Tag: ROCKY

有誠意我鍾意 Rocky《Rocky’s Sketches 2》暫定送書籤+筆記本

有誠意我鍾意 Rocky《Rocky’s Sketches 2》暫定送書籤+筆記本

我睇到一顆全力以赴做到最好的心,話說之前介紹過會喺「石子地攤」推出嘅《Ricky’s Sketches 2》,作者Rocky喺面書話:「衝刺期間決定加16 pages,即是全本84 pages。」原因係唔想啲畫作編排到密質質,想多啲空間唞氣位畀讀者慢慢欣賞,代價係要補畫多四至五幅作品。Wow,好熱血呀喂。更熱血嘅係隨畫集會暫定送書籤同空白頁A5筆記小本子,點解係「暫定」?因為要睇成品效果如何先落實送唔送,唔印到靚一靚唔送。淨係呢份認真態度,我覺得已經值得畀Like,咁畀完Like當然要實際課金支持啦。

Read more ›

Rocky「石子地攤」搞互動 出繪本邀圖畫景

Rocky「石子地攤」搞互動 出繪本邀圖畫景

相信大家都知嚟緊7月,戇男同十五少會扯頭纜搞「石子地攤」,我就萬二億分期待嘞,而參與者之一嘅Rocky Chan屆時會推出個人繪本,咁佢強項係畫景,咪所以有以下呢個互動環節囉。玩法好簡單,Send圖畀佢,圖要係「自己心愛的工作枱面、房間佈局擺設或店舖特色」,Just景不包人像,佢會「視乎感覺去畫綱筆線、淡水彩或者電繪」。喂,獨一無二呀,係咪過癮先?作品會喺實體繪本刊登,來圖者請私下PM佢本尊,完事後Rocky會送張自畫印製感謝卡,聊表謝意。老實,成件事唔算甚麼驚天動地泣鬼神,但讀者有份參與始終係件好事,有得互動嘛,咁畫壇先會熱鬧嘛,畀個讚Rocky。

Read more ›
網圖推介:Yuen Q Portrait的港漫人系列

網圖推介:Yuen Q Portrait的港漫人系列

從來都好羨慕識畫公仔嘅人,尤其懂畫Q版人像者,既娛人又能娛己,好開心。今次有請面書專頁「Yuen Q Portrait」出手,其港漫人系列真係好有本尊神髓,尤其鍾意十五少嗰幅,畫得好Cutie,讚。

Read more ›
戇男+十五少+吳文輝+Rocky 《不定價──漫畫製作流水班》接受報名

戇男+十五少+吳文輝+Rocky 《不定價──漫畫製作流水班》接受報名

舉埋腳支持!因為成件事真心型,科幾多水隨心,講明不定價,就可以成為戇男、十五少、吳文輝同Rocky掛名弟子,係咪好吸引呢?《不定價──漫畫製作流水班》依家正式接受網上報名,由8月7日起連續四個禮拜日授課。上齊四堂,戇男會送多個流水同學會金屬襟章,聊表心意,以茲紀念。有時間的話,不妨捧吓場吖,港漫人同讀者多啲真實交流,先可以炒番熱港漫吖嘛。

Read more ›
【有片】《洛奇外傳》續集海報 主角其實係「大岡」

【有片】《洛奇外傳》續集海報 主角其實係「大岡」

第一次睇張海報,冇乜特別感覺,但俾日本網民講一講,返唔到轉頭……啱啱《洛奇外傳-王者之後(Creed )》續集出咗新預告,打死阿波羅嘅蘇聯佬Drago(Dolph Lundgren演)回歸,仲有個仔(Florian Munteanu演)。咁呢套外傳男主角係阿波羅個仔喎,呢個劇情都有啲高潮啦。不過講番點,就係張海報中主角企喺「II」字中間,就好似《Hunter x Hunter》嘅「小岡」變「大岡」一樣……

Read more ›

11月上映 史泰龍再演Rocky 《Creed》簡介曝光

要數隔咗好多年再重出新一集嘅系列電影,《Rocky Balboa》絕對係叫好叫座嘅代表!早幾年第6集講拳王老去但依然有團火,加埋父子情真係睇到熱血飛天!嚟緊11月就會有呢套外傳電影《Creed》,Creed即係拳王阿波羅Apollo Creed個Creed,Sylvester Stallone繼續演Rocky Balboa,不過今次就唔上台打,而係要訓練已故宿敵兼好友阿波羅個仔。由Ryan Coogler導演,最新簡介幾詳盡,故事講阿波羅個仔(Michael B. Jordan演)喺老豆最威水時未出世,於是去費城尋根,最後請Rocky做佢教練……其他演員有Tessa Thompson、Phylicia Rashad、3屆ABA Heavyweight Champion Anthony Bellew!11月25日上映,跑上「 Philadelphia Museum of Art」呢啲場面唔少得啦?我又聽到首音樂喇!

Read more ›

神級化妝 女人變《Rocky》《教父》

化妝可以將一個人改頭換面,唔單止女變男,由阿毛變到明星都得。之前有個化妝師Paolo Ballesteros將自己化成唔同嘅荷李活明星,轉頭又有另一位叫Lucia Pittalis嘅女人挑機。佢好扮唔扮,居然扮最Man嘅Rocky,無錯,係拳王史泰龍,而且扮得好神似,其餘仲有《教父》嘅馬龍·白蘭度、Walter White、Iggy Pop等。化完妝嘅佢,相信阿媽見到都一定唔認得。

Read more ›

12/2 影碟榜 蝙蝠俠:夜神起義 邊個版?好難揀!

  《蝙蝠俠 – 夜神起義》今個星期贏晒!喺街邊邊度有得播,都一定企滿人!買啦!買啦!不過選擇相信好多人同我一樣,都有母親的決擇嘅感覺,要「雙碟面具限量版」好吖?定「雙碟人偶套裝」好呢?定「雙碟鐵盒限量版」,不過最後我係揀咗普通版!因為我發現放碟個膠箱,要容納個面具或公仔有困難,鐵盒又有少少Oversize,為免為我執屋嘅「貼身」菲傭開我波,我唯有忍痛啦!另外今個星期仲有阿部寬搭上戶彩套《羅馬浴場》,輕鬆睇碟星期日啱晒!至於科幻友,有套《異形爆倉》,聽個名都知爆,仲唔快啲打81777778?

Read more ›