Post Tagged with: "ps vita"

日本發佈會現場直擊:輕薄版PS Vita香港11月推出!
by / on 18/09/2013 at 6:20 pm

日本發佈會現場直擊:輕薄版PS Vita香港11月推出!

繼PS4 12月喺香港發售後,第二單現場料係PS Vita新機會喺11月發售,詳細情況請繼續留意我哋現場報道!都係嗰句,編輯今晚返酒店再補現場相!

Read more ›

新片速報 新舊PS Vita實機畫面對比 舊版OLED靚啲!?
by / on 15/09/2013 at 2:33 pm

新片速報 新舊PS Vita實機畫面對比 舊版OLED靚啲!?

  係喎,有片有真相,新版PS Vita 2000機已經喺日本秋葉原擺咗出嚟,薄咗輕咗,但最重要一樣係屏幕由OLED轉咗用LCD……咁就有機迷帶埋自己部PS Vita去同步測一測試,上下同遊戲同畫面對比,目測就真係舊版靚啲鮮啲喎!唉……上面白色係舊版,下面黑色係新版,覺得難分嘅,睇個Start/Select制就一眼分到,舊版隋圓形,新版係圓形。

Read more ›
新型PS Vita秋葉原實機現身試玩
by / on 11/09/2013 at 12:57 pm

新型PS Vita秋葉原實機現身試玩

早兩日洗版,因為日本PS有發佈會,當中得啖笑嘅係PS Vita TV,至於日本嘅PS4發售日仲遲過歐美嘅11月15日,係下年2月22日,索尼更加係罪大滔天……唯有有興趣嘅,可能係有6種顏色嘅輕薄版PS Vita,只厚15mm同重219g,而且有Micro USB插口,嚿電聲稱可以玩多一粒鐘,10月10日推出,19,929円。日本秋葉原已經有實機擺出嚟俾人試,呢排去開可以試試。

Read more ›
官方新圖發佈 PS Vita 2000 Gundam/God Eater/FF X同梱機曝光
by / on 09/09/2013 at 6:15 pm

官方新圖發佈 PS Vita 2000 Gundam/God Eater/FF X同梱機曝光

先講兩句,日本10月10日推出嘅新型PS Vita (PCH – 2000系列),香港官方發佈高清圖,不過冇講香港幾時有。但當中呢幾張圖就睇到我個心郁嚟郁去,當中有《Gundam Breaker》、《God Eater 2》同《FF X/X-2 HD》嘅同梱機,高達白機又靚,FF部機都好得喎。普通6隻色就19,929円,同梱就梗係貴少少……另外,香港都有新消息,就係PS Vita 64GB記憶卡會喺10月18日推出,賣$788,嘩乜咁大件事?

Read more ›
PS Vita出「艦これ」 囡囡戰艦打入手提機
by / on 09/09/2013 at 4:31 pm

PS Vita出「艦これ」 囡囡戰艦打入手提機

呢隻PC遊戲,每一艘戰艦都係萌到核爆嘅囡囡,令人炸得興奮莫名。啱啱日本PS發佈會就公佈咗遊戲會移植至PS Vita,PV中人1正規空母「赤城」現身!出咩型號新機都應該唔及呢隻有計喎!

Read more ›
新片速報 新產品PS Vita TV 用電視打PS Vita
by / on 09/09/2013 at 4:06 pm

新片速報 新產品PS Vita TV 用電視打PS Vita

相對嚟講,最後呢個新產品有啲無聊。呢個叫PS Vita TV嘅盒仔,靚就幾靚,佢可以插PS Vita嘅遊戲俾你用電視玩,另外亦可以做PS4嘅remote Play,仲有就係可以睇電視,不過呢方面就唔係好啱香港人用喇。不過勝在價錢夠平,9,954円,另有連手掣及記憶卡套裝,11月14日發售。

Read more ›

新片速報 新款薄版PS Vita現身 10月10日開賣
by / on 09/09/2013 at 2:10 pm

新片速報 新款薄版PS Vita現身 10月10日開賣

啱啱舉行緊嘅SCEJA發佈會,真係一如之前傳聞一樣,有新型號PS Vita推出,冇任天堂嘅2DS咁突破,部機只厚15mm同重219g,而且有多種顏色,有Micro USB插口,嚿電聲稱可以玩多一粒鐘,10月10日推出!但個MON就冇如傳聞中加大……新機通用現時嘅PS VIta遊戲,價錢方面,19,929円。

Read more ›
新片速報《共闘先生の突撃 篇》廣告 返學玩共鬥
by / on 24/08/2013 at 3:08 pm

新片速報《共闘先生の突撃 篇》廣告 返學玩共鬥

無錯喇,返學成班同學玩共鬥真係好爽!但係我想講,《MH 4》出喺3DS喎。又咁講,PS Vita都有之前嘅《討鬼傳》,又有《God Eater》嚟緊,香港行貨又喺9月1日減價呢。仲有,因為筆者畢咗業好耐,其實我想問吓,o依家啲學校俾唔俾學生帶遊戲機返學?定一話都會搜書包?搜到之後又會點?有冇人分享吓?

Read more ›
香港行貨終於減 $1,680買PS Vita
by / on 21/08/2013 at 11:12 am

香港行貨終於減 $1,680買PS Vita

日本就減咗價好耐,香港行貨終於有消息,新售價就係$1,680!本來售價係$2,280嘅Wi-Fi版同$2,780嘅3G/Wi-Fi版都齊齊減價,另外記憶卡都同樣會降價發售。但要留意係減價會由9月1日開始,第二日就開學喇,買嚟拎番學校共鬥呀?同埋我哋之前都報道過,傳聞9月會有6.3吋大MON版PS Vita公佈,係咪睇定啲先好啲?

Read more ›
流出情報 新型大芒版PS Vita 遊戲展前9月發佈
by / on 18/08/2013 at 10:16 pm

流出情報 新型大芒版PS Vita 遊戲展前9月發佈

據NeoGAF得到未證實流出情報,PS Vita將會好似之前傳聞咁推出新型號,而且會喺TGS東京遊戲展前公佈!新機型號為PCH-2000,會使用Samsung製6.3吋屏幕,解像度不變,而RAM就會由512MB增加至1GB,通用現時嘅PS VIta遊戲,系統就會同PS4發售時相類近。之前話PS Vita貨源唔穩定,又玩減價,睇嚟呢單料都堅堅哋,咁其實個芒大咗係開心咗,但遊戲方面始終先係重點……

Read more ›
新片速報 試玩會現場 電腦節$1280買PS Vita + 遊戲 + 配件包 + Headset
by / on 08/08/2013 at 12:53 am

新片速報 試玩會現場 電腦節$1280買PS Vita + 遊戲 + 配件包 + Headset

    咁筍?梗係冇咁筍啦!限量o架!8月23日至26日喺灣仔會展舉行嘅電腦節,SCEH會推出呢個優惠,不過只限每日頭15名先可以呢個底價買機連配件同《ModNation Racer》,加多$199仲有埋8GB記憶卡同《Gavity Rush》。唔想買嘢都有嘢玩,會場會有《JoJo奇妙冒險 All Star Battle》、《GT 6》等9隻遊戲試玩,都唔啱?咁算啦,欣賞吓今日傳媒試玩會嘅囡囡同埋遊戲試玩片段啦。最後提提,聽日會公佈更多電腦節優惠詳情,另外都會出一段《JoJo奇妙冒險 All Star Battle》足本試玩片段同試玩感想,撐吓啦!

Read more ›

新片速報 界面操控更方便 PS Vita Frimware Ver.2.60更新
by / on 06/08/2013 at 2:31 pm

新片速報 界面操控更方便 PS Vita Frimware Ver.2.60更新

玩日服嘅,今日開機應該要更新先,香港嘅都應該快喇。官方今日出咗條Ver.2.60嘅Frimware更新片段,今次主要係有關於PS Plus、可以同家中嘅網絡分享音樂啦,增強操控上嘅便利性,同埋更方便可設定Wifi、飛航模式嘅功能。最後就係用瀏覽器睇片操控亦都更就手。正!月尾買《魔裝機神》先!最後分享埋一個傳聞,就係北美可能會推出PS4 + PS Vita嘅套裝,大家要留意我哋嘅最新報導喇!

Read more ›
叛徒專用 任天堂紅白機風PS Vita機殼
by / on 30/07/2013 at 2:28 pm

叛徒專用 任天堂紅白機風PS Vita機殼

雖然我玩緊《Dragon’s Crown》,但其實我個心都係等緊《Monster Hunter》;雖然我部Wii U真係好耐冇開,但我始終都係任天堂忠粉。於是,喺矛盾嘅心情底下,將部PS Vita變成紅白機手掣風格嘅外觀,就最能表達我複雜嘅內心世界。1,500円,好想要。  

Read more ›
2013年8月出GAME時間表 [PS3 / Xbox / PC / Wii / 3DS / PS Vita]
by / on 28/07/2013 at 8:30 pm

2013年8月出GAME時間表 [PS3 / Xbox / PC / Wii / 3DS / PS Vita]

8月終於可以放足一個月暑假抖暑,你哋就好啦!今個月有好多正Game,不眠不休狂煲真係人生樂事。個人推介《JoJo奇妙冒險 All Star Battle》,套裝跟figure賣日本都訂斷市,另外似乎唔多好玩但有好多囡囡陪嘅《KILLER IS DEAD》都好啱寂寞夜晚。另外隻《SPLINTER CELL BLACKLSIT》好多人都等咗好耐,尤其是PS3機主,因為係第一次出喺PS平台,不過中文版都接住嚟,等唔等?梗係唔等啦,下個月開學喇喎。最後手提機機主都有正嘢,PS Vita有得玩《魔裝機神》同埋《RO Ace》,至於3DS?梗係《熱血高校》啦!不過玩得呢隻嘅,相信都無暑假放,我都好想放暑假呀!

Read more ›
新片速報 PS Vita共鬪先生 水著沙灘
by / on 25/07/2013 at 7:29 pm

新片速報 PS Vita共鬪先生 水著沙灘

PS Vita嘅共鬪先生都出咗好幾條廣告,踏入夏季,仲有沙灘篇。鏡頭影住佢一男一女嘅學生去到沙灘,換咗水著,正想……最後,著住水著投入《PSO 2》嘅世界囉。

Read more ›