Post Tagged with: "Q版"

許景琛Q版畫集 不日推出
by / on 08/08/2019 at 9:30 am

許景琛Q版畫集 不日推出

久違了的許景琛,喺面書話將會推出第二本Q版畫集《Cyber Q》,主題係「機械載體」,同時登咗一幅圖畀大家止止咳。佢手Q版畫有幾勁,我諗唔使多介紹,拭目以待。

Read more ›

有片:超神似!崔成安畫Q版元華!
by / on 28/05/2019 at 8:19 pm

有片:超神似!崔成安畫Q版元華!

崔成安同元華係好朋友來的,好朋友到大家一聚頭就講手切磋,跟住仲畫埋肖像添。大師即係大師,畫畫呢家嘢真係好講天份,簡單幾筆,崔成安就畫出一個Q版元華,姿勢自然好神似,神髓出晒嚟。Click入嚟有片睇,睇完,我諗你都會講個服字。

Read more ›
Q版林正英 Tiny微影推出《殭屍先生》Figure $320
by / on 28/01/2019 at 9:00 pm

Q版林正英 Tiny微影推出《殭屍先生》Figure $320

八九十年港產片大盛,林正英主演嘅《殭屍先生》系列電影大受歡迎,功夫+殭屍+笑料+少少鹽花呢條方程式,家陣翻睇都仲笑得出。所以呢,呢套由「Tiny微影」出品嘅中國殭屍加林正英道士造型Figure組合套裝,我心郁郁想買,每套$320唔貴。Q版,我鍾意。

Read more ›
《山海逆戰》Q版勾徹Figure 2019年發售
by / on 19/01/2019 at 8:45 am

《山海逆戰》Q版勾徹Figure 2019年發售

臨訓前,習慣瀏覽面書,驚覺邱福龍喺面書Post張相,兼留低咗幾隻字曰:「做了發光地枱!2019公開發售」Wow,呢個Q版《山海逆戰》勾徹Figure,造型真係正到啪啪聲,仲要識發光,好難唔買,唔知賣幾多錢呢?同埋,話就話2019,咁究竟係邊個月份呢?好心急。

Read more ›
手藝新嘗試 梁偉家捏出個Q版天師來
by / on 30/10/2018 at 10:00 pm

手藝新嘗試 梁偉家捏出個Q版天師來

好得很,梁偉家又捏多隻疑似陶泥公仔,一樣係天師,不過今次係Q版,肥嘟嘟好可愛,連側邊把劍都Q過人,如果可上埋色就Very Good咯。有謂凡事做到極致,就係藝術,家家,加油呀。

Read more ›
網圖分享:栢迪的《龍虎門》Q版角色
by / on 04/09/2018 at 7:36 pm

網圖分享:栢迪的《龍虎門》Q版角色

萌!萌得嚟有好有特色,一眼就睇得出畫邊個,真心覺得栢迪呢系列《龍虎門》特撮流氓Q版角色好正。三皇、四小將、火雲邪神、韋陀、王風雷固然無得頂,但個人認為「最強‧強惡」嘅奪命老妖先係the best。順理成章地,老妖已經霸咗我桌布。

Read more ›

網圖分享:白冰的超萌Q版Super Heros
by / on 22/05/2018 at 5:30 pm

網圖分享:白冰的超萌Q版Super Heros

唔係第一次分享白冰嘅插畫,今次佢又獻新猷,畫N咁多個超級英雄,畫風繼續玩Q版化,暫時只畫咗黑寡婦、蜘蛛俠、鐵甲奇俠、雷神、美國隊長、Thanos等人。講番先,未齊人嘅,事關佢喺面書登埋張草稿圖,再畫落去應該會有一幅大堆頭群角圖,熱切期待。白冰,千其唔好中途放棄呀,睇好你呀,掌聲鼓勵。

Read more ›
《古惑仔》送Q版迷你揮春
by / on 08/02/2018 at 6:45 pm

《古惑仔》送Q版迷你揮春

就嚟過年,牛佬好識做,喺今期第2103期《古惑仔》隨書附送Q版迷你揮春兩大張,分別係Q版梁家仁嘅「家宅平安」同Q版李志高嘅「吉星高招」,仲講到明嚟緊幾期會繼續送添。雖屬小小禮物,但都開心嘅,好意頭吖嘛。最重要係,《古惑仔》係唯一初一嗰個禮拜依然會出書嘅港漫,你知喇,成個禮拜無公仔書睇,好籮籮攣架嘛。

Read more ›
網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。

Read more ›
【文青必買】梵高Q版figure 左耳拆得甩附送名畫
by / on 12/02/2017 at 7:10 am

【文青必買】梵高Q版figure 左耳拆得甩附送名畫

估唔到畫家梵高都有figure出,而且仲要係Q版。更特別嘅係模仿返佢嘅特徵,左耳竟然可以拆落嚟。梵高figure除咗連埋支畫筆,身後仲有佢著名嘅畫作「The Starry Night」同「The Sunflowerss」任換。呢隻figure喺Kickstarterk有得買,由Today Is Art Day製作,開價美金$21,文青必買。

Read more ›
福龍益讀者 睇畫展送麒麟劍 限100把必搶
by / on 12/12/2015 at 2:30 pm

福龍益讀者 睇畫展送麒麟劍 限100把必搶

又多個藉口去「邱福龍x黑漫畫漫想世界」展覽,點解呀,因為有嘢送囉,今次仲要唔係送普通紀念場刊呀、乜卡物卡咁削,係實牙實齒送Q版麒麟寶劍一把,福龍喺面書爆響口話:「下週六19號畫展頭100位入場參觀朋友…可得2.5寸Q版麒麟一把!多謝支持!」好想要呀。

Read more ›

《漫畫少年2015》讀者做封面 獨一無二盛惠$500
by / on 29/08/2015 at 11:00 am

《漫畫少年2015》讀者做封面 獨一無二盛惠$500

《漫畫少年2015》即將喺9月13日出版,許景琛又有新點子,除普通版有兩個版本任擇外,今次仲加推Q版人像手繪封面版。Q版,大家都明係乜;手繪,即係即席揮毫唔係Print出嚟;咁人像係乜呢?就係你個嘜頭囉,只要讀者提供相片,講明至愛漫畫角色,例如春麗、Ryu、Ken、司令等等等等,許景琛就會依住你個樣配番漫畫角色身體嚟畫,幾錢?盛惠$500,我就覺得一啲都唔貴嘞,大佬,保證獨一無二喎,全世界只此你一本喎,抵玩喇。

Read more ›
【編輯Blog】苦茶:Q版MACROSS艦偷運入境成功! 等噴消光加水貼
by / on 04/11/2014 at 12:39 am

【編輯Blog】苦茶:Q版MACROSS艦偷運入境成功! 等噴消光加水貼

MACROSS嘅玩具, 對我哋呢類上咗年紀嘅老玩家, 真係完全係冇免疫力! 終於俾我買到架Q版母艦, 我真係好耐冇買過咁大盒嘢返屋企, 我知! 同隻夜鶯, 又或者嚟緊PG獨角獸, 簡直係小巫見大巫吖嘛! 但對於我呢類習慣玩偷運入境嘅人, 係一件好大逆不道嘅事! 不過可能我近幾年個底好, 「聖上」都只係超咗我兩嘢, 真係皇恩浩蕩呀!

Read more ›
精品報價: Q版MACROSS艦 大大隻超精細/識變形
by / on 02/11/2014 at 1:52 pm

精品報價: Q版MACROSS艦 大大隻超精細/識變形

  今個星期精品有一隻重點嘢, 就係Q版嘅MACROSS母艦, 做工非常精細, 而且連盒仲有兩隻細嘅韋基利送, $640大大盒, 我真心覺得幾抵玩, 最過份係仲可以變形架! 我決定一定要買, 希望一陣間落去仲有貨啦!

Read more ›
Macross Q版扭蛋 有機體/有人仔
by / on 19/08/2014 at 10:31 am

Macross Q版扭蛋 有機體/有人仔

  今朝一起身就發現好東西! Macross Q版扭蛋! 一套6隻, 分別有ラインナップはリック・ハンター、VF-1S、VF-1A、VF-1J、バトルポッド、デストロイド・トマホークを, 其實Macross嘢一向唔太多, 尤其係蛋嗰邊, 最正係一条輝都有, 好期待之後會唔會有明美、阿大嬸、黑珍珠……數吓數吓, 如果一蛋跟一隻人仔嘅話, 會唔會好大Project呢!? 不過我願畀囉! 今次係慶祝30周年第一蛋, 會喺嚟緊12月開賣, 好期待。

Read more ›