Tag: PS5

Cuson玩PS5向冨樫義博經典頽圖致敬 再成本地畫家戰場?

Cuson玩PS5向冨樫義博經典頽圖致敬 再成本地畫家戰場?

Cuson一部PS5掀起香港插畫家內戰之後,啱啱又畫打機圖喇,不過呢張圖個構圖有冇好熟口面?係,就係日本休刊王冨樫義博嘅經典頽廢打機圖,《Hunter x Hunter》已經休載超過兩年,之前網上睇過幅圖,係話當《鬼滅之刃》開始連載到完結呢段時間,古勒比加佢哋都仲喺隻船上面……好喇,講番幅圖,超多細緻位,除咗PS5之外,仲有鬼滅、尤達BB、貞子錄影帶,仲有張國榮《Stand up》黑膠,仲有網民留言問隻碟係咩色,嗰個年代迷過哥哥嘅老鬼一定知點解啦?而本地小說作家喬靖夫亦留言稱之為「富奸冬居圖」,仲有圖中被Cuson夾住嘅DDED就留言:「怪叔叔胳肋底有浸少女香味。」之後竟然引嚟賤人新世紀:「哦!你而家企佢嗰邊呀?下!」似乎大戰又一觸即發喇。

Read more ›

【有片】PS當Router大熱動畫新作 PS5版主角慘被老婆賣機

【有片】PS當Router大熱動畫新作 PS5版主角慘被老婆賣機

記唔記得之前爆紅嗰條動畫?講個男主角買咗PS4 Pro但搵人做戲呃老婆係Router嗰條呢?自從條動畫出咗之後,就好多人玩呢個gag,之後仲伸延到PS5變空氣清新機……呢個韓國動畫製作單位「장삐쭈」啱啱有新作喇!係玩PlayStation 5,而且有得揀中英文字幕,唔好派嬲住,入嚟笑吓先。

Read more ›
Steam正式支援PS5手掣DualSense 輕觸板震動功能都用到

Steam正式支援PS5手掣DualSense 輕觸板震動功能都用到

如果已經買PS5嘅話,而且又有玩PC,咁就唔駛換嚟換去喇,因為Steam正式支援PS5個DualSense手掣,而且輕觸板、六軸、燈光以及震動功能都可以用到。

Read more ›
【有片】送貨變偷貨 外國機迷買PS5變包米

【有片】送貨變偷貨 外國機迷買PS5變包米

提提想買嘅機迷,PlayStation 5喺網上有得抽籤發售喇,有興趣嘅可以去試試啦。喺外國呢,早排就算買到都未必收到喎,有人拍咗片,部機本來送俾個仔做生日禮物,點知送到嚟門口,送貨員又放番上貨車,據報道講呢位送貨員已經被炒。另外,亦都有人話本來訂咗PS5,但送到嚟竟然係包米……雖然重量差唔多。

Read more ›
【缺貨照贏?】第一張成績表 首賣日銷量PlayStation 5 vs Xbox Series X/S

【缺貨照贏?】第一張成績表 首賣日銷量PlayStation 5 vs Xbox Series X/S

PS5全球都唔夠貨,Xbox Series X/S今次又好似多番啲支持者,到底實際首賣日銷量係幾多?遊戲網站集團VGChartz就公佈咗初步調查數據,11月12日率先於北美、日本、紐西蘭、新加坡、南韓發售,11月19日就其他地區發售嘅PS5,據報道講兩邊首賣日估計全球合共賣出210萬至250萬部,而Xbox呢……

Read more ›
【睇片】GameBoy Micro玩PS5 今次真係睇唔出PS5同PS4嘅分別

【睇片】GameBoy Micro玩PS5 今次真係睇唔出PS5同PS4嘅分別

如果買咗/到PlayStation 5,更係用部大電視嚟玩到盡啦。不過總有人有不同睇法,或者想試吓反其道而行。好似呢位咁,佢就竟然用GameBoy Micro嚟玩PS5,今次真係睇唔出PS5同PS4嘅畫面有咩分別喎,同PS3都好似冇乜……因為真係太細。

Read more ›

【圖集】Cuson一部PS5盡顯人性陰暗面 揭開香港插畫界恩怨情仇

【圖集】Cuson一部PS5盡顯人性陰暗面 揭開香港插畫界恩怨情仇

香港插畫界一向都好團結,但自從近日發生咗一件事之後,大量插畫家圍攻怪叔叔Cuson,就係因為佢一張托腮曬PS5感謝圖,從此令Cuson眾伴親離,成為眾矢之的,亦揭開香港插畫界陰暗面,令潛伏多年嘅危機曝光,危機一發不可收拾,引發近年繼西九事件後,最大型一次香港插畫家網上互動大戰。以下就記錄咗大部份作品,而且參戰嘅畫師每日都增加,到底Cuson有咩方法解決今次危機呢?呢個時候又有冇同行會支持佢呢?係零呀!一個都冇呀!

Read more ›
日本國內PS5/Xbox 新主機戰 第一回合戰果出爐

日本國內PS5/Xbox 新主機戰 第一回合戰果出爐

香港話就話今日出PS5,但想買都買唔到部啦。咁日本呢?因為有消息指中國大陸用唔到,所以炒燶咗,不過雖則話炒唔起,但要買機都一樣唔易。好喇,次世代主機PlayStation 5、Xbox Series X|S兩部機喺日本嘅初周銷量到底係點?PS5自11月12日發售開始4日間賣出118,085萬部,而Xbox Series X|S……睇番當年PS4推出時賣出32萬部,如果夠貨的話,PS5到底又會賣出幾多?

Read more ›
【有片】瘋狂!體驗收貨、開箱、駁線、丟手掣 機迷製作《PS5 Simulator》開箱遊戲

【有片】瘋狂!體驗收貨、開箱、駁線、丟手掣 機迷製作《PS5 Simulator》開箱遊戲

真係好癲!呢個《PS5 Simulator》遊戲,唔係PS5嘅模擬器,而係模擬你由收貨開始嘅買機體驗,首先收貨後你要搵利器去打開紙皮箱,之後又可以玩駁電線駁HDMI線,駁好之後仲可以丟手掣,成個體驗就好似你真係買咗部機咁,而且新機你邊捨得丟手掣呀?但喺呢個遊戲入面就可以喇。如果你或者你身邊嗰個未買到PS5,可以介紹佢玩吓,玩玩吓可能冇興趣買,從此修心養性,過住幸福快樂嘅生活……

Read more ›
【有片】阿爸「 計画通り」 送PS5阿仔腳踩玩Xbox

【有片】阿爸「 計画通り」 送PS5阿仔腳踩玩Xbox

呢條片近日喺網上熱傳,就係小朋友拆禮物見到入面係PS5,冇反應之餘仲踩上去,之後仲去咗去玩Xbox。到底係咪小朋友唔懂事,還是一切都依阿爸嘅計劃進行?片中留意唔到阿爸嘅表情變化,不過我懷疑佢內心已經有一個夜神月。

Read more ›
【有片】發現貓貓新玩具 徵詢意見求入境

【有片】發現貓貓新玩具 徵詢意見求入境

呀,阿貓近排好似悶悶哋,啲舊玩具都玩到爛。咁不如等我幫佢買件新玩具返嚟啦?我喺網上見到條片,人哋隻貓玩得好開心嘅,係呀,梗係買俾佢啦,唔通我自己玩咩……不過,可能遲啲先買到,應該趕得切做聖誕禮物啩?

Read more ›

【有片】PS5出Day1 Patch後方互換速度加快

【有片】PS5出Day1 Patch後方互換速度加快

之前未正式發售前,有人已經做咗比較,就係PS5玩番PS4舊Game時嘅loading時間係長過Xbox SX,不過發售Day 1 Patch之後就有改善,睇呢條片幾隻遊戲都反超前快過Xbox,最少都平手。同場仲有PC嘅比較。

Read more ›
日本機迷比較番大細 手掣都大過PS1

日本機迷比較番大細 手掣都大過PS1

日本今日12日出機,Twitter都有唔少網民出圖,多數都係比較吓部機大細咁,有同其他世代嘅PS相比,有啲就同貓比,又有空氣清新機,仲有……部PS5手掣都大過部PS1……扭蛋嚟嘅。至於手掣同機身啲超細超密集圓形三角logo,可能我老花,肉眼真係睇唔到,影相出嚟先睇到。另外啲網民都好有創意地出圖,顯示PS5主機嘅巨大存在。最後,一向都唔公道嘅我講句自己覺得公道嘅說話,部機個深度仲冇PS4咁深,我放喺電視櫃度又冇乜所謂。

Read more ›
【有片】韓國景點3D海浪巨型屏幕 PlayStation 5新機飛出嚟

【有片】韓國景點3D海浪巨型屏幕 PlayStation 5新機飛出嚟

記唔記得呢個韓國首爾嘅巨型屏幕,之前一段名為WAVE嘅影片超立體,網民瘋狂熱傳。嚟到PS5出機之時,原來已經換咗做新機主題,部機飛出嚟咁喎!

Read more ›
【有片】真定假? Xbox Series X頭頂出煙瘋狂改圖 機迷發現入碟好大聲

【有片】真定假? Xbox Series X頭頂出煙瘋狂改圖 機迷發現入碟好大聲

應該就有真有假,真嘅係好多已經買咗Xbox Series X嘅機迷喺網上出片,話入碟後超大聲,又有人入唔到碟;另一邊就更誇張,喺Reddit有人出圖Xbox Series X頭頂出煙!而且仲唔只一條片,亦有人話朝早瞓醒好大煙……不過就有網民發現條片機都未開邊有咁誇張,應該係有人食煙噴啲煙入去玩嘢?不過無論就算係假都好,網民都開始改圖改得好歡欣……

Read more ›