fbpx

Tag: Ryu

有片:Ryu的炒飯昇龍拳是如何煉成的

有片:Ryu的炒飯昇龍拳是如何煉成的

跳起,重腳踢背脊,落地重拳接昇龍拳,Shoryuken!KO!專門用日常物品拍攝有趣圖片嘅「MINIATURE CALENDAR」分享咗呢條Ryu出「炒飯升龍拳」嘅製作短片,影幅靚相原來背後要花咁多心機同時間。記得開聲睇,保證你會睇得投入啲。

Read more ›

網圖分享:春麗的草菇百裂腳

網圖分享:春麗的草菇百裂腳

學生時代蒲機舖打《Street Fighter》,總有三兩條友用春麗用到出神入化,齋一招百裂腳已經屈到人死死吓。呢一招,啟發咗面書專頁「MINIATURE CALENDAR」二創咗一幅作品《Smashroom》,出招嗰陣,見嘅再唔係百裂腳殘影,所有腳影變成一簇草菇,踢到Ryu企都企唔穩,過癮。

Read more ›
有片:楊家誠分飾草薙京+Ryu+麥當奴叔叔+肯德基叔叔 Rap住教英文

有片:楊家誠分飾草薙京+Ryu+麥當奴叔叔+肯德基叔叔 Rap住教英文

作為一個英文老師,楊家成選擇行網紅呢條路教學,我諗呢招幾Work,至少佢拍嘅片,條條都好吸睛。扮球星射姿同小動作教大家讀NBA球員名字嗰條片已經夠爆趣,今次呢兩條片就更加出位,一條係麥當奴叔叔vs肯德基叔叔,另一條係草薙京vs Ryu,片中佢一人分飾晒四角,用中文、英文同普通話玩Rap battle。犀利到玩Rap,仲要玩埋Cosplay,製作一啲都唔馬虎,我係畀100個Like嘅。

Read more ›
繼續二創!旋轉大隻柴vs Ryu!

繼續二創!旋轉大隻柴vs Ryu!

早前喺日本Twitter大熱嘅「旋轉大隻柴」,好多網民都覺得好得意,紛紛改圖。二創陸續有來,有日本網民「哀ScReaM」將佢變成《Street Fighter》一員,身高205cm,體重121kg,對手係Ryu,唔知佢有乜絕招,又打唔打得贏Ryu嘅波動拳同昇龍拳呢?

Read more ›
有片:日本網民Stop Motion短片 Ryu打爆Red Bull

有片:日本網民Stop Motion短片 Ryu打爆Red Bull

型呀喂!日本網民篠原健太傑作──Ryu打爆Red Bull飲品罐Stop Motion影片,由準備「Fight」擺格鬥Pose開始,到衝前出重拳,再出重拳,再出昇龍拳,成個動作一氣呵成。呢條片好有魔力,唔知點解我Loop咗起碼廿次。另,有埋篠原健太拍片花絮,Click入有嚟有得睇。

Read more ›
BigBoysToys出特別色Ryu+春麗  波動拳+百裂腳

BigBoysToys出特別色Ryu+春麗 波動拳+百裂腳

係咪春麗Fans?打《Street Fighter》鍾唔鍾意用Ryu?Like呢兩個角色的話,咁BigBoysToys推出嘅特別色限量版Ryu同春麗Figure應該啱你心水,每隻獨立賣各$650,連套裝賣各$1300,套裝各包相連背景卡及地台卡各一,造型係最大路嘅Ryu出波動拳、春麗出百裂腳,Toysoul 2016有售,限量各100隻。

Read more ›

Storm Collectibles出《街霸V》Ryu 1:12 Figure登場

Storm Collectibles出《街霸V》Ryu 1:12 Figure登場

  「Storm Collectibles」推出《街霸V》Figure,率先彈出嘅阿龍(Ryu),詳細資料如下──1:12、177mm高、30個可活動關節、三個可換頭顱、四對手、波動拳效果膠塑,擺波動拳、升龍拳同旋風腿Pose輕而易舉,整體嚟講,用色、衫褶、肌理都唔錯,值得入手。

Read more ›
官方《街霸V》阿隆3D激突海報有得買 拳頭手瓜好突出

官方《街霸V》阿隆3D激突海報有得買 拳頭手瓜好突出

《Street Fighter V》早兩日有新片公佈,仲有好難認,換咗新造型嘅阿Ken,不過話晒今集主角係阿隆,Capcom就同3D印刷公司Source3合作,出咗張立體3D嘅阿隆poster,amazon有得買。用返今集嘅主題相,阿隆交叉隻手握拳,側面睇手瓜同拳頭都係激突嘅,價錢唔平,6″x5″賣美金$90,豪啲嘅買10″x8″要美金$190!唔知會唔會出埋春麗同Cammy呢?

Read more ›
有片:Ryu波動拳+春麗百裂腳 電梯乘客喊驚

有片:Ryu波動拳+春麗百裂腳 電梯乘客喊驚

呢條《Street Fighter Elevator Prank》短片雖無聊,但搞笑,比著我,如果喺電梯見到Ryu同春麗,頂盡只會估佢哋玩緊Cosplay,誓估唔到佢哋會突然發難,郁手郁腳。Ryu嘅波動拳、春麗嘅百裂腳雖然全部打牆,但比著你見到兩條友發咗癲咁喊打喊殺,恐怕你都會走夾唔抖。還拖?未必唔敢嘅,不過有得走嘅話,都係走為上著囉,而此片裡面所有乘客都係咁諗,電梯門一開,即雞咁腳速逃。

Read more ›
新片速報:中波動拳,尼馬腰傷真相!

新片速報:中波動拳,尼馬腰傷真相!

一比七四強出局,巴西躉賴尼馬受傷無份落場係落敗主因,仲怪罪踢傷佢嘅哥倫比亞球員辛尼加添,或者因為國際足協紀律小組決定唔追罰辛尼加,所以有巴西躉惡搞咗呢條短片,原來尼馬係中波動拳搞到脊椎骨裂架。

Read more ›
網圖分享:天生宿敵Ryu與Ken

網圖分享:天生宿敵Ryu與Ken

話之你大奸大惡,又話之你規行矩步,每個人生命中都總有個剋星剋住晒,有無發覺只要一有某某人出現,你做乜都唔順遂,唞啖氣都好似窒窒吓咁?

Read more ›

1:1激真阿隆半胸像 499美金抵到爛

1:1激真阿隆半胸像 499美金抵到爛

  其實我同Ken、Ryu都算老朋友, 細細個就同佢哋一齊打機, 不過就真係甚少流, 佢成日淨係識「波GET、波GET」! 都唔知佢講乜? 好喇! 到咗今日終於有機會請佢返屋企食餐飯! Pop Culture Shock發佈, 會喺呢兩個月出阿Ryu 1:1半胸像。

Read more ›
新片速報 雲加落Order 華美倫、阿迪達出波動拳

新片速報 雲加落Order 華美倫、阿迪達出波動拳

  Hadouken,即係《街頭霸王》裡面嘅波動拳,前排日本女高中生影波動拳相,一人扮Ryu出波,其他人跳起向後撻扮中波,估唔到連股影相風氣,啱啱先吹到阿仙奴陣營。

Read more ›
《IQ博士》x《街頭霸王》人物大兜亂

《IQ博士》x《街頭霸王》人物大兜亂

呢張圖過癮呀,有則卷小吉扮Ken、則卷千平扮春麗、則卷太平扮Ryu、則卷小雲扮Cammy、小茜扮軍佬,仲有……

Read more ›