fbpx

Tag: slam dunk

「The spirit collection」推出《Slam Dunk》 作客球衣櫻木花道

「The spirit collection」推出《Slam Dunk》 作客球衣櫻木花道

繼宮城良田同紅衫櫻木再版之後,由井上雄彥監修、鈴木剛做原型製作嘅「The spirit collection of Inoue Takehiko」第4彈會係流川楓,呢個消息之前都宣佈咗啦。但喺流川推出之前,啱啱竟然發佈咗一款限量版白衫櫻木!造型動作全部一樣,但就換上白色湘北波衫!仲要限量1,000個!發售日未定,售價就同普通版一樣係6,600円,咦?咁之後宮城、流川……咪有兩隊?

Read more ›

流川楓今夏推出 湘北皇牌狐狸夠傳神

流川楓今夏推出 湘北皇牌狐狸夠傳神

出完櫻木同宮城之後,「The spirit collection of Inoue Takehiko」第四彈係邊個?係流川楓吖嘛,之前講咗啦。有樣睇未?之前都有個白模,不過今次呢張相就再清楚啲。售價6,600円,唔知點解平過宮城300幾円,照睇面相就認真唔錯,有一陣狐狸味道喺度,果然係由井上雄彥監修,鈴木剛做原型製作。預定今年夏天出,唔知佢係做咩動作呢?睇佢兩隻手都向手擺,唔通就咁攬住個波喺前面咁dry?

Read more ›
流川楓登場!「The spirit collection of Inoue Takehiko」實物圖曝光!

流川楓登場!「The spirit collection of Inoue Takehiko」實物圖曝光!

嘩吼吼吼吼!井上雄彥Twitter發佈咗一張新相,就係呢個由井上雄彥監修、鈴木剛做原型製作嘅「The spirit collection of Inoue Takehiko」系列,繼宮本武藏、櫻木花道同宮城良田之後,係!流!川!楓!雖然o依家只得白模睇,但我夠膽講句,個神情同眼神都係妥晒嗰隻!雖然我估會出三井,由流川壓軸,本來有啲失望,但見到佢呢張相,把你打倒了之後!我也要去美國!

Read more ›
新片速報 完全崩壞 台灣真人版《Slam Dunk》

新片速報 完全崩壞 台灣真人版《Slam Dunk》

我本來好嬲,竟然搵呢套神作《Slam Dunk》嚟玩?簡直係一種褻瀆!但係,當我睇到片中嘅櫻木花道、流川楓,我真係嬲佢哋唔落。拍片單位係台灣嘅「瘋神無雙」,背景音樂用番原裝,成條片,基本上得個籃球同晴子小姐正常少少……不過,整睇係好笑過香港鄭伊健嗰套《男兒當入樽》……

Read more ›
新片速報 CNN專訪 井上雄彥即場畫

新片速報 CNN專訪 井上雄彥即場畫

咩叫神級漫畫?係當你睇完《Slam Dunk》,你就會即時想落街打籃球!睇到《Real》講父子情一段,你會即劇想返屋企同老豆飲茶!《浪客行》你仲會逐格慢慢睇,嘆佢越趨化境嘅畫功!如果佢o依家講一句會畫《Slam Dunk》續集,我真係會興奮到請假10日狂打籃球。井上雄彥啱啱接受咗CNN專訪,5分鐘片段講自己畫漫畫嘅心情、創作嘅心德、做漫畫家嘅瘋狂之處,佢仲露兩手即席喺鏡頭前用毛筆畫宮本武藏、小次郎,係冇提過有冇可能再入樽啫……啱啱返工返學,做咩嘢吖!睇咗個訪問先啦,唔識日文都唔怕,有英文字幕呀!

Read more ›
井上雄彥親筆櫻木Nike 433,030円成交!

井上雄彥親筆櫻木Nike 433,030円成交!

其實以井上老師嘅地位,加上又係做善事,433,030円呢個絕對唔算天價。之前都報導過,《Slam Dunk》、《浪客行》、《Real》等漫畫嘅作者井上雄彥親筆畫咗兩個櫻木喺對「NIKE AIR ZOOM BRAVE IV IT」(原價15,750円)上面,係為幫忙特別疾病兒童實現願望嘅企劃「Make A Wish ofJapan」20周年紀念製作嘅,當時喺Yahoo bid咗兩日就去到64,000円,而到最後11月2日,終於以433,030円成交!

Read more ›

井上雄彥親筆畫波鞋 Bid兩日升到64,000円

井上雄彥親筆畫波鞋 Bid兩日升到64,000円

仲有4日!如果你真係好愛井上雄彥,又或者好想做善事,咁你就要搵定人幫你上日本yahoo代bid呢對Nike波鞋!《Slam Dunk》、《浪客行》、《Real》等漫畫嘅作者井上雄彥係好多人(尤其打籃球)嘅偶像,冇佢我讀中學時都唔會晚晚落街練三分,成績應該會好啲……呢對「NIKE AIR ZOOM BRAVE IV IT」(原價15,750円)係為慶祝幫忙特別疾病兒童實現願望嘅企劃「Make A Wish of Japan」20周年紀念製作嘅,有親筆簽名仲有櫻木花道頭!慈善拍賣開始咗兩日,投到64,000円,而截「必」日期係11月2日下午5點36分!去到最尾嗰日,肯定會飆到天價,到時再報導。呀係,對鞋個size係28㎝,不過,買咗嗰個,斷估唔會要嚟著啩?

Read more ›
食屎啦你! Asmus Toys 1/6 流川楓

食屎啦你! Asmus Toys 1/6 流川楓

原諒我咁粗鄙,恕我嬲到火燒心,咁樣影啲相出嚟,唔尊重原作者,唔尊重知識產權之外,仲唔尊重自己呀!你明唔明,流川嘅入樽入面嘅地位,相等於現實中嘅佐敦呀?佐敦呀!尖沙嘴隔籬呀!其實只要稍稍有睇過《男兒當入樽》,見到個咁嘅頭都接受唔到啦,流川楓喎,道友明我就識!但道友又冇咁大隻嗰吓衰嘛!唉,之前隻櫻木都尚叫勉強可以接受,呢隻?我o依家個樣咪同佢背後個櫻木一樣囉!

Read more ›
《Slam Dunk》spirit collection第2彈 宮城良田

《Slam Dunk》spirit collection第2彈 宮城良田

今次真係跌眼鏡咯,個個以為呢個井上雄彥The spirit collection嘅《入樽》第二彈唔係流川楓都仙道彰啦,點知,佢竟然出宮城良田!即係會至少出齊成隊湘北啦!

Read more ›
1:6天才球員 推出決定

1:6天才球員 推出決定

於ASMUS TOYS面書發現新圖,就係籃球迷、漫畫迷人人期望可得到嘅天才球員12吋figure。圖片巧妙地隱藏咗最令人關注嘅手部關節,至於版權方面……佢又冇話自己係櫻木花道……  

Read more ›