Post Tagged with: "slam dunk"

《Slam Dunk》 X molten出籃球 個盒超靚點捨得打?
by / on 14/04/2017 at 4:43 pm

《Slam Dunk》 X molten出籃球 個盒超靚點捨得打?

細個有同學仔試過,用Marker筆喺火車頭上面畫咗《Slam Dunk》個Logo,打完之後大家對手都黑晒……嚟到o依家,《Slam Dunk》竟然同molten合作出籃球!呢個「スラムダンク×モルテン バスケットボール」大大個櫻木花道喺度,就係漫畫救波整親條腰一幕,賣16,200円。4月21日日本發售。

Read more ›

港版木盒曝光 《Slam Dunk》完全版再臨 台版好定港版好?
by / on 22/06/2016 at 5:45 pm

港版木盒曝光 《Slam Dunk》完全版再臨 台版好定港版好?

台灣之前已經見到,就係重印《Slam Dunk》完全版之餘,會有埋紙書盒,紅色,有湘北紅色加主角們,3個盒,每個裝8本,唔少香港入樽迷好想要,仲越洋訂。香港呢,之前公佈咗動漫節有喇,而且仲有木盒,啱啱「天下」仲公開埋木盒個樣,仲會有特製環保袋,仲分金或銀版……講份量(重量)港版贏晒,不過講樣同容易收藏,台版又吸引啲,不過講到最尾,台譯同我哋睇慣嘅港譯又唔同呢。講吓講吓,屋企有套普通嘅我有啲身痕,始終完全版啲封面同彩頁實在係吸引。

Read more ›
【有片】熱血真實版《Slam Dunk》 「山王工業」能代工縣預選48連霸夢碎
by / on 09/06/2016 at 12:14 pm

【有片】熱血真實版《Slam Dunk》 「山王工業」能代工縣預選48連霸夢碎

「井上雄彥」嘅《Slam Dunk》,入面有隊王者「山王工業」,就係以呢隊秋田縣「能代工業」為藍本,因為大家都咁勁,「能代工業」籃球部自從1967年開始已經有58回全國制霸嘅紀錄,但喺啱啱過咗嘅6月7日,雖然未係全國大會,只係「全国高校総体バスケットボール大会」嘅秋田縣預選,但已經連續47連優勝嘅「能代工」終於輸咗俾「湘北」,唔係,係縣預選初優勝嘅「平成高等學校」,仲要輸100比68!唔知「平成」入面有冇「三井」同「流川」,不過都恭喜佢哋可以喺「全國大會出場」出場,千祈唔好好似漫畫劇情咁,贏完王者之後……

Read more ›
日本投選「改變人生的漫畫」 《Slam Dunk》安西教練金句王
by / on 17/01/2016 at 3:59 pm

日本投選「改變人生的漫畫」 《Slam Dunk》安西教練金句王

日本好多大大細細嘅投選,呢個就係好細嘅,得2百幾人參加,但就幾有討論話題啦。我諗大部份動漫迷都經歷過,就係漫畫入面嘅情節、名句,對自己人生嘅影響。呢個網站就搞咗個「人生を変えたマンガ」投選,第1位就係《Slam Dunk》,當中安西教練對三井講:「現在放棄的話,比賽就結束了。」相信好多人都記得。第2位就係《One Piece》,熱血、友情、勝利,都好啱。至於第3位嘅《多啦A夢》,悟出嘅道理會唔會係……懶惰嘅人總會有人幫?

Read more ›
《Slam Dunk》新圖發佈 「一切在高中結束?」
by / on 18/12/2015 at 7:39 pm

《Slam Dunk》新圖發佈 「一切在高中結束?」

呢條題係咪好有幻想?不過唔係大家諗嗰樣,而係「スラムダンク奨学金」第10回募集嘅新圖……井上雄彥近年會出《Slam Dunk》新圖都係得呢個獎學金喇,今次見到花道、流川、沢北!一句:「高校ではおわれない、君へ。」因為呢個獎學金係俾高中生畢業後去美國留學嘅,熱血到癲!

Read more ›
【我好想信】集英社人事變動 漫畫《Slam Dunk》復活可能性激增?
by / on 26/10/2015 at 2:37 pm

【我好想信】集英社人事變動 漫畫《Slam Dunk》復活可能性激增?

呢類傳聞,耐不耐就會浮一次上嚟,其實我每一次都偏向信。雖然,可能好多人會覺得o依家咁完都幾好,但如果井上老師再畫,又邊有可能唔睇,或者唔好睇?今次呢個傳聞源於集英社嘅「鳥嶋和彦」將會喺11月調職去子公司「白泉社」,而據講因為咁,佢好大機會離開集英社。至於點解佢離開會令《Slam Dunk》復活?據講當年《Slam Dunk》原定劇情係「湘北」喺全國大賽冇出局,不過因為「井上雄彥」方面嘅職員同集英社因為版權問題鬧意見,當時嘅「鳥嶋和彦」就決定腰斬《Slam Dunk》,所以先會有o依家呢個結局……點都好,我覺得如果有生之年可以睇到《Slam Dunk》嘅新連載,真係會興奮到即刻摷番個籃球出嚟落街射個3分波。

Read more ›

【網民好敏感】井上雄彦放全套《Slam Dunk》圖 入樽迷FF為續集準備
by / on 27/06/2015 at 4:52 pm

【網民好敏感】井上雄彦放全套《Slam Dunk》圖 入樽迷FF為續集準備

其實唔係敏感嘅,係大家都有呢個希望啫。話說早兩日(25日)《Slam Dunk》作者井上雄彥老師就喺Twitter度放咗張圖,係全套漫畫,仲加多句:「呢生人首次訂全套嘅漫畫,終於寄到嚟,雖然話係自己嘅書……」網迷奇怪佢自己嘅漫畫竟然都要訂?而且仲唔係完全版?據講係話工作室一直都只係斷斷續續唔齊一套咁話……咁網民就開始幻想喇:「唔通老師為續寫而做準備?」「會唔會係監修製作全國大賽嘅動畫?」唉,入嚟聽吓歌先啦。

Read more ›
日本網民投選《Slam Dunk》真人版組合 小栗旬 × 福士蒼汰!?
by / on 17/02/2015 at 5:38 pm

日本網民投選《Slam Dunk》真人版組合 小栗旬 × 福士蒼汰!?

其實都唔算係投選,因為都冇排名,只係有日本網站做咗個調查,問如果《Slam Dunk》拍真人版,櫻木花道同流川楓呢個組合應該搵邊位演員演呢?提議嘅組合包括小栗旬 X 松田翔太/福士蒼汰,仲有長瀬智也 X 綾野剛/市原隼人等等,而網民嘅理由就係小栗旬同長瀨智也夠高,市原隼人做《ROOKIES》嘅不良學生深入民心,最好笑係話綾野剛有張「狐狸臉」……另外,仲有話赤木剛憲一定係搵Dancer「関口メンディー」演,睇番張相,又啱。不過,如果真係開拍真人版,入樽迷都唔知係開心好定驚好……

Read more ›
新片速報 本地神作!? 《Slam Dunk》男兒當入樽沙畫
by / on 21/11/2014 at 12:24 pm

新片速報 本地神作!? 《Slam Dunk》男兒當入樽沙畫

呢個單位「Lover’s Tune」,之前都有幫結婚嘅新人整沙畫,質素極高,今次唔知佢技癢想露兩手定突然好懷念櫻木、流川、三井佢哋,竟然拍咗段《Slam Dunk》嘅沙畫片!早兩日已經喺facebook見過,啱啱放埋上YouTube,入嚟有得睇。不過有讀者報料,話呢段片喺大陸一早已經有,「Lover’s Tune」喺註解度話係佢哋沙畫師傅整,唔通係同一個師傅?定……

Read more ›
毛織《Slam Dunk》安西教練 軟綿綿有神韻
by / on 17/11/2014 at 8:53 pm

毛織《Slam Dunk》安西教練 軟綿綿有神韻

呢啲毛織嘅公仔,旺角都有得買,不過初心者買番屋企,都係體驗吓理想與現實咁解啦。日本高手嘅手藝就幾神喇,佢仲自製作品,而呢個作品就係《Slam Dunk》嘅安西教練!有氣勢又有動感,記唔記得呢一幕係邊段先?山王!流川!佢仲拍咗教學影片放咗上niconico,不如織俾我做聖誕禮物吖?咦我同緊邊個講嘢?同埋話時話,三井壽隻Figure都應該就出,仲有冇下一隻?不如安西啦!

Read more ›
《Slam Dunk》紙版人集齊5強 山王海南翔陽出場
by / on 20/10/2014 at 7:53 pm

《Slam Dunk》紙版人集齊5強 山王海南翔陽出場

買唔到對鞋,又唔想助長炒風,唯有忘記咗佢啦……不過想懷念吓《Slam Dunk》情景,呢幾套1/100紙板人平平地唔使捱炒都幾唔錯。7月發售嘅「湘北高校編」、「陵南高校編」,香港嘅「SLAM DUNK – 4814 DAYS AFTER」都有得賣,加埋今個月推出嘅「翔陽高校編」、「海南大附属高校編」、「山王工業高校編」,大家都吼實山王嗰set,肉丸人梗係唔少得,更加多經典場面可以重現!每套1,620円,入嚟睇吓你記得幾多個?你睇藤真除衫幾有型!

Read more ›

官方發佈!Nike X 《Slam Dunk》有鞋有Tee後日開賣
by / on 16/10/2014 at 4:10 pm

官方發佈!Nike X 《Slam Dunk》有鞋有Tee後日開賣

之前網絡流傳一對《Slam Dunk》版嘅Air Jordan VI,當時好多人都覺得係流料,我都半信半疑……不過近兩三日,喺官方facebook就出現幾段預告片,見到櫻木、「你喜歡籃球嗎?」呢啲貼士……終於,今日啱啱喺活動中宣佈咗,喺《Slam Dunk》面世第24年,Jordan Brand將會同《Slam Dunk》合作,推出Jordan X Slam Dunk系列產品!當中就有之前流出嗰對AJ VI,仲有Jordan Superfly 3,連漫畫鞋盒都好靚!不過個人覺得兩件Tee都好正!香港方面今日有得抽籤喇!  

Read more ›
日本投選最難寫實化漫畫 《Slam Dunk》《足球小將》《北斗之拳》入十大
by / on 22/09/2014 at 12:35 pm

日本投選最難寫實化漫畫 《Slam Dunk》《足球小將》《北斗之拳》入十大

      參考圖片 睇過2009年荷李活版嘅《龍珠》,你都知將漫畫合理地寫實化,其實可以好瀨嘢。日本就做咗個投選,選出最難寫實化漫畫,其實我覺得《JoJo奇妙冒險》極難,但佢只係第5;第1依然係龍珠,第2係《筋肉人》,第3係《北斗之拳》,我諗除打鬥場面外,啲肌肉人都唔知去邊搵。至於我哋熟識嘅《足球小將》就排第4位,咁又係,要拍個波飛去龍門飛半個鐘,確係有難度。咁《Slam Dunk》呢?我諗最難係搵主角啦,日本邊有咁多又後生又咁高嘅演員。咦唔係喎,香港拍過套《男兒當入樽》喎……

Read more ›
大件事!Nike推出《Slam Dunk》版Air Jordan VI
by / on 18/08/2014 at 10:52 am

大件事!Nike推出《Slam Dunk》版Air Jordan VI

呢壇嘢勁到好多人都唔相信,真係未到官方確認一刻,都好難信自己對眼。普通AJ已經夠難抽啦,我對對AJ XI出,高筒低筒特別色對對抽,一次都冇中過……嚟緊仲傳話有呢對《Slam Dunk》版Air Jordan 6,我諗同六合彩差唔多咁難中。除咗鞋身有漫畫場面之外,23號都改咗做櫻木花道嘅10號! 花道喺漫畫入面就係著呢對喇!咁係咪會出埋流川版AJ V?

Read more ›
新片速報 正到爆!1:1安西教練 體驗櫻木逗下巴
by / on 14/08/2014 at 11:32 am

新片速報 正到爆!1:1安西教練 體驗櫻木逗下巴

為宣傳《Slam Dunk》動畫嘅BD推出,日本方面竟然整咗個安西教練半身像出嚟!最勁係佢下爬真係好有彈性,而且你真係可以逗佢,每逗一下,下面個顯示器都會計數!由8月尾開始,呢個安西教練就會全國Animate巡迴展出,如果見到佢,真係想好似櫻木花道使出摩打手!

Read more ›