Post Tagged with: "ps3"

新色PS3到港 紅藍機2/8開賣
by / on 30/01/2013 at 5:11 pm

新色PS3到港 紅藍機2/8開賣

又係行貨新機消息,「石青藍」、「石榴紅」兩款配備500GB硬碟容量(HDD)嘅PlayStation®3 (CECH-4012C系列) 會喺2月8日開賣,而且仲係限量推出,建議零售價為港幣2,380元。其實,我想話,你講藍同紅我哋都明,反而又石青又石榴咁,搞到我飽飽哋。

Read more ›

薄版PS3 紅機藍機2月日本推出
by / on 21/01/2013 at 12:35 pm

薄版PS3 紅機藍機2月日本推出

近排我俾一個冇打開機嘅朋友問:「喂我想買PS3呀,但聽講PS4 5月出喇喎。」5月出?5月公佈有PS4都只係傳聞咋,就算真係公佈,起碼一年半載後先出……不過想出機或換機嘅機迷就真係可以等一等,因為日本PS3就真係有新色公佈,就係2月28日推出紅、藍250GB機,最新薄版CECH-4000B型號,賣24,980円。香港呢?未有公佈,不過照經驗就算唔同步都唔會差好遠。

Read more ›
2013年1月出GAME時間表 [PS3 / Xbox / PC / Wii U/ 3DS / PS Vita]
by / on 30/12/2012 at 1:19 am

2013年1月出GAME時間表 [PS3 / Xbox / PC / Wii U/ 3DS / PS Vita]

新一年新開始,但1月份各大廠商都放緊年假,養精蓄銳等3月份重槌出擊,1月份嘅出GAME表實在非常冷清。比較啱玩嘅係等咗好耐,試玩版都玩到爛嘅《Devil May Cry》。其餘真係要揀嘅,仲有射擊遊戲《Sniper: Ghost Warrior 2》同埋兩隻《SIMS》模擬系列。至於任天堂呢,我好羨慕佢哋嘅員工,因為不論WiiU同埋3DS都無影。吖,差啲唔記得,仲有PS Vita,記唔記得好邪惡捽心口嗰隻《限界凸騎 Monster Monpiece》?1月出嘞,其餘自己睇啦!

Read more ›
打機當食飯 木製PS3主機飯盒
by / on 14/12/2012 at 3:00 pm

打機當食飯 木製PS3主機飯盒

細個阿媽成日鬧我:「你打機得啦?唔使食飯喇。」好老實,係,其實細個打機真係重要過食飯。咁o依家做遊戲網站編輯呢?唔打機又真係冇飯食喎,咁,呢個PS3「究極のキャラ弁」就好啱我喇。日本PS為記念《Metal Gear》同《FF》25周年而製作,用日本傳統木工打造。打開部趟蓋版PS3,我就可以開飯有飯食,長230mm × 闊290mm × 高145mm,但係,冇人煮飯擺落去喎,唔通要我帶薯片加個印尼撈麵做便當?好彩,屬非賣品。

Read more ›
新片速報 電腦奇俠賣PS廣告 年尾出機
by / on 12/12/2012 at 7:27 pm

新片速報 電腦奇俠賣PS廣告 年尾出機

年尾又係消費旺季,PS繼之前搵咗日本傳奇摔角手同摶擊名人賣完廣告,又出招。今次勁,搵嚟經典特撮英雄電腦奇俠嚟叫大家出機,臨尾仲有黑魔現身!可惜,佢揀錯咗對象,因為呢家人已經有兩部PS Vita同一部PS3打緊喇,唔該晒!

Read more ›
美國PSN 暗藏超型PS3主題
by / on 05/12/2012 at 7:58 am

美國PSN 暗藏超型PS3主題

其實唔係暗藏,只係平時冇乜人入去睇啫。有外國傳媒就啱啱發現新大陸,喺games/themes呢個內容度搵到好多有型性感好笑又識郁嘅PS3主題Wallpaper,呢個時候,亦都唔少得睇番一條舊片,就係「燒粟米」主題,睇主PS3個wallpaper條粟米一路燒一路轉一路變燶,我好似聞到味……

Read more ›

PS3新手掣曝光 玩埋Move左右分體
by / on 02/12/2012 at 5:46 pm

PS3新手掣曝光 玩埋Move左右分體

PS4就仲未有聲氣,不過10年再10年嘅Playstation就啱啱為呢個手掣申請咗專利,仲有幾張圖流咗出嚟。咩料呢?玩分體,即係好地地一個六軸手掣可以中間分開,一隻手攞一邊之餘,仲可以加埋Move個發光波波喺度,即可以當埋Move咁用……我諗唔到有咩好玩,咁同我拎兩支Move玩又有咩分別?

Read more ›
《刃牙》作者板垣恵介親繪 PS最新廣告現身JR
by / on 26/11/2012 at 12:43 pm

《刃牙》作者板垣恵介親繪 PS最新廣告現身JR

前排PS推出兩條廣告片(入面有得睇),分別係自由摶擊及摔角手アントニオ猪木同已故摔角手橋本真也嘅廣告,man到震!香港新一代機迷未必識佢哋兩位,但就未睇過都聽過,咩叫《刃牙》,咩叫暴力美學!《刃牙》、《餓狼傳》漫畫家板垣恵介啱啱就畫咗兩幅摔角手嘅廣告,會喺日本JR站大賣!型到爆開呀!

Read more ›
玻璃PS3手掣  PS員工服務5年有得攞
by / on 25/11/2012 at 8:40 am

玻璃PS3手掣 PS員工服務5年有得攞

先旨聲明,呢個破璃手掣只可以葡萄,因為佢係美國PlayStation送比員工Jeff Rubenstein嘅5年服務獎座。講真,如果喺一間公司投資咗5年青春,有咩比得過一個出面無得買、咁罕有嘅手掣有紀念性?雖然,佢唔可以插電,唔可以用嚟玩《Call of Duty》,但擺喺屋企都威威。只可惜,呢位擔任Senior Social Media Manager嘅員工已經離職,臨走前仲喺SCEA嘅blog度寫咗篇感性帖文。話時話,比在係香港公司,你走梗係靜靜地離開,點會比你咁張揚留文呢?呢啲就係美國文化囉。

Read more ›
高Ling講波 「PS3《FIFA13》球王盃總決賽」皇馬贏皇馬4比0
by / on 24/11/2012 at 5:30 pm

高Ling講波 「PS3《FIFA13》球王盃總決賽」皇馬贏皇馬4比0

今日(24日)喺「《PS3 FIFA13》球王盃總決賽」已經有結果。不過都係唔講呢啲住,講番正經,大會請咗高海寧到現場熱身、踢波同講波,上台踢波佢竟然著高踭鞋,高Ling話:「係呀,噚晚開通宵拍戲唔夠瞓,所以今日著小背心都有啲凍,雖然今日係足球活動,不過靚最緊要,我都係揀咗著高踭鞋。」至於講波:「我小學時都係足球隊,因為腳長所以踢前鋒位置。」原來腳長要踢前鋒,怪唔之得《足球小將》班友越踢對腳越長啦。最後,請稍移玉步,入面高Ling踢波連環圖,嘩!

Read more ›
PS3縮水 12GB主機香港賣$1780 耳機同日登場
by / on 26/10/2012 at 10:28 am

PS3縮水 12GB主機香港賣$1780 耳機同日登場

啱啱先新出咗薄版嘅PS3,最新消息係香港會喺11月6日出埋12GB容量版本,得12GB快閃記憶體,想Download多條trailer都難,如果想加大容量就可以再添置一個250GB嘅hard disk。好嘞,講咗咁多癈路,大家最關心嘅當然係容量細咗係咪平好多?12GB主機賣HK$1780,再加多個250GB專用hard disk就賣HK$699,加埋HK$2479你就有262GB容量嘞。咁市面賣緊嘅250GB呢?HK$1980囉,500GB都係賣HK$2080,咁‥‥‥你自己計數嘞。

Read more ›

PS3新Move手掣 玩冰火新設計!?
by / on 15/10/2012 at 7:30 am

PS3新Move手掣 玩冰火新設計!?

嘩!識震仲唔夠!仲要識得變熱同變凍,咁咪好舒服?Sony啱啱發佈咗個手掣新設計圖,構思將冰熱功能加入Move手掣度……即係點呢?即係你遊戲入面把槍過熱,佢就發熱囉;有人放火噴你,又熱囉;去到冰天雪地,就凍囉;遊戲入面你個角色食緊雪糕,又凍囉……咦加塊膠布咪小林退熱貼加撒龍巴斯?有計喎!

Read more ›
《Resistance Collection》新合集平玩1-3集
by / on 09/10/2012 at 10:37 am

《Resistance Collection》新合集平玩1-3集

呢排PS3出新機,咁平咗出機,最好梗係有埋啲平game重溫吓,所以PS最近都不斷公佈平價合集版,繼今個月23號推出嘅PS3《Killzone Trilogy》後,另一隻自家射擊大作《Resistance》都宣佈出合集,今次合集包晒第1、2、3集,有埋全套DLC,包括《Resistance 2》嘅Aftermath Pack同埋《Resistance3》嘅Brutality &Survival Packs。講真,呢隻射擊作畫面靚值得投資,今次埋單都係40蚊美金唔駛,新出機嘅PS3機主值得一諗。

Read more ›
外國網站 拆散PS3薄機
by / on 03/10/2012 at 3:56 pm

外國網站 拆散PS3薄機

每逢有新機推出,總會有人好奇將佢拆開。ifixit呢個外國網站唔只拆散晒成部新機,佢仲同舊版PS3做長闊高對比,睇完之後,我發覺唔應該叫佢薄機,因為其實佢唔係薄咗好多,只係瘦咗,應該叫瘦機。

Read more ›
新片速報 PS3薄版機最新廣告
by / on 29/09/2012 at 11:12 am

新片速報 PS3薄版機最新廣告

可能你會話我小氣,但我睇完呢個廣告真係好嬲!做咩要咩啫?人哋都冇心理準備!想知點解會咁嬲,你都睇吓,記得開聲,最好全畫面,睇完之後唔好嬲我,我無辜嘅,要嬲就嬲Playstation,冤有頭。10月4日推出,再平我都唔敢買。

Read more ›