Post Tagged with: "Sony"

Sony E3演奏樂器涉嫌歧視    網民鬧爆原來跟車太貼
by / on 19/06/2018 at 7:13 am

Sony E3演奏樂器涉嫌歧視 網民鬧爆原來跟車太貼

原來今年Sony PlayStation嘅E3發佈會發生咗段小插曲,話說介紹遊戲《Ghost of Tsushima》時,Sony搵咗人吹奏類似笛嘅樂器「尺八」,不過就引起網民Dani Jo喺Twitter嘅指控,話唔明點解Sony唔搵返日本人著返傳統日本服去演繹,而要搵外國人?件事仲牽連到種族問題,之後好多人留言鬧爆Sony,不過呢個時候有個日本人留言回覆,話其實演奏者Cornelius Boots係現存其中一個識呢種樂器嘅大師。留言之後,Dani Jo開始封鎖留言,之後仲刪埋個Twitter戶口。呢個故事教訓大家唔好跟車太貼,同埋鬧人前記住Google吓先。

Read more ›

【有片】Sony新一代機械狗公佈 19萬円識上網
by / on 01/11/2017 at 5:07 pm

【有片】Sony新一代機械狗公佈 19萬円識上網

aibo!記唔記得?99年推出,06年停產,早幾年唔幫你整,宣佈R.I.P.。原來係為咗新一代aibo(ERS-1000)。今日由平井一夫社長正式公佈,198,000円一隻仲要綑綁式上網3年,月費2,980円,暫時未有計劃賣海外。64位元四核,全身22個活動關節配,兩組6軸感應,180×305×293mm,重2.2kg,充一次電3小時,可以活動2小時。仲有好多嘢嘅,包括兩隻眼係OLED,又鏡頭又收音又盛,仲可以上網用雲端記嘢儲嘢學嘢,頭同背部仲有感應,即係你摸佢會有反應……但點高科技都好,個身硬嘅,冇毛嘅,冇生命嘅,同真正小動物相處嗰份愛,同佢應該建立唔到,所以其實我諗唔明,點解到呢個年代仲會出電子機械狗,出人吖嘛。又如果,真係好鍾意狗又唔養得嘅話,我建議捐咗嗰萬幾蚊出嚟,救貓狗小動物會仲有意義過養假狗。

Read more ›
【有片】SONY機械狗18年後復活?新一代下周公佈
by / on 27/10/2017 at 2:53 pm

【有片】SONY機械狗18年後復活?新一代下周公佈

呢條片主題係「New story with…」,AIBO呢隻SONY機械狗,1999年發售,2006年停產,o依家壞咗都冇得整喇……不過唔緊要,因為睇完呢條片,你就會知好大機會係新一代AIBO,11月1日公佈。不過凍冰冰,其實我唔係好明有咩好,不如去領養隻真o架啦!

Read more ›
【有片】服!Sony扮警訊賣電視 堅哥、尖頭仔恩怨情仇結局篇
by / on 16/06/2017 at 1:42 pm

【有片】服!Sony扮警訊賣電視 堅哥、尖頭仔恩怨情仇結局篇

今次冇收錢,唔係廣告,係真心佩服Sony拍呢條父親節宣傳影片。早排警訊有條片紅咗,做老竇嘅堅哥同阿女Toby加埋尖頭仔大家都記得,到底尖頭仔整親個頭之後有冇事?佢同堅哥個女嘅情路點行落去?又到底父親節流流,堅哥個老婆去咗邊?

Read more ›
有片:日本石頭藝術師拍耳筒廣告 砌石有錢途
by / on 08/12/2016 at 10:15 pm

有片:日本石頭藝術師拍耳筒廣告 砌石有錢途

呢個世界乜都有可能,地心吸力都可以係商機,砌石頭都可以賺大錢。日本石頭藝術師Kokei Mikuni心夠靜、手夠穩、有創意、有美感,擅長拿捏平衡點,用大大小小唔同形狀嘅石頭,砌出一個個直達藝術品級數嘅石陣。石陣有大有小,有圓有扁,靚到得到Sony青睞,搵佢拍廣告推銷MDR-1000X消聲耳筒,都合理嘅,耳筒成功消聲,人先可以無懼車聲人聲地盤聲,個心先可以靜落嚟,個心唔夠靜,人又點能夠集中?對手又點會穩呢?條片都拍得好型架,做晒實驗咁,最後Kokei Mikuni用石頭砌出「SONY」字樣,禮成。

Read more ›
【生日快樂】SONY 70歲 開檔原來叫「東京通信工業」
by / on 08/05/2016 at 4:13 pm

【生日快樂】SONY 70歲 開檔原來叫「東京通信工業」

原來噚日(7日)係SONY嘅70歲生日!喺1946年嘅5月7日,「井深大」同「盛田昭夫」已經創立SONY嘅前身,名為「東京通信工業株式會社」,之後去到1958年1月1日先改名為SONY。而呢個名嘅由來,睇番資料,係佢哋以「SONUS」,即係Latin字嘅「SONIC」,加埋「SONNY」而組合成,本來係「SONNY」嘅,但因為呢個字嘅發音同「輸錢」嘅日文同音,所以就刪咗個「N」字,變成SONY。話時話,SONY嘅產品,由Walkman、Discman、MD,同o依家嘅PlayStation都陪住我哋成長,不過,我就比較懷念佢中文名叫「新力」嘅年代,好聽過「索尼」。

Read more ›

有片   AR眼罩支援手機  開價美金$99抵玩
by / on 07/12/2014 at 1:30 pm

有片 AR眼罩支援手機 開價美金$99抵玩

近年好多品牌出盡力研發AR式眼罩,Sony個Project Morpheus一直未知幾時出,另一方面,有個品牌叫ZEISS最近就公佈咗另一個AR擴增實景眼罩VR ONE,重點係支援手機,睇片見倒可以將部4.7吋至5.2吋嘅手機裝上部機度,最新嘅iPhone 6或者Samsung S5都對應,而且價錢唔買,而家預訂做緊美金$99,有興趣可以睇片研究吓。

Read more ›
有片   Floppy disk數碼相機    古董級
by / on 26/11/2014 at 7:12 am

有片 Floppy disk數碼相機 古董級

3字頭嘅好多都經歷過floppy碟年代,呢,一隻3.5″磁碟可以儲存1.44MB嘅資料,當年交功課都係靠佢。最近上網見倒呢部古董數碼相機,儲存裝置就係用floppy!呢部Sony Mavica MVC-FD88,99年出品,入嚟仲有片睇,原來Sony喺97年至2002年間總共出咗超過18個型號嘅floppy disk相機,眨吓眼咁就12年,而家CD-ROM淘汰緊(定已經淘汰咗),唔知12年後嘅今日,仲有無DVD或者Blu-Ray呢?

Read more ›
今日下晝2點 Xperia Z3 Tablet Compact香港發佈
by / on 22/10/2014 at 10:04 am

今日下晝2點 Xperia Z3 Tablet Compact香港發佈

大家留意! 今日下晝有一個記者會, 就係SONY Xperia Z3 Tablet Compact, 記者會今日時間2點幾開始, 最強當然係有得玩PS4 Remote Play, 據稱佢係第一部平板可以咁玩, 加埋佢個8”全高清顯示屏幕及搭載最新之hi-res音效科技, 都應該幾正, 一陣間我諗住過去碌碌, 得唔得之後話俾大家知。

Read more ›
SONY 4K錄影機連播放器 今個月開賣
by / on 06/10/2014 at 7:10 pm

SONY 4K錄影機連播放器 今個月開賣

有4K電視但一直冇乜4K片源, 真係人間慘事! 等如你明明打得十個, 但落到旺角班契弟走Q晒一樣! 日本SONY剛發佈有部4K播放器連USB HDD錄影機–FMP-X7會喺今個月18號推出, 佢嘅片源都幾多樣性, 好似有衞星放送嘅 4K試験放送Channel 4K、 スカパー!プレミアム, 用4K攝錄機拍攝嘅 4K XAVC S/MP4, 同埋4K動画配信(アクトビラ、12月11日スタート), 據知連YouTube嘅4K片都睇到, 睇完資料, 就算香港有得賣都係半廢武功一樣!

Read more ›
SONY紅黑防水Walkman 玩4GB容量加快叉
by / on 28/06/2014 at 8:45 pm

SONY紅黑防水Walkman 玩4GB容量加快叉

香港Sony剛發佈, 防水Walkman播放器NWZ-W273S, 會推出全新限量版兩款新顏色, 分別係金屬黑同金屬紅! 容量非常大, 係4GB!!! 我記得十九幾年前我部MP3機只有16MB! 據知佢可以對應直拉FILE入去, 同埋Windows Media Player、iTunes嘅播放列表同步更新; 不過叉電係佢嘅強項, 1.5小時可以完全叉爆電, 並可作長達8小時音樂播放, 如果自認係心急人, 佢仲有一個3分鐘快叉, 叉完都可以玩到60分鐘。價錢OK平, 只要$750。

Read more ›

Vaio新公司成立 Sony只佔5%股權
by / on 02/05/2014 at 6:14 pm

Vaio新公司成立 Sony只佔5%股權

今年2月,Sony已經宣佈賣出咗手提電腦Vaio嘅業務,今日(2日)「Japan Industrial Partners」正式宣佈7月1日交易就會完成,而Sony到時只會有5%股份。講真,Vaio係貴少少,但啲機個樣係幾靚嘅,希望之後一樣會貫徹呢個風格啦。

Read more ›
Xperia T2 Ultra下周二香港發佈 SONY話賣高性價比
by / on 20/03/2014 at 12:00 pm

Xperia T2 Ultra下周二香港發佈 SONY話賣高性價比

  呢排SONY手機好似有啲起色! 冇計啦! SAMSUNG都真係用到悶悶哋! 以前買佢係乃念佢個二手價好……廢話講完入正題, 下星期二3月25號, SONY會喺香港開發佈會, 公佈 Xperia T2 Ultra推出, 暫時放出嘅官方資料, 話佢係一部6”大屏手機, 仲使用咗Sony最佳影像同顯示科技, 可帶來嶄新設計嘅高效能4G LTE Android智能手機, 並內置有趣的「實時美顏」等拍攝功能……不過最重要係新聞稿最後一句:「為用戶提供高性價比的智能手機選擇。 」高性價比喎! 係咪三四千蚊一部先!? 不過我覺得呢個界冇咁筍囉! 

Read more ›
Sony推出體感眼罩 PS4連動挑機
by / on 19/03/2014 at 1:51 pm

Sony推出體感眼罩 PS4連動挑機

GDC 2014,吉田修平同Richard Marks喺台上就介紹咗呢部「Project Morpheus」。簡單嚟講,係眼罩顯示器,不過同時可以感應到用家嘅動作,支援1080p顯示,視野達90度,聲音方面就支援3D聲效。除咗同PS4連動之外,仲可以同DualShock4、PS Camera連接,佢自己都話嚟緊遊戲嘅突破點應該就喺呢度喇。不過點都好,個樣係幾型,靚仔過Oculus Rift ,又係有條藍光o架!

Read more ›
Z2/Z2 Tablet 日本呢兩日內有詳細發佈/香港下周中
by / on 07/03/2014 at 7:00 pm

Z2/Z2 Tablet 日本呢兩日內有詳細發佈/香港下周中

下個星期真係好鬼忙, 又收到有記者會喇 ! 今次係Sony Xperia Z2同Xperia Z2 Tablet嘅香港發佈! 據知時間會係下周三! 相信到時一定會上報出機時間同價錢, 而且仲會喺好快推出市面嗰隻! 細佬我仲喺小道度收到風, 今明兩日, 日本嗰邊都會做正式發佈, 而且仲請咗唔少香港記者過去睇優先場添, 冇計啦 ! 呢兩部嘢, Sony都睇得幾重頭, 雖知佢嘅使命係同Samsung同LG特機王級機種硬碰硬, 再睇佢哋嘅配件, 專業收音咪、運動耳筒、NFC喇叭座枱架、藍芽遙控同Keyboard, 好明顯係想走多媒體多功能數線, 想擴闊手機同平板嘅功能界別, 呢個革命會唔會成功? 咁就要睇Sony功力喇!

Read more ›