋日版有共鬥版,即係兩隻一套買今日只係$600蚊左右,拆散買就$300頭。好喇開機先……

Read more ›

2013年3月出GAME時間表 [PS3 / Xbox / PC / Wii / 3DS / PS Vita]

收入有限,3月正game無限,機迷點樣迎接呢個挑戰?點樣可以喺game海中存活過嚟?今個月大作浪接浪,利是錢終於有碇駛。最開心應該係PS3機主,有獨佔嘅《God of War:Ascension》、《ONE PIECE海賊無雙2》同埋《初音未來Project Diva-f》。另外,羅拉終於出場,《Tomb Raider》歐版噚日偷跑咗,想玩中文版就等多一個星期啦。手提機方面,3DS隻《超級機械人大戰UX》同埋PS Vita隻《Soul Sacrifice》都係等咗好耐嘅必玩大作,加上日版Vita大減價,跟手可以玩埋隻《ONE PIECE海賊無雙2》同埋《朧村正》,財散人安樂。

Read more ›

新片兩連發 《Soul Sacrifice》TVCM魔法獵怪谷宣傳

又係電視廣告,今次係稻船敬二製作嘅4人協力打怪MH類遊戲《Soul Sacrifice》,3月7日喺PS Vita推出,加埋日版機減價,出機係時候。講番兩條片,唔再係一味遊戲畫面,而係有特寫出魔法片段。

Read more ›

新片速報《Soul Sacrifice》超魔法獵怪 3月7日減價出機

日本宣佈2月28日開始,PS Vita無論3G版同Wifi版都減到19,980円!雖然香港官方未有減價消息,但有舖頭已經率先帶頭將日版機減到$1,590港紙!撞啱稻船敬二製作嘅4人協力打怪MH類遊戲《Soul Sacrifice》喺3月7日推出,咁呢個時候仲唔係出機之時?啱啱遊戲有新片,除咗埋身肉摶外,仲有大量華麗魔法可以用,仲有日版遊戲嘅二人買Game優惠,未出機嘅真係諗得過!

Read more ›

新片速報《Soul Sacrifice》協力獵怪 出機係時候

仲有一個月唔夠,3月7日PS Vita有MH類動作遊戲《Soul Sacrifice》玩喇!呢隻出自稻船敬二手筆嘅遊戲,應該好多機主期待,加埋2月28日減價呢個消息,應該更加多人幫襯!遊戲發佈咗最新一條PV,睇埋日間荒野戰鬥影片,係咪仲更加有芒亨feel呢?

Read more ›

《SOUL SACRIFICE》香港藍店試玩有嘢送 特別版機下週預訂

3月真係好多大作出籠,所以對於買唔買稻船敬二隻《SOUL SACRIFICE》,大家少不免仲係心大心細。呢隻PS Vita遊戲3月7日出日文版,但係早前又公佈中文版夏天推出,咁究竟等唔等好呢?啱啱Sony官方宣佈,下星期六日開始比大家率先試玩,玩過先決定預唔預訂,合理吖。至於試玩暫時只限三間PlayStation藍店,玩完有《SOUL SACRIFICE》文件夾送,參加埋facebook活動仲有機會贏走部特別版PS Vita。呢部特別版機2月22日起有少量存貨可以預訂,老實,特別版嚟講,呢部算幾有誠意幾靚仔,未買PS Vita可以考慮吓。入嚟有詳細試玩內容資料。

Read more ›

新片三連 《Soul Sacrifice》中文版預告 等唔切買「共鬥版」

聽到《Soul Sacrifice》會推出中文版,嘩好興奮呀!點知,日本版就3月7日出,中英文合版就今年夏天出,6月係夏天,7月又係夏天,9月都仲係,點等?所以都係買日文版啦!3月7日推出,普通版5,980円,唔貴。要留意嘅係日版會有「共鬥版」,兩隻齊齊買7,980円!有朋友齊齊玩真係買得過!

Read more ›

新圖發佈 《Soul Sacrifice》兩男一女新角登場

3月7日除咗PS3有初音玩之外,仲有稻船敬二呢隻《Soul Sacrifice》,呢隻類似芒亨玩法嘅四打遊戲,啱啱喺今期《Fami通》公佈咗3個新角色,遊戲主題係講救贖同犧牲,呢幾個角色,睇嚟都犧牲咗好多……

Read more ›

遊戲展專訪 《Soul Sacrifice》稻船敬二:「我要做傳說級製作人!」

曾製作《鬼武者》、《Rockman》等超名作嘅前Capcom遊戲製作人稻船敬二,將會率領自家comcept團隊,喺PS Vita推出《Soul Sacrifice》。呢隻被譽為《Monster Hunter》最強對手嘅動作遊戲,除4人連線外到底有咩殺著呢?今年SCEH請嚟製作人稻船敬二同SCEJ嘅鳥山晃到臨亞洲遊戲展接受訪問,除咗宣佈推出中文版外,稻船更加豪情壯語:「喺暢銷主機推出嘅作品可以熱賣,係普通製作人;喺未普及嘅主機推出作品而可以大賣嘅,先係一流製作人。而我,要成為傳說級嘅製作人!」我除咗感受到佢嗰份熱血,仲肯定咗佢講嗰部未普及嘅主機係PS Vita。而遊戲中犧牲嘅概念,更加係佢犧牲Capcom穩定工作來換取創作自由嘅寫照!

Read more ›

《Soul Sacrifice》中文版公佈!《MS Gundam Battle Operation》活動直擊

今日遊戲展第1日,即時有好消息!先係《Soul Sacrifice》製作人稻船敬二喺訪問(詳細訪問內容日內推出)中宣佈遊戲將會推出中文版!雖然做唔到同日版同步,不過實在好過冇,因為呢隻遊戲操作同故事背景都唔簡單,睇中文真係舒服晒!仲有!之前好多高達迷都開日本PSN玩嘅免費高達線上對戰遊戲《MS Gundam Battle Operation》製作人亦透露有機會推出香港中文版!如果屬實,大家唔使下下出去買點數卡入數,掂呀!

Read more ›

今日開機 新片速報 免費《Soul Sacrifice》試玩版詳情

呢隻稻船敬二comcept企劃、Marvelous AQL開發嘅《Soul Sacrifice》,下年3月7日推出,諗住同3DS《MH 4》嚟個正面交鋒,點知《MH 4》宣佈延期……不過試玩過之後都知道呢隻遊戲好有實力,今日日本PSN就有得免費下載試玩版,有Account就唔好嘥料,冇得下載嘅就可以入嚟睇片,仲有詳細介紹試玩版原素同體驗版、初回特典。

Read more ›

[實機試玩片]PS Vita《Soul Sacrifice》芒亨Feel 12/20免費下載試玩

學稻船敬二話齋,分類成動作遊戲,當然都係咁玩,冇話似唔似嘅!呢隻稻船敬二comcept企劃、Marvelous AQL開發、下年3月7日推出嘅《Soul Sacrifice》,繼TGS試玩之後,終於嚟到香港,喺12/21亞洲遊戲展有得試玩之餘,日本方面都啱啱公佈12月20日有得免費下載試玩版,可玩一部「魔法使いの試験篇」,攞到嘅嘢同經驗值Save仲可以帶去正Game度。GameoverHK率先開機,實機試盡第一個打怪任務,8分鐘影片睇到畫面好有氣勢,尤其出超必時,仲有就係打完怪會有採集時間,你話似唔似?

Read more ›

3/7日發售《Soul Sacrifice》同梱主機公開 打孖買有特價

日本《Fami通》消息,由曾製作《鬼武者》、《Lost Planet》嘅稻船敬二comcept企劃,Marvelous AQL開發嘅PS Vita動作遊戲《Soul Sacrifice》,可以四人連線合作,好多玩家都話似《Monster Hunter》魔法版,之前定咗春季推出,啱啱就有確實日期,就係3月7日!另外同日亦發佈咗遊戲嘅同梱版主機,賣29,980円,紅色主機背後有圖案,幾靚仔之餘,仲有超豪華皮套等配件,未買機絕對值得考慮!仲有樣特別嘢,就係隻game主打4人合作,所以將會推出打孖買game「共闘」套裝,兩隻一set賣7,980円(原價5,980円一隻),限量發售,香港唔知有冇咁著數?

Read more ›

稻船敬二訪問 「犧牲了工作換來《Soul Sacrifice》!」

延至下年春天推出嘅PS Vita動作遊戲《Soul Sacrifice》,由稻船敬二領軍的comcept作企劃,Marvelous AQL開發。可以四人連線合作,人人都諗起《Monster Hunter》,到底曾開發《鬼武者》、《Lost Planet》等名作嘅著名製作人稻船敬二又點睇?對於遊戲救贖同犧牲嘅主題又有咩見解?喺東京遊戲展期間就安排咗一個傳媒訪問,講到犧牲方面,佢就話:「我做呢隻遊戲都犧牲咗好多,例如……我犧牲咗喺Capcom嘅職位,自組公司先可以完成《Soul Sacrifice》。」呢個係對舊公司嘅控訴,定一話為咗強調開發嘅自由度呢?

Read more ›