fbpx

Tag: slam dunk

《Slam Dunk》紙版人集齊5強 山王海南翔陽出場

《Slam Dunk》紙版人集齊5強 山王海南翔陽出場

買唔到對鞋,又唔想助長炒風,唯有忘記咗佢啦……不過想懷念吓《Slam Dunk》情景,呢幾套1/100紙板人平平地唔使捱炒都幾唔錯。7月發售嘅「湘北高校編」、「陵南高校編」,香港嘅「SLAM DUNK – 4814 DAYS AFTER」都有得賣,加埋今個月推出嘅「翔陽高校編」、「海南大附属高校編」、「山王工業高校編」,大家都吼實山王嗰set,肉丸人梗係唔少得,更加多經典場面可以重現!每套1,620円,入嚟睇吓你記得幾多個?你睇藤真除衫幾有型!

Read more ›

官方發佈!Nike X 《Slam Dunk》有鞋有Tee後日開賣

官方發佈!Nike X 《Slam Dunk》有鞋有Tee後日開賣

之前網絡流傳一對《Slam Dunk》版嘅Air Jordan VI,當時好多人都覺得係流料,我都半信半疑……不過近兩三日,喺官方facebook就出現幾段預告片,見到櫻木、「你喜歡籃球嗎?」呢啲貼士……終於,今日啱啱喺活動中宣佈咗,喺《Slam Dunk》面世第24年,Jordan Brand將會同《Slam Dunk》合作,推出Jordan X Slam Dunk系列產品!當中就有之前流出嗰對AJ VI,仲有Jordan Superfly 3,連漫畫鞋盒都好靚!不過個人覺得兩件Tee都好正!香港方面今日有得抽籤喇!  

Read more ›
日本投選最難寫實化漫畫 《Slam Dunk》《足球小將》《北斗之拳》入十大

日本投選最難寫實化漫畫 《Slam Dunk》《足球小將》《北斗之拳》入十大

      參考圖片 睇過2009年荷李活版嘅《龍珠》,你都知將漫畫合理地寫實化,其實可以好瀨嘢。日本就做咗個投選,選出最難寫實化漫畫,其實我覺得《JoJo奇妙冒險》極難,但佢只係第5;第1依然係龍珠,第2係《筋肉人》,第3係《北斗之拳》,我諗除打鬥場面外,啲肌肉人都唔知去邊搵。至於我哋熟識嘅《足球小將》就排第4位,咁又係,要拍個波飛去龍門飛半個鐘,確係有難度。咁《Slam Dunk》呢?我諗最難係搵主角啦,日本邊有咁多又後生又咁高嘅演員。咦唔係喎,香港拍過套《男兒當入樽》喎……

Read more ›
大件事!Nike推出《Slam Dunk》版Air Jordan VI

大件事!Nike推出《Slam Dunk》版Air Jordan VI

呢壇嘢勁到好多人都唔相信,真係未到官方確認一刻,都好難信自己對眼。普通AJ已經夠難抽啦,我對對AJ XI出,高筒低筒特別色對對抽,一次都冇中過……嚟緊仲傳話有呢對《Slam Dunk》版Air Jordan 6,我諗同六合彩差唔多咁難中。除咗鞋身有漫畫場面之外,23號都改咗做櫻木花道嘅10號! 花道喺漫畫入面就係著呢對喇!咁係咪會出埋流川版AJ V?

Read more ›
新片速報 正到爆!1:1安西教練 體驗櫻木逗下巴

新片速報 正到爆!1:1安西教練 體驗櫻木逗下巴

為宣傳《Slam Dunk》動畫嘅BD推出,日本方面竟然整咗個安西教練半身像出嚟!最勁係佢下爬真係好有彈性,而且你真係可以逗佢,每逗一下,下面個顯示器都會計數!由8月尾開始,呢個安西教練就會全國Animate巡迴展出,如果見到佢,真係想好似櫻木花道使出摩打手!

Read more ›
炎之男有樣睇!11月推出《Slam Dunk》三井壽我是誰?

炎之男有樣睇!11月推出《Slam Dunk》三井壽我是誰?

終於!終於湘北正選最後一員登場喇!「The spirit collection of Inoue Takehiko」 Vol.6係擁有逆轉勝負嘅男人,仲係炎之男,仲係永不放棄之男!佢嘅fans應該隨時多過櫻木同流川!隔咗比平常耐,可能井上雄彥監修時都作出過唔少改動……咁,入樽迷對佢呢個樣有咩評價?我對佢嘅感覺好似有啲陌生,但又講唔出邊度唔似……11月尾推出,7,400円,集齊一套是常識。

Read more ›

《Slam Dunk》Blu-ray Collection發售官方記念 頭6位名台詞結果公佈

《Slam Dunk》Blu-ray Collection發售官方記念 頭6位名台詞結果公佈

為慶祝電視動畫20周年,加上藍光套裝推出,官方由5月13日至6月15日俾入樽迷投選動畫「名言」,早幾日前官方就公開咗1至6位,之後仲會陸續公開其他名次嘅名句。睇番頭6位,陵南嘅田岡監督竟然佔咗兩位,呢兩句我都覺得一般。頭1位就唔意外,係三井壽嘅:「教練,我好想打籃球。」其實仲有好多,不過只限動畫嘅話就未必有份。講到我最鍾意,計埋漫畫,都係三井壽:「我是誰?我是三井壽,是永不放棄的男人!」仲有冇理由冇:「左手只是輕輕輔助。」嘛?

Read more ›
《Slam Dunk》出藍光 超型封面特典曝光!

《Slam Dunk》出藍光 超型封面特典曝光!

我好愛《Slam Dunk》,耐不耐就會拎出嚟翻睇。不過動畫版本人就真係麻麻,睇一次都夠……今年20周年,《Slam Dunk》動畫就會藍光化,推出「SLAM DUNK Blu-ray Collection」,全5卷,本來冇諗住買,但係佢個封面……好!有!型!呀!仲有初回生産限定特典係全卷收納BOX、封入特典16P小冊子,16,000円。第1卷7月11日推出,可唔可以淨係要個盒同啲特典呀?

Read more ›
慶祝動畫化20周年《Slam Dunk》電視首播高清版

慶祝動畫化20周年《Slam Dunk》電視首播高清版

嘩!《Slam Dunk》慶祝動畫化20周年呀!唔係推出全國篇,亦都唔係重製,亦都唔會有新劇場版……而係會喺11月3日開始首度喺電視播放HD高清版動畫,第一日會連播4話……唉,我知,o依家咁樣令人懷念、得閒翻睇回味係好,但如果井上老師突然宣佈推出續作,我諗有唔少入樽迷會開心到發癲。唉,我又想翻睇炎之男三井壽入連環三分球一幕喇。

Read more ›
12月發售 《Slam Dunk》大猩猩上色版新圖

12月發售 《Slam Dunk》大猩猩上色版新圖

呢個「The spirit collection of Inoue Takehiko」第5彈(第1彈係宮本武藏),終於輪到湘北嘅隊長赤木剛憲。之前睇過白模話唔太似嘅,睇完最新彩圖有冇改觀?今次繼流川後再次放個波喺地下,12月發售,7,200円,快啲出三井壽啦!紅衫我一定要儲齊,白衫就pass喇!

Read more ›
又出白衫限量版《Slam Dunk》宮城作客球衣版

又出白衫限量版《Slam Dunk》宮城作客球衣版

又搵錢!我開頭以為櫻木係主角先出埋白色球衣限定版啫,照咁睇嚟,每一隻都會有晒兩隻色……啱啱官方宣佈會推出「The spirit collection of Inoue Takehiko」嘅宮城良田作客球衣白衫版本(SLAM DUNK 宮城リョータ 白ユニフォームVer.),而且係限量1,000個,11月尾推出,價錢6,600円。你想唔想有兩隊?快啲出安西教練啦!

Read more ›

皇牌流川楓開箱 狐狸眼侷你儲

皇牌流川楓開箱 狐狸眼侷你儲

      冇計o格,買咗櫻木、宮城,又等緊三井壽,就算佢出隻有尾嘅狐狸我都會買。今日呢隻「The spirit collection of Inoue Takehiko」第4彈(第1彈係宮本武藏,第2彈櫻木花道,第3彈宮城良田)皇牌流川楓到貨,即時去攞,個盒厚過前兩隻,開箱,老實,有少少失望,但拼埋個球場木地板,又有番少少感動……把你擊敗,我就去美國。

Read more ›
突發!《Slam Dunk》The spirit collection 大猩猩現身!

突發!《Slam Dunk》The spirit collection 大猩猩現身!

今次都算少見,之前幾隻都係出咗一隻先有下一隻實物睇,但係令次流川8月先派貨,咁快就有下一彈公佈!正!呢個「The spirit collection of Inoue Takehiko」系列嘅第5彈(第1彈係宮本武藏,第2彈櫻木花道,第3彈宮城良田,第4彈流川楓),就係湘北嘅隊長大猩猩赤木剛憲!造型師依然係TSUYOSHI SUZUKI,望落好似瘦咗少少,塊臉唔夠方……發售日未定,正如「SLAM DUNK – 4814 DAYS AFTER」facebook專頁咁講,重點係證實三井壽壓軸,同埋冇理由一隊5個少減個……

Read more ›
軟綿綿的身體 安西教線下爬滑鼠墊

軟綿綿的身體 安西教線下爬滑鼠墊

動漫女主角嘅心口、臀部用嚟做滑鼠墊俾你墊手,其實我一直都好想買番個,可惜唔夠膽,一來唔夠膽買,二來買咗返屋企又驚俾人睇到……終於,有一個用動漫人物身體某部份整嘅滑鼠墊,係可以堂堂正正買返屋企用O架喇!係!竟然係《Slam Dunk》湘北高校嘅安西教練!咁安西教練除咗個肚腩之外邊度最軟綿綿又有彈性?冇錯,就係櫻木成日狂搣嘅下爬……日本Amazon有得訂,2,300円,5月中出貨,你好嘢!  

Read more ›
香港《井上雄彦 – 非官方浪客行展》分享熱誠!「Slam Dunk 4814 Days After」創辦人訪問

香港《井上雄彦 – 非官方浪客行展》分享熱誠!「Slam Dunk 4814 Days After」創辦人訪問

分享,原來可以唔止按一按share掣。更加可以無條件附出熱誠。佢係facebook專頁「Slam Dunk 4814 Days After」嘅創辦人,人人叫佢做「4814」,呢個群組集合咗過萬鍾意井上雄彥作品嘅fans。「目的?「就係希望集合一個群組,大家一齊分享,我自己都會成日追井上老師嘅新聞,咁又可以share埋出嚟。o依家開始會聯絡台灣方面井上雄彥產品嘅代理『稜鏡』,希望可以幫香港fans訂多啲產品過嚟,咁橫掂我自己都要訂。」佢將會用自己辦公嘅地方舉行一個展覽,不為甚麼。 人越大,錢看得越重要,偶爾遇到不為金錢而付出嘅事情,已足夠令我成個人都熱血起嚟!

Read more ›