Post Tagged with: "psp"

【有片】今日PSP推出15年!最愛玩遊戲一定係佢?
by / on 12/12/2019 at 6:05 pm

【有片】今日PSP推出15年!最愛玩遊戲一定係佢?

2004年12月12日,係PSP發售之日,我哋都好多回憶啦,包括UMD,而且當時PSP-1000好重要,仲有專用嘅Memory Stick又會賣斷市,仲有C字手勢……咁講到最愛玩嘅遊戲,係咪一定係《Monster Hunter》?我玩得最多係《Metal Gear Solid Peace Walker》喎。日本好多機迷出圖懷念,入嚟睇埋陳年CM集。

Read more ›

《Metal Gear Solid : PW》眨吓眼9週年    當年有無玩PSP?
by / on 29/04/2019 at 7:20 am

《Metal Gear Solid : PW》眨吓眼9週年 當年有無玩PSP?

講起PSP連線打機,大家一定首先諗起芒亨,其實呢隻《Metal Gear Solid : Peace Walker》當年都好多人玩。2010年4月29日推出,唔經唔覺已經9年嘞。遊戲支援4人連線一齊完成任務,想當年大家仲係人人一部PSP帶出街,好懷念!當年你有無玩PSP?最沉迷又係邊幾隻遊戲?

Read more ›
出貨完了 PS手提機正式宣佈14年歷史落幕
by / on 02/03/2019 at 4:52 pm

出貨完了 PS手提機正式宣佈14年歷史落幕

Sony陣營暫時都未見有後繼手提遊戲機公佈,即係意味住由2004年12月發售嘅PlayStation Portable(PSP)開始嘅14年零兩個幾月PlayStation携帯機歴史正式落幕!因為早前已經宣佈作為第二代手提機嘅PS Vita停出貨,啱啱亦都確定咗噚日3月1日開始就冇貨賣。講番PS Vita,當年2011年12月17日我已經即時入手,又到講極唔厭時間,如果當時跟機有《Monster Hunter》新作推出,歷史會唔會改變?入嚟睇吓當年CM先啦。

Read more ›
PSP正式退役 2016年3月31日PS Store所有內容停售
by / on 27/11/2015 at 8:50 pm

PSP正式退役 2016年3月31日PS Store所有內容停售

新一集Monster Hunter啱啱出咗,但講到懷念,一定係PSP年代,一人拎住一部機去cafe去餐廳去朋友屋企圍埋一齊屠龍嘅年代啦?係,當年就係拎住部PSP喇,仲有高達,仲有邪道玩法,都係回憶嚟。終於,都係時候退役喇,當然你屋企嗰部可能仲玩到,但日本官方宣佈,下年2016年3月31日,所有喺PS Store發售嘅遊戲軟件、內容、視頻都「販売終了」,而「UMD®Passport」服務都會完結。臨別再講啲歷史,PSP全名PlayStation Portable,喺2004年12月12日發售,2007年9月推出輕薄版PSP-2000,2008年10月有PSP-3000機。而2009年仲有部PSPgo,可以話係家族中嘅黑歷史……

Read more ›
日本網民網購二手PSP      打開塞滿爆谷?
by / on 06/02/2015 at 7:18 am

日本網民網購二手PSP 打開塞滿爆谷?

PS Vita出咗幾年,大部份人屋企部PSP都封晒塵,不過依然有人想買,好似呢位日本網民コーパス3000,最近網購咗部二手PSP,送到嚟打開紙箱,居然發現入面有大量爆谷!仲以為遇到騙案,好彩撥開啲爆谷,見到入面袋住咗部PSP,估計寄件者驚部機運送途中會撞壞,咁啱屋企無發泡膠碎或者Bubble紙,於是諗到用爆谷頂替。張相放上twitter之後吸引好多人轉發同留言,仲有好多人叫佢留起啲爆谷下次用。我想講係好彩佢住喺日本,同埋好彩佢唔係上淘寶買二手PSP,否則,撥開啲爆谷後應該會發現乜都無。

Read more ›
PSP隔3年幾再更新 Firmware 6.61更穩定
by / on 15/01/2015 at 10:47 pm

PSP隔3年幾再更新 Firmware 6.61更穩定

你冇睇錯,係PSP!SONY啱啱喺日本提供6.61 firmware俾PSP用戶更新,據講係會令軟件運行更穩定。有機迷睇番記錄,原來上次更新已經係2011年8月!話時話,PSP仲有隻遊戲王新Game o架。唔知香港有冇人試吓?入嚟有回帶影片,有幾十條PSP廣告俾大家回味!

Read more ›

裱起你的回憶 PSP拆散做立體畫
by / on 29/09/2014 at 3:16 pm

裱起你的回憶 PSP拆散做立體畫

有啲嘢,我哋一定會記住,就算成為回憶,都係足以令我哋自豪嘅回憶。至於遊戲迷嘅回憶,就一定係遊戲主機,呢位「tommyboy601」部PSP電池爆開咗,宣佈要退落嚟,不過佢就好有心思咁將佢拆散裱起,懷念呢位老朋友。

Read more ›
日本都玩舊機回收 PSP換PS Vita當5,000円駛
by / on 01/08/2014 at 6:08 pm

日本都玩舊機回收 PSP換PS Vita當5,000円駛

之前香港動漫節,拎舊主機買PS4可以當$360駛,日本都啱啱有得玩!不過就唔係買PS4,而係買PS Vita。3000機最多可以當5000円,2000機就3000円,而PSP Go都係3000円,不過就有時間同埋學生限制,明顯攻暑假市場啦!話時話,PSP香港o依家唔知放到幾錢呢?

Read more ›
一個時代的終結 PSP日本6月終止出貨
by / on 03/06/2014 at 1:03 pm

一個時代的終結 PSP日本6月終止出貨

好懷念,雖然PSP畫面唔夠PS Vita嚟,但係拎住部PSP喺麥記、Canteen打《Monster Hunter》、Gundam呢啲日子的確係手提遊戲機嘅黃金期,o依家有咁勁風氣,都留喺屋企上網打,約出嚟圍埋打呢個情景,好難再見咯……官方宣佈,喺今年6月,日本PSP會停止出貨,計番條數,PSP初代推出日係2004年12月12日,捱唔到10年。

Read more ›
邊打機邊叉電  吊命尿袋戴上手
by / on 01/02/2013 at 1:33 pm

邊打機邊叉電 吊命尿袋戴上手

正如之前編輯苦茶所講,叉電已經成為我哋生活嘅一部份,而俗稱尿袋嘅便攜式叉電器,更加係救命必備。偏偏,絕大部我需要佢嘅時候,都會發現自己唔!記!得!帶!講咁多癈話,無非想盡力搵理由解釋點解要買呢個叉電器。呢個便攜式叉機Wrist Charger,將傳統嘅大大舊尿袋變成叉電手帶,賣港幣約$320,行1,500mAh / 5.5V,可以叉3DS、PSP或者手機,實唔實際見仁見智,但我未喺街見過人用,戴出街應該會有人望吓,到時係人都知你吊緊命。   

Read more ›
新片速報《Ultraman 星編年史》TVCM發佈
by / on 25/01/2013 at 5:01 pm

新片速報《Ultraman 星編年史》TVCM發佈

雖然要搵番部PSP出嚟,但呢隻我真心想玩。Namco Bandai會喺3月7日推出PSP戰棋遊戲《 Ultraman 星編年史(ウルトラマン オールスタークロニクル)》,玩法好似機戰戰棋類,超必場面同敵人都好原著好對路。官方發佈呢條TVCM,全部都可以睇得到。

Read more ›

新片速報 即聽初音《7th Dragon 2020 II》主題曲
by / on 18/01/2013 at 12:33 pm

新片速報 即聽初音《7th Dragon 2020 II》主題曲

SEGA隻PSP七龍新作《7th Dragon 2020 II(セブンスドラゴン2020-II)》會喺4月18日推出。事先張揚會由sasakure.UK feat初音ミク嘅主題曲〈HeavenZ-ArmZ〉亦啱啱有得聽。順帶一提,呢隻遊戲聲優陣容好強勁,有花澤香菜、日笠陽子、堀江由衣、水樹奈奈、大塚明夫、神谷浩史等40名聲優!

Read more ›
照抄PSP   強國Andriod遊戲機$800有交易
by / on 14/12/2012 at 9:49 am

照抄PSP 強國Andriod遊戲機$800有交易

強國神機無處不在!呢款個樣99%似PSP嘅「Andriod Player」,中文名好平實,叫「5″平板智能遊戲機」,由強國金星JXD出品,最搞笑係背面變咗Andriod公仔,仲有黑、白兩色比你揀。價錢大眾化,Amazon賣$800左右。講返個規格,行Andriod 4.0、仲威過PSP,有埋5吋Touchscreen,內置4GB記憶體之餘,可以插多張32GB咭升級,有Wi-Fi但無3G,但送多個HDMI頭比你駁電視玩,老實,拎出街除咗「搞笑」我諗唔倒第二個形容詞。

Read more ›
童年回憶「聖闘士星矢Ω」大量新圖發放
by / on 19/09/2012 at 9:21 am

童年回憶「聖闘士星矢Ω」大量新圖發放

聖闘士星矢呢啲童年回憶,3字頭嘅應該特別有共鳴,所以遊戲唔出喺PS Vita都要出喺PSP,呢隻預定11月29日推出嘅新作「聖闘士星矢Ω アルティメットコスモ」啱啱有大量新圖發放 ,雖然有大量網友評擊舊不如新,但作為死忠fans,唔買都入嚟睇吓啦係咪?

Read more ›
PSP《Hunter X Hunter Wonder Adventure》初回特典送獵人報照
by / on 12/06/2012 at 10:00 am

PSP《Hunter X Hunter Wonder Adventure》初回特典送獵人報照

好耐冇見喇基路亞同小岡,雖然你老豆富樫唔生性,好彩仲有人當你哋係搖錢樹……Namco Bandai Games將於9月20日推出嘅PSP冒險動作遊戲《Hunter X Hunter Wonder Adventure》又有新情報釋出,表明初回特典會有得下載兩種特別服裝,同埋可以喺遊戲一開始時已擁有獵人執照!

Read more ›