fbpx

Tag: R2-D2

多咗個嘴漏機油?R2-D2幫你沖咖啡!

多咗個嘴漏機油?R2-D2幫你沖咖啡!

唔知點解,一見到呢個R2-D2咖啡濾壺就覺得好好笑,揭起頭蓋好似戴咗老夫子頂卜帽咁,背脊有手柄,拎起佢倒咖啡又好似多咗個嘴咁,畫面好搞笑。身軀透明,沖幾多咖啡一目了然,而沖滿滿一壺,可以落32安士咖啡,足四杯份量,每個39.99美元。幾舊水港紙,唔貴,加上咁盞鬼,買嚟唔用,當精品擺都過癮。

Read more ›

有片 星戰Leia公主帶狗出席首映禮 發狂亂吠BB-8

有片 星戰Leia公主帶狗出席首映禮 發狂亂吠BB-8

睇完今集星戰之後,長期處於星戰mode,見到任何有關星戰嘅嘢都好想睇,連汁都撈埋,好似呢單新聞,就講飾演Leia公主嘅Carrie Fisher最近出席首映禮時,帶埋隻狗狗Gary一齊去,點知隻狗見到BB-8之後就發狂亂吠,佢一定係心諗,點解R2-D2唔同咗樣嘅?入嚟有片有相睇,Han Solo抱住隻狗狗時個樣點解咁驚青?

Read more ›
【型在細節】日本AQUA黑武士1:1雪櫃 只可以雪一罐汽水

【型在細節】日本AQUA黑武士1:1雪櫃 只可以雪一罐汽水

仲有1個月多啲,12月17日就可以睇到《Star Wars VII The Force Awakens》,不過電影未出,fans嘅錢都已經吸到差唔多乾晒。新產品出完又出,今次呢個係日本電器品牌AQUA推出嘅1:1黑武士迷你冰箱,個樣無乜特別,都係黑武士頭盔,但型在入面只可以雪一罐汽水。方法就係拎起黑武士個頭,汽水就收埋喺佢嘅頸部位置,每次打開仲有聲效,係咪勁?不過講實用度可以話係近乎零,相信只有真心而又有錢嘅fans先會買,12月20日發售,開價42,984円,即係港幣2800蚊左右,唔平。補充一句,AQUA即係之前公佈咗出R2-D2識得郁嘅迷你雪櫃嗰間公司,R2-D2仲貴,賣998,000円,接近港幣7萬,真係要好有閒錢先買得起。

Read more ›
【簡單就是美】神級紋身圖案 一筆過完成R2-D2/樹葉/大象

【簡單就是美】神級紋身圖案 一筆過完成R2-D2/樹葉/大象

紋身我唔敢,不過唔抗拒,有時見到啲幾靚嘅圖案都會留意吓。近年流行一啲線條簡單又或者好細嘅紋身,呢位紋身師傅Mo Ganji,出生於伊朗嘅佢,而家住喺德國柏林,佢設計嘅紋身圖案更加係別樹一格,因為佢筆下嘅紋身圖案都係用一筆過完成嘅。企鵝、樹葉、狗、地圖、蜻蜓、帆船,甚至星戰嘅R2-D2、白兵,簡簡單單但已經好靚,其實有時簡單嘅作品比複雜嘅更加難做得好呢。

Read more ›
【可以咁玩】R2-D2飛去Comic-Con 配埋星戰音樂超好玩

【可以咁玩】R2-D2飛去Comic-Con 配埋星戰音樂超好玩

四軸飛行器Quadrocopter識玩嘅其實好好玩,好似呢個外國人Otto Dieffenbach,就將個Quadrocopter裝喺R2-D2入面,然後飛埋上天。睇片見佢配埋R2-D2聲效同星戰首經典音樂,的確好好玩,佢仲帶埋呢隻識飛嘅R2-D2去Comic-Con曬命威威,手工咁精細,抵佢得戚嘅。BTW,除咗R2-D2,佢其實仲玩過識飛嘅Snoopy屋同埋警察局,一樣好好玩。

Read more ›
90個新造型      R2-D2展覽網上有得睇

90個新造型 R2-D2展覽網上有得睇

啱啱喺美國加洲搞嘅Star Wars慶祝活動,除咗有coser睇之外,仲有呢個R2-ME2展覽都好值得睇,由Sideshow Collectibles主辦,搵咗90位世界各地嘅藝術家,每人一隻1比6嘅R2-D2 figure用自己嘅方法改造,全部效果都好靚令人好想收藏,睇完有無心思思想自己整返隻?

Read more ›

精品報價: R2-D2繼續斷  DIAPOLON你記得嗎?老人家!

精品報價: R2-D2繼續斷 DIAPOLON你記得嗎?老人家!

個個星期行精品, 都係為咗隻R2-D2, 不過一直只返白兵同飛機仔, 訂極都冇貨, 個心開始有啲急了! 行過飾櫃見到有隻好嘢–DIAPOLON! 印象已經好模糊, 記憶中佢打交好似打欖球一樣……故事內容完全清零, 如果有網友記得啲, 講嚟聽吓! 現在接受預訂, $780一隻大膠, 貴唔貴!? 見人見智, 如果鍾意的話, 出面街依家都好難搵到佢嘅產品。

Read more ›
有片:煎出尤達 Pancakes星戰角色

有片:煎出尤達 Pancakes星戰角色

犀利!煎Pan當畫布,開火,左唧右唧,靠幾種唔同食材煎出唔同層次感,三幾下手勢,尤達、黑武士、白兵等等《星球大戰》角色全部變晒Pancake。係,我知你實話唔難,C3PO、R2-D2、Jar Jar Binks、Leia公主同Chewbacca,唔知又會唔會難煎啲呢?

Read more ›
R2-D2提你閂雪櫃

R2-D2提你閂雪櫃

為乜要將呢個R2-D2放入雪櫃呢?唔係應該擺入飾櫃咩?哦,原來佢並唔係一般得個睇字嘅Figure咁簡單;實際上,佢係一個「閂雪櫃提示器」,吓?閂雪櫃都要人提?係喎,Like嘅,咪覺得窩心囉,唔Like嘅,咪覺得無聊囉。

Read more ›
1:1《星戰》R2-D2蛋糕   Leia公主一齊食?

1:1《星戰》R2-D2蛋糕 Leia公主一齊食?

外國好興整啲動漫或電影角色嘅生日蛋糕,靚爆、誇張、騎呢乜都有,今次呢個《星球大戰》嘅R2-D2蛋糕,賣點在於超巨型,聲稱係1:1真實呎吋,由餅店Cake Cove製作,佢無講訂造呢個cake要幾錢,相信都係天文數字。我最欣賞係佢張宣傳相搵埋Leia公主一齊影,原來R2-D2高度去到公主嘅腰部o架!BTW,咁巨型要食幾多日先食得晒?

Read more ›
有片    史上最靚R2-D2模型   造工超靚無膠味

有片 史上最靚R2-D2模型 造工超靚無膠味

呢幾日特別多《Star Wars》新聞,睇完R2-D2靚到爆嘅投射鍵盤,轉頭又見倒呢個極精美嘅Deluxe版本1比6 R2-D2 figure,由SIDESHOW出品嘅「R2-D2 Deluxe Sixth Scale Figure」,本來見倒個樣都覺得無乜特別,不過睇埋條片,嘩!造工超細緻,幾乎每個位都可以開合,而且質料唔係一般嘅膠味十足,難怪價錢都唔平,開價美金$149.99,即係大約港幣$1200左右,每人只限訂一隻,預計12月到貨。.  

Read more ›

Stars Wars官方認可婚戒      日本出品超高質

Stars Wars官方認可婚戒 日本出品超高質

打定底,唔係新,不過我啱啱先見識倒。Star Wars真係無孔不入,衣食住行嗡得出嘅都有產品,結婚戒指當然唔少得,本來無乜特別,不過呢套有齊16個角色,仲要係官方認可,仲要係日本品牌JAP出品,即時加分。個人認為R2-D2同埋黑武士都好精緻,但係尤達大師又好得人鐘意,星戰迷睇嚟要娶返十個八個老婆先滿足。如果無心儀對象嘅,買嚟當飾物戴都型吖。

Read more ›
150磅超巨型R2-D2朱古力   只准影唔准掂

150磅超巨型R2-D2朱古力 只准影唔准掂

邊個同R2-D2咁大仇口?呢個150磅重嘅R2-D2朱古力雕塑,堪稱最巨型嘅R2-D2美食,發現地點喺美國加洲嘅The Fairmont San Jose酒店,時間係聖誕期間,估計大廚Fernando Arreola係被酒店高層迫住捱咗幾晚通宵整成嘅。呢隻巨型R2-D2擺放喺酒店大堂,寫明叫大家唔准掂,只可以影相‥‥‥唔好咁孤寒啦,分啲比小朋友食啦!

Read more ›
Star Wars官方出品睡衣    蛤蜊衣去廁所有危機

Star Wars官方出品睡衣 蛤蜊衣去廁所有危機

唔准講大話,你瞓覺套衫究竟有幾劣?本來Star Wars嘅cosplay衫唔想多介紹,不過呢套係睡衣,可以一年365日著住瞓,而且仲係官方出品,個樣見得吓人,男model都幾有型(嘻),窄褲腳設計算係用心,就算有朋友突擊上你屋企探訪都唔失禮。有齊R2-D2、白兵、黑武士同Boba Fett一式四款,唯一美中不足係蛤蜊衣設計,衫褲連身一件過,夜媽媽去廁所可能有啲輪盡。

Read more ›
Star Wars鐵片模型 冇窿玩圓弧極精細

Star Wars鐵片模型 冇窿玩圓弧極精細

    呢類金屬鐵片模型, 香港都返過唔少, 有車有樓、仲要有貓有狗, 不過好似呢兩隻Star Wars出得咁精緻嘅, 我都係第一次見, R2-D2同Millennium Falcon盡見圓弧位, 其實難度已經相當高, 砌完出嚟仲要冇乜窿窿位, 我覺得開發佢嗰條友, 當中絕對有愛!

Read more ›