Tag: Rodman Chan

網圖分享:Rodman Chan畫Mirror

網圖分享:Rodman Chan畫Mirror

真係好正!成日俾人寫錯名嘅Rodman Chan嘅畫作幾時都可以帶畀人歡樂,睇得人好開心。最新出品,有呢幅Mirror十二子,有網友好有心機地搵番參照原相出嚟,大家可以對照一下。似唔似?你話呢?識睇梗係睇留言──「好波!完全認唔到!一定唔會激嬲鏡粉!」、「可以開返個『我畫Mirror搞到老婆離婚關注組』」、「點解可以十二個都唔似架……」哈哈,笑死我了。Rodman Chan兄加油呀,唔好停,請繼續發放好畫!

Read more ›

網圖分享:Rodman Chan的「書展毒男」

網圖分享:Rodman Chan的「書展毒男」

很高興認識到Rodman Chan呢位面書朋友仔,睇佢畫作人都開心啲嘅。適逢書展,佢又畫咗視周秀娜為一世女神嘅「書展毒男」。拼一拼真人相,嘩!啲神髓完完全全出晒嚟,尤其兩隻向左走向右走嘅眼睛,真係……Nothing to say,個嘟長咗嘅嘴又係似啫……唔係吹水,笑到我收唔到聲。

Read more ›
黃國興砌圖版3cm畫作 唔見咁胯下最重要一忽

黃國興砌圖版3cm畫作 唔見咁胯下最重要一忽

接近兩個禮拜嘞,Rodman Chan吹雞嘅3cm畫作比拼似有未完之勢,今日瀏覽黃興豬面書,驚見佢都畫埋一份,仲另創砌圖版添。一開六,抵死地畫一個全身無著衫嘅自己,而胯下最重要部份卻神奇地Miss咗;而喺六塊砌圖裡面,只有畫頭部嗰塊有標明係3cm,其他五塊應該唔止呢個Size。好有創意,我好鍾意,唔知嚟緊仲有無其他新花臣呢?

Read more ›
網圖分享:Rodman Chan吹雞比拼3cm畫作 一呼百應抵畀Like

網圖分享:Rodman Chan吹雞比拼3cm畫作 一呼百應抵畀Like

真心,我係好好好好好開心認識到Rodman Chan兄呢個面書朋友嘅,佢嘅畫作已經係我精神食糧,每次睇到都會心微笑。人求乜啫,都係求開心一笑之嘛!我估,佢亦都係一個開心快樂人,唔係點會咁有本事將快樂感染畀人呢?喺面書一吹雞,玩3cm畫作投稿比拼,都已經係成個禮拜前嘅事,到依家依然參與者眾,人像、字體、四格漫畫乜都有齊,聽講近呢一兩日仲加高難度,發展到畫1cm添,厲害!Rodman Chan一呼百應,絕對係好事嚟嘅,以畫會友,成畫壇盛事也,開心睇畫開心笑,做人就係咁簡單。

Read more ›
奉Rodman Chan諭 請踴躍參加《天若有情之恐怖吳倩蓮大賽》

奉Rodman Chan諭 請踴躍參加《天若有情之恐怖吳倩蓮大賽》

哈哈,平時追睇Rodman Chan啲大作已經有啖笑,繼賤婆婆後,見佢今日吹雞搞《天若有情之恐怖吳倩蓮大賽》,我直頭笑咗出嚟,哈哈。好事吖,Call多啲人一齊畫《天若有情》吳倩蓮加劉德華電單車流鼻血一幕,以畫會友就係呢種嘞,諗吓都開心。佢仲好搞笑咁喺面書留言曰:「費事俾人話獨裁,今次一人一票,夠晒公開公平公正,不過係鬥恐怖,嘿嘿嘿嘿……」鬥恐怖喎,即係手畫唔靚都可以落場一鬥喇,搞到我都有啲手痕,想畫番幅贈慶,大家快啲投稿呀喂。

Read more ›