fbpx

Tag: PSN

官方公佈 PSN ID下年可改名

官方公佈 PSN ID下年可改名

之前已經有遊戲開發者漏咗口風,今日歐美方面嘅PlayStation都公佈埋,就係PSN ID可以更改,預定下年初會有更新。首次改名將會係免費,不過之後如果再改就要俾錢,非會員$10美元,PS Plus會員就要$5美元,另外如果改咗之後,都可以揀同時俾人睇到你個舊ID,等啲舊朋友可以認得你。基本上所有2018年4月1日後推出嘅遊戲都支援,不過就唔係所有PS4/PS3/PS Vita都支援更改ID。話時話,原來PSN已經係2006年推出,玩咗12年喇!

Read more ›

真係咁著數? 官方宣佈PSN獎盃變獎金可買Game

真係咁著數? 官方宣佈PSN獎盃變獎金可買Game

係真嘅,不過又唔算話係好著數。打機打到攞白金獎盃當然係成就,如果可以變錢咁就更加有動力啦!不過個數字……官方公佈每100個銀獎盃就可以得100分,而25個金獎盃就可以有250分,10個白金獎盃就有1,000分,不過1,000分先可以換到$10美元喺PSN消費。如果以美國排頭嘅玩家Roughdaw4嚟講,佢有15,551個銀獎盃、6,903金獎盃、1,359白金獎盃,咁即係佢可以換到$1,583美元嚟買遊戲,當然,呢個係一個極端例子嚟。而且呢個計劃暫時只係喺美國推出,喂,計吓自己打咁耐機儲咗幾錢先啦!

Read more ›
新片速報 日本PSN新推 遊戲發售日0時即玩!

新片速報 日本PSN新推 遊戲發售日0時即玩!

有冇幫襯過PSN網上買新Game?遊戲多數都係喺發售日當日下午時間先會有,隨時遲過你出街買……咁如果,新遊戲可以喺發售日零時就可以玩到,唔駛等舖頭開先買到(偷跑除外啦),咁又真係多咗一樣吸引賣點喎!日本PSN啱啱發咗新片宣佈,幾隻大作都會喺發售日零時開始玩到,香港應該都跟住嚟啦?

Read more ›
新片速報 3個人搞死PSN/Xbox Live 黑客「Lizard Squad」露面受訪

新片速報 3個人搞死PSN/Xbox Live 黑客「Lizard Squad」露面受訪

呢個聖誕假期,如果你都係受害者,好嬲冇得上網打機嘅話,o依家就可以睇到呢班罪魁禍首喇。黑客組織多數都係神神秘秘啦,但呢個「Lizard Squad」就大搖大攞好似攞正牌咁,啱啱仲接受英國「Sky News」訪問,有位住喺芬蘭嘅成員「Ryan」仲大膽到出埋個樣。佢話佢哋只係靠3個人就整死咗PSN/Xbox Live,而要整佢哋就係因為要證明佢哋嘅保安技術太差,話佢哋賺咁多錢都唔肯整好啲保安……至於問到佢覺唔覺得搞到大家冇機打唔好,佢話其實佢哋係令到好多小朋友冇機打而陪多咗屋企人,好似做咗一件好事咁……不過,正如先前嘅報道所講,佢哋因為「MEGA」嘅利誘,o依家已經停止咗攻擊。

Read more ›
【PS遊樂園】PS4出機優惠送手掣    PSN活動送HK$20

【PS遊樂園】PS4出機優惠送手掣 PSN活動送HK$20

今個星期PlayStation最重要嘅新聞都係聖誕上唔倒PSN呢單嘢,等到最尾一日先上到網,慘。之前佢哋參加咗Toy Soul展覽,仲有達哥做嘉賓,兼賣咗90部20周年特別版主機,無去到Toy Soul又想買機嘅,仲有出機優惠,由而家到1月14日落舖頭買PS4主機會送多隻手掣同埋禮品。另外PSN搞咗個「2014玩家最愛PSN活動大賞」,頭1千個投票玩家有HK$20嘅PSN預付金額送,玩吓唔駛錢,試吓無妨。

Read more ›
PSN終於全面復活 可以吹雞打機

PSN終於全面復活 可以吹雞打機

噚晚諗住好番可以上網瘋狂打啦,點知都係又壞過……嚟到聖誕節假期嚟到最後一日,日本同歐美官方都終於公佈PSN全面復活,喺日本時間兩點半開始提供番正常服務。我啱啱開機試過,真係入到喇,好啦,好過冇啦,真係唔好再搞啲咁嘅嘢喇,學生好啲仲未放完假,但係我聽日要返工喇!

Read more ›

日本公報 PSN好完又再壞

日本公報 PSN好完又再壞

嗰頭話好番,黑客組織都話唔會再攻擊喇,但係日本PS官方網站又再發佈咗消息,係今日日本時間下午8時開始,PSN又出現故障……香港方面,啱啱我都入去試過,都係入唔到,睇嚟今晚都係凍過水……

Read more ›
網絡英雄!MegaUpload創辦人 成功利誘Lizard Squad 勿再攻擊PSN/XBLIVE

網絡英雄!MegaUpload創辦人 成功利誘Lizard Squad 勿再攻擊PSN/XBLIVE

真係大件事,因為黑客組織「Lizard Squad」嘅攻擊,搞到PSN/Xbox Live喺聖誕假期期間上唔到,機迷放假連唔到線打機,真係罪大惡極!雖然,其實係唔應該向hackers屈服,但呢位MegaUpload(即o依家嘅Mega)創辦人Kim Dotcom做嘅嘢又相當有型喎!佢話因為佢好想上網打《Destiny》,於是同「Lizard Squad」做咗個交易,就係佢免費俾3,000個「Premium Mega Lifetime vouchers」佢,就係要求佢哋停止攻擊,「Hi @LizardMafia, I want to play #Destiny on XBOX Live. I’ll give your entire crew Mega lifetime premium vouchers if you let us play. Cool?」佢之後將對話放上網,有圖有真相,而且「Lizard Squad」都證實咗呢件事,英雄臨尾仲話如果佢哋再次攻擊PSN/Xbox Live,啲Mega premium戶口就會失效,咁Sony同Microsoft咪要好多謝佢?最後講多少少,今朝「Lizard Squad」話佢哋已經停止咗攻擊,咁即係PSN應該好快會回復正常,不過我啱啱試都仲未得。最最後,「Lizard Squad」似乎下一個攻擊目標係任天堂,不過應該好多機迷心諗:「WFC.」

Read more ›
聖誕流流!PSN遭駭客組織攻擊 服務受影響

聖誕流流!PSN遭駭客組織攻擊 服務受影響

又嚟!喂聖誕流流我想上網打吓機啫!啱啱日本時間今朝7點幾,官網就宣佈服務受影響,之後歐美地區都一樣,原來係因為被駭客組織Lizard Squad以DDoS攻擊,全球PSN嘅登入服務都可能會受影響,入唔到嘅唔駛擔心,唔係你問題,係佢問題,玩住單機先啦。頂!今日日本PSN仲有《百年戰爭》新體驗版下載嘛!另外,歐美地區嘅Xbox Live服務都同樣出現問題,不過就暫時只係影片同音樂庫。

Read more ›
【PS遊樂園】PS參展TOY SOUL賣特別版PS4     羅拉星期二去冒險

【PS遊樂園】PS參展TOY SOUL賣特別版PS4 羅拉星期二去冒險

今個星期PlayStation搞咗個發佈會,公佈會參展今年12月19日嘅TOY SOUL玩具展,仲會推出限量90部嘅20周年紀念版PS4,未訂嘅可以上網博一博睇吓抽唔抽得中。另外PS4隻《Lara Croft and the Temple of Osiris》今個星期二上架,呢隻《Lara Croft and the Guardian of Light》嘅續作畫面靚咗兼有全新故事,開價HK$119,同羅拉去冒險喎,博唔博?

Read more ›
多個地區PSN出事 今晚唔打機

多個地區PSN出事 今晚唔打機

自今日(2日)大約兩個鐘前開始,香港PSN都已經出現入唔到嘅問題。而喺日本都一樣,今日日本時間下午5時40分開始就進入唔到。日本方面就已經逐步回復喇,香港就暫時未得。不過,大家今晚就算冇出街支持,都應該網上支援,冇乜心情打機……最後,唔知關唔關黑客事,但佢哋唔係忙緊第二樣嘢咩?

Read more ›

好番喇!PSN服務復活 可以上網玩

好番喇!PSN服務復活 可以上網玩

噚日搞咗成大半日,就係因為黑客組織用「Lizard Squad」發動DDOS攻擊,除咗PSN,仲有其他Online遊戲受影響。官方剛剛公佈服務已經全面回復正常,上到喇,亦都證實資料庫冇被入侵,即係大家嘅個人資料冇流出到。另外,本來聽日(26日)嘅定期維修會取消,日期另行通知喎。

Read more ›
全球PSN被攻擊癱瘓 黑客Twitter玩嘢

全球PSN被攻擊癱瘓 黑客Twitter玩嘢

頭先有上PSN嘅機迷,可能都知道上唔到。據講係一個名為Lizard Squad嘅黑客組織發動今次DDOS攻擊,以至全球PSN都上唔到。而呢個組織仲喺佢哋嘅Twitter炫耀自己嘅傑作……佢哋話今次行動係懲罰Sony要PSN玩家駛好多錢喎……但似乎佢哋搞到嘅係班玩家。至於官方,就話已經儘快修復緊,offline玩住先啦。

Read more ›
日攞15.5個獎盃 外國玩家突入PSN Level 100

日攞15.5個獎盃 外國玩家突入PSN Level 100

你PSN Level幾?我自首先,Level 7,個位數。而呢位外國玩家Hakoom,就喺Twitter講話自己啱啱到咗Level 100,有圖有真相。確實全球有幾多玩家到咗Level 100就唔知,有非官方網站就列出咗40幾人。Hakoom仲post咗佢100 Level嘅成績出嚟,用咗超過1,900日,即5年以上,玩過1016隻遊戲,攞咗30853個獎盃,平均每日都攞15.5隻!最後仲有少少佢俾嘅資料,就係白金奬盃有180分,金獎盃有90分,銀有30分,銅有15分,而要去到100 Level,係需要880,000分!

Read more ›
再入侵PSN《Evangelion新劇場版:Q》頭像/主題登場

再入侵PSN《Evangelion新劇場版:Q》頭像/主題登場

Evangelion上年已經喺PSN出過一次破嘅主題同頭像,當然,只限日本PSN。當時我為咗佢個不斷自動轉變嘅wallpaper主題,走咗去買日本PSN預付卡,十算有多呀!睇嚟,今次都走唔甩要再嚟,雖然頭像同動畫主題唔算好靚,但一套賽車主題就勁吸引,有真實賽車手之餘,最正係有cos綾波、明日香同真希波嘅賽車女郎wallpaper!不過提醒大家一件事,就算你買咗頭像,喺香港PSN都係用唔到,我上次賴咗嘢。最後,爭啲唔記得講,PS Home都會推出主題服裝,詳情入嚟睇啦唔該。

Read more ›