網圖分享:高山低谷沙漠冰川 創意Body Art懷孕照

幾時都話,識得影相真係好,識影相仲要識得用Photoshop,咁就更加好上加好。 德國攝影師Simon Schaffrath嘅囝囝預產期11月,未出世已經改定名叫「Theodor 」。為咗迎住新生命來臨,兩夫婦逢周日就會影創意懷孕照,老婆除衫,訓低, 喺胸脯同大肚皮油唔同顏料,模擬冰川、高山、低谷、荒島、沙漠、高爾夫球場 等景觀,影完相之後Photoshop,至周三先可以完成一張Body art作品,少啲心機都唔得掂。 有趣嘅係,老婆訓低嗰陣,肚裡面嘅小寶寶經常踢媽媽肚皮,搞到顏料撕裂變形 ,又要阿老竇重新油過,呢個小寶寶,第時一定係頑皮仔啫。

Read more ›