有片 藍精靈失常性 打人偷車斷正

藍精靈一向做開好人,點知最近有4隻藍精靈學人打架、偷車,壞事做盡。說話幾個澳洲青年,成身油晒藍色cosplay藍精靈走出街,估計啱啱去完party玩,唔知係咪party飲大咗,之後就失去常性。首先其中一隻走去問路人攞煙食,人哋比完佢多謝都無句,居然因為人哋唔肯幫佢點埋火而出手打人,另外嗰三隻就喺另一邊試圖偷車。好嘞,4隻精靈之後去7-11買嘢,閉路電視全程直擊,差人就將段片公開全城緝兇,最後?幾隻藍精靈自首囉!唔知駛唔駛扮返當日造型案件重演呢?

Read more ›