足本影片 直擊初音饅頭旺角紮紮跳

今日(25日)我專程去到又熱又逼嘅旺角行人專用區,就係為咗拍饅頭跳舞,拎出相機拍片時,我覺得自己「龍」味同「兵」味都好濃郁……我當時自我形象好低落,仲搞到滿頭大汗,唔敢正眼望人,我知,側邊啲MK仔女梗係覺得我特登拍段片返屋企自己嘆o格,我仲隱約聽到後面有女仔聲話:「o依!你睇嗰個死仔,低炒人哋喎!變態o架!」唔緊要,人哋誤解我唔緊要!因為我知道自己今日係為咗大棚唔得閒又或者有女友喺隔籬、去唔到捧場嘅網友服務,如果你哋睇晒以下條片,我嘅犧牲又算啲咩?吼呀呀呀呀!

Read more ›