Tag: selfie

日本貓奴成功自拍 喵星人主動埋身超搞笑

日本貓奴成功自拍 喵星人主動埋身超搞笑

平日想同屋企隻貓影Selfie真係超難,日本呢位貓奴就成功咗嘞!呢張Selfie仲喺Twitter熱傳,再睇真啲,原來隻貓係想咬佢啲頭髮,個樣仲好兇狠好搞笑!入嚟有得睇埋屋企另外兩隻貓,都好可愛。

Read more ›

【相集】自拍喵星人新相特集    繼續selfie肥咗可愛咗

【相集】自拍喵星人新相特集 繼續selfie肥咗可愛咗

好耐無見呢隻自拍貓嘞,無見一排嘅佢繼續經常用GoPro玩自拍,而且近來好似肥咗,雙下巴都幾明顯。呢隻叫Manny嘅喵星人同4隻狗狗3隻貓一齊住喺美國,由於經常用GoPro影Selfie而喺網上好紅,入嚟有得follow埋佢嘅IG。

Read more ›
「Selfie係我哋發明嘅!」 Paris Hilton狂言引發網民出圖回應

「Selfie係我哋發明嘅!」 Paris Hilton狂言引發網民出圖回應

羽毛球都係我發明架!仲記唔記得《全力扣殺》林敏驄最後嗰段爆肚獨白?今次睇Paris Hilton喺Twitter嘅post我諗返起呢句對白。事緣最近Paris Hilton放咗佢同Britney Spears喺11年前嘅自拍照,仲講咗句:「11年前嘅相,我同Britney發明咗自拍!」由於句嘢太膠,網民即時瘋狂留言post相反駁,遠嘅有瑪麗蓮夢露拎住寶麗萊即影即有自拍,近啲嘅仲有Mr. Bean,大量舊相回帶,不過就無Paris Hilton嘅回應,可能人哋純粹搞吓笑,係大家太認真?入嚟有得睇。

Read more ›
【新片速報】羽生結弦影selfie唔夠高 狂跳起高人出手

【新片速報】羽生結弦影selfie唔夠高 狂跳起高人出手

日本溜冰選手羽生結弦喺網上人氣超勁,繼佢咬住領口拉開外套拉鍊段片熱傳後,最新有呢段behind the scene。有人拍攝到比賽後一班選手喺溜冰場selfie,羽生結弦唔夠高俾前面嘅選手擋住,佢嘗試跳高,之後有高人出手嘞,一手將佢捧起,好型!入嚟有片睇。

Read more ›

哪來的自信?日本網民瘋狂恥笑Twitter自戀照

有無曾經覺得自己嘅自拍照影得幾靚仔靚女 ? 有無諗過叫朋友轉發?日本網民最近cap咗幾款twitter自戀圖嚟恥笑,圖中嘅相加埋句caption,會令你有打爆芒嘅衝圖。例如第一個托住腮嘅男仔加咗3個hashtag,話自己無患腱鞘炎、只係練習緊自拍、生得醜嘅注意。然後另一個仲學人戴眼鏡,然後叫朋友覺得氣氛唔錯請RT(轉發)。仲有個女仔飲住咖啡,話今日一齊玩嘅男仔朋友送比佢嘅咖啡好好飲。網民留言話:「令人好嬲嘅表情」、「可唔可以發個『真的很醜』嘅訊息俾佢?」網絡嘅年代,真係多咗好多自戀狂,你身邊有無幾個?夠唔夠膽tag 9 him?

Read more ›

燈箱+畫作+餐牌+雕塑 老夫子餐館打卡可以 食物質素免問

我唔算好迷王澤,但《老夫子》係細個唯一可以大模斯樣喺屋企拎出嚟睇嘅港漫,所以知道太子開咗間「老夫子餐館」,心諗一定要去打卡。上周日專程去捧場,時為下畫三點幾,都已經新開張咗個幾禮拜,估唔到都仲要排隊,排廿分鐘有檯,不過我哋三人行,要同三唔識七嘅人搭檯,唔緊要,影相要緊。影完相,食完嘢,做個總結,裝修我畀滿分,但食物質素就……一般過一般喇。

Read more ›

香港動漫海濱樂園 燎原火同聾貓打牌夠過癮 無王小虎/風雲好遺憾

估計好多港漫迷都好似我咁忙到癲,搞到無時間去灣仔金紫荊廣場海濱長廊嘅「香港動漫海濱樂園」,都開幕咗兩個禮拜咯,我上個禮拜日先有時間朝聖,三十個動漫人物陪Selfie呢個構思係幾好嘅,啲雕塑造型同姿勢亦好順眼,燎原火同聾貓Crossover打麻雀就直頭頂癮添喇,唯一失望係無王小虎同風雲,大佬!咁具代表性嘅港漫角色都無,失色咗啲囉,不過公道啲講,整體感覺係比九龍公園嘅香港漫畫星光大道好好多嘅,而大媽都係多好多嘅。 好喇,仲未得閒朝聖嘅朋友,家陣特晒三十個人物畀你睇,排名不分先後──Cuson(咳神)、馬仔(馬仔)、華英雄(馬榮成)、郭靖(李志清)、海虎(溫日良)、李小龍(上官小寶)、陳洛軍(司徒劍僑)、壽星仔(上官小強)、燎原火(陳某)、聾貓(小克)、老少女(Stella So)、森巴(姜智傑)、雪晴(雪晴)、白熊和男孩(大泥)、阿狗(鄭健和)、癲噹(貓室)、哨牙珍(甘小文)、南宮問天(黃玉郎)、許樂(劉雲傑)、特務K(利志達)、龍神(邱福龍)、江記(丁丁企鵝)、Q小子(馬星原)、牛仔(王司馬)、老夫子(王澤)、13點(李惠珍)、陳浩南(牛佬),睇相喇老友。

Read more ›

香港動漫海濱樂園 30個港漫角色陪Selfie

係囉,老尖條漫畫星光大道都行到悶咯,係時候轉吓新場咯。好消息!4月29日本周五起,灣仔金紫荊廣場海濱長廊搞咗個「香港動漫海濱樂園」,戙企咗步驚雲、王小虎、牛仔、老夫子、13點、華英雄、Cuson、陳浩南、李小龍、壽星仔、陳洛軍、森巴、白泥和男孩、海虎、雪睛、老少女、燎原火、聾貓、馬仔、郭靖、荊裂、阿狗、癲噹、哨牙珍、南宮問天、許樂、特務K、龍神、丁丁企鵝總共30個港漫角色畀大家自拍,免費入場。30個角色喎大佬,呢鋪仲唔Selfie到手軟?

Read more ›

有片:恐怖!靚女Selfie惹鬼攞命!

鍾意睇鬼片的話,可以留意吓YouTube頻道「JasonRoseteFilm」,內有極多恐怖短片,雖則每條片都短短哋得三幾分鐘,但喺氣氛營造同配樂方面都好出色,夜媽媽睇真係有啲驚。就以呢條《Selfie-Evil Dummy From Hell》為例,講靚女自拍成癮,影影吓聽到敲門聲,開門唔見人,淨係見到個公仔。狐疑間,靚女拎公仔入屋,之後發覺有腳步聲但又唔見人,再之後見到有字寫住「Go Fuck Your Selfie」,再再之後靚女Check手機,嘩……啲解啲自拍相多咗隻公仔架?

Read more ›

網圖分享:擔天望地 帶恐龍旅行影靚相

有人純粹帶眼睛旅行,唔多影相;有人帶Barbie去旅行,為Barbie影相;有人用自拍神棍扮同女朋友旅行,Selfie自己呃自己;巴拉圭攝影師Jorge Saenz就去親旅行都帶棘龍、長頸龍、腕龍、暴龍等等玩具恐龍,之後透過特定角度構圖、背景襯托,要山有山,要水有水,要天有天,要地有地,張張相都影到好有電影感,誇張啲講句,配番幾粒字,直頭可以當Poster出。佢ig大把恐龍靚相,值得Look Look。

Read more ›

【圖集】暖男邀請動物影selfie 最後目標係「獅子」

一般人影selfie(自拍)都係影吓自己,最多影埋身邊嘅朋友。不過呢位29歲嘅愛爾蘭攝影師Allan Dixon就有啲唔同,因為佢嘅自拍對像係唔同品種嘅動物。每當佢去到唔同地方,就會邀請班動物一齊selfie,仲結集出咗個系列叫「real-life Dr. Dolittle」,有啲動物我都噏唔出名,只係知道佢哋全部都好可愛,而Allan話嚟緊最想同佢selfie嘅係獅子,不過佢都好驚嗰張相將會係佢最後一張selfie…..

Read more ›

全球最長自拍神器 嚇親途人報警收場

唔係最新,不過啱啱先睇倒好想share吓。自拍神棍我未用過,覺得喺街拎出嚟要相當大嘅勇氣,而我就一直都未儲到氣。講返正題,呢個YouTube團體Trollstation自製咗一條號稱全球最長嘅自拍神器,長有咩好?可以伸高啲伸遠啲影多啲人啩。佢哋仲帶埋支自拍神器出街玩,途人見倒都嚇到呆咗,有人大方同佢一齊玩自拍,亦有人頂唔順要同警察投訴‥‥‥

Read more ›
自拍神人破世界紀錄     1小時影1449張相

自拍神人破世界紀錄 1小時影1449張相

自拍都可以破世界紀錄?呢位黑人Patrick Peterson為咗破紀錄,搵咗大量朋友同佢自拍,喺一個鐘內影咗1,449張自拍相,平均每3.1秒影一張,成功破埋健力士紀錄!佢就幾爽,坐喺張椅上面,其他人就排住隊輪流攝個頭埋去同佢自拍,巨星風範。不過一個鐘hold住同一姿勢拎住部手機,相信都幾攰,佢無用自拍神器,我諗因為反應無咁快。唔講唔知,原來之前一年已經有呢個比賽,當時嘅自拍紀錄係1小時影咗657張,由Lee Goodfellow拍攝,就咁比的話,今次勁一倍有多。

Read more ›

好學唔學 男士玩自拍效果勁嘔心

男女不嬲都唔平等,基本上靚女喺網上呃like特別容易,但係相同嘅pose角色,如果變成一個麻甩佬,放喺instagram效果即時變晒。網上搜羅咗大量男性學女士嘅自拍selfie相,擺返女士最鐘意嘅自拍甫士,如果有dislike,大家應該會撳到爆。

Read more ›

牛津字典最新年度詞彙 「vape」電子煙你識咗未?

話咁快又一年,上年美國牛津字典公佈咗年度詞彙係「selfie」,之後人人爭住用爭住講,明明識講「自拍」都要講「selfie」。好喇,眨吓眼到2014年,啱啱官方公佈咗2014嘅最新年度詞彙 ─vape!唔識?唔緊要,我聽都未聽過,而家學都唔遲。vape可以做埋動詞,解作吸電子煙,之所以咁勁,全因為今年4月英國開咗間vape cafe,無幾耐紐約又宣佈室內全面禁止電子煙,同月電子煙議題喺多份報章雜誌引起好大爭議,至於香港呢,暫時無乜人用,不過經今次之後好難講。

Read more ›