Post Tagged with: "Prank"

有片:殺手賓尼兔一身血!戙企馬路嚇到司機調頭走!
by / on 18/05/2016 at 10:15 pm

有片:殺手賓尼兔一身血!戙企馬路嚇到司機調頭走!

注意!殺手賓尼兔出沒!殺入唔眨眼,劈到一地血,嚇到Pizza外賣仔走唔夾抖,正常;入黑喺公園拎住個大鐵槌殺出嚟,嚇到兩個麻甩佬雞飛狗走,同樣正常;喺無人隧道一身血咁出現,嚇到兩條女九秒九大叫救命,都好正常。我覺得最唔正常嘅反而係──殺手賓尼兔拎住粒糖戙企馬路中心,攔住架車唔放行,司機居然會調頭走,查實驚乜呢?有乜依郁,踩油門撞埋去咪得囉!諗諗吓,查實呢個Prank都幾危險吓,萬一阿司機真係加速撞埋去,阿殺手賓尼兔避唔避得切呢?如果避唔切咪隨時搞出人命?

Read more ›

有片:另類善事!作勢整蠱流流漢!銀紙照頭淋!
by / on 13/04/2016 at 10:00 am

有片:另類善事!作勢整蠱流流漢!銀紙照頭淋!

做善事都有好多方法,唔使下下都用「憐憫→施予→接受→感恩」呢個務必賺人熱淚嘅模式。唔流眼淚,笑又得唔得呀?絕對得!就好似呢條短片咁,兩個大男孩當街當巷拎住個大水桶,專搵流浪漢、乞丐同街頭賣藝者作勢照頭淋,淋嘅一樣係水,不過此水不同彼水,而係花綠綠嘅鈔票。流浪漢同乞丐初頭以為俾人恰,到知道係派錢之後,無不笑逐顏開,呢個世界多啲好人好事,多啲笑聲,咁咪Very good囉。

Read more ›
有片:嚇一嚇!地鐵出現四個將來的自己!時光機回到過去?
by / on 27/03/2016 at 2:30 pm

有片:嚇一嚇!地鐵出現四個將來的自己!時光機回到過去?

如果掛住打手機又或唔覺意恰著咗,唔知你會唔會俾呢一幕Fake到呢?呢個Prank唔使道具,全靠角色同對話食糊,成壇嘢係咁嘅──有條傻佬喺地鐵車廂募捐,話要籌措資金製造時光機,正當所有乘客當佢發癲之際,有個同佢一模一樣嘅傻佬喺第二卡車廂走入嚟阻止佢;之後,有個同乘客甲一模一樣嘅人出現,同乘客甲講自己就係未來嘅佢,乘客乙同乘客丙同一情況,又係有一個自稱未來嘅自己回到從前,叫佢千其唔好捐錢云云。四對一模一樣嘅人出現,其他乘客雖然知道九成係假,但都開始有少少眉頭皺,唔係真係有時光機呢回事嘛?梗唔係喇,個Trick玩得成,全靠四對雙生兒加埋對白混淆視聽,最衰雙生兒演技一般,有少少忍唔住笑,唔多驚囉。

Read more ›
有片:真雪噴滿屋 室內掟雪球滑雪撻雪
by / on 23/02/2016 at 10:45 am

有片:真雪噴滿屋 室內掟雪球滑雪撻雪

係好開心嘅,喺香港就無可能玩到架喇,將屋企變做雪地環境喎,除咗因為土地問題,嫌麻煩兼無情趣嘅香港人根本唔會咁玩,吖,應該係話,唔敢咁玩至真,一諗起之後要收拾番間屋就人都癲。片中位爸爸為博兩個囝囝一笑,將大廳噴滿真雪,有埋聖誕樹,有埋踏台,等阿仔一起身就可以同狗狗一齊室內掟雪球、滑雪、撻雪、噴雪甚至踩電單車,仲邀請埋鄰居朋友一齊玩添……忽然覺得,外國嘅月亮真係特別圓嘅。

Read more ›
有片:露台扮跌落樓 嚇到心離一離
by / on 15/02/2016 at 8:25 pm

有片:露台扮跌落樓 嚇到心離一離

呢次真係學汪阿姐話齋:「嚇死人咩,俾你嚇到個心離一離呀。」當你見到朋友喺露台就嚟跌落樓,淨係靠雙手捉實欄杆邊,全身懸掛半空,一跌落樓肯定粉身碎骨,你個心會唔會嚇到離一離?呢個Prank就係玩呢瓣嘞,事後發現原來朋友已經扣好安全帶,根本跌落樓都唔使怕,俾著我,我諗我會嬲嬲豬囉。

Read more ›
有片:比堅尼妹洗頭18+ 無限洗髮液洗極唔乾淨
by / on 21/01/2016 at 9:30 pm

有片:比堅尼妹洗頭18+ 無限洗髮液洗極唔乾淨

係就係好身材啲,不過都係比堅尼妹啫,唔使18+咁嚴重呀?唔好誤會,無人走光,只不過呢條片多啲粗口咁解啫──「Oh my god.」「What the Fuxk?」「Uhhhhhh~」「Fuxking not to be kidding me…..」「how much fuxking soap in one tiny fuxking bottle?」──鬼咩,個頭洗極都仲係有泡,刷到頭皮甩都仲係黐立立,殊不知原來有人喺後面搞搞震,猛咁將洗髮液加喺頭頂,畀著我都嬲喇,爆粗好正常喎。

Read more ›

有片:整蠱出浴女朋友!一地蟲躝來躝去!
by / on 21/01/2016 at 8:45 pm

有片:整蠱出浴女朋友!一地蟲躝來躝去!

又到整蠱女朋友時間!今次就趁女朋友沖澡嗰陣,將一袋二袋Bug倒喺浴室地下,可惜畫面濛濛哋,睇唔清楚究竟係乜Bug,斷估應該唔係屎蜢,不過已足夠女朋友嬲到Fuxk Fuxk聲。衫嚟唔切著,摟條浴巾就想走?走唔甩喎,因為浴室門已經俾男友鎖實。確實係幾頭痕嘅,莫講話無殺蟲水,拖鞋都無對,赤腳踩死佢又嫌核突,拍又無多個,想搵嘢打死佢又唔得……畀著係你,你會點做?

Read more ›
有片:名副其實炮灰!膠紙困身!中槍硬食泥沙!
by / on 11/01/2016 at 9:30 pm

有片:名副其實炮灰!膠紙困身!中槍硬食泥沙!

Wow!真係越玩越癲!都係「Dudesons」班傻佬喇,今次照舊玩氣槍,子彈係泥沙。兩條友仔Make a challenge,先俾強力膠紙綑綁喺辦公椅,鬥快成功脫身嗰個係贏家,輸家就要坐定定做靶,但聞篷一聲,大片泥沙霎時噴出,輸家成口泥,眼都睜唔大,名副其實做炮灰!呢劑甘頂咯。

Read more ›
有片:火都嚟埋!神奇的洗髮液!越捽越起泡!
by / on 11/01/2016 at 8:30 pm

有片:火都嚟埋!神奇的洗髮液!越捽越起泡!

笑咗!原來整蠱人唔使多道具,亦唔使懶複雜咁設局俾人踩,一支洗髮液足夠激到人生蝦咁跳。場地,沙灘公眾淋浴間;人物,洗緊頭嘅泳客;案發經過,趁泳客捽到成頭泡睜唔開眼嗰陣,瘋狂幫人加洗髮液,搞到佢哋洗極個頭都仲有泡,越洗越火滾。中伏者眾,有人不明所以繼續洗,有人發晒老脾連自己支洗髮液都掟埋,有人口中唸唸有詞,有理由相信佢企圖或意圖問候支洗髮液嘅爹娘,有人終於發覺俾人整蠱,嬲到想打人……呢條片,真係笑到我Gap Gap聲!

Read more ›
有片:小學雞玩意!扯凳仔撻到Fuxk Fuxk聲!
by / on 05/01/2016 at 10:15 pm

有片:小學雞玩意!扯凳仔撻到Fuxk Fuxk聲!

呢個Prank係異常無聊嘅,但無聊得嚟又真係好惹笑嘅,玩乜呢?玩你同我都喺小學時期玩過嘅極級小學雞玩意,趁人不覺極速拉走人哋張凳仔,等對方失神,籮柚著地跌個四腳朝天,激到人Fuxk Fuxk聲。片中整蠱人嘅街童確身好身手,拉完凳九秒九開步跑,次次都走得甩咁滯,如果整蠱我,追到天腳底我都會捉佢埋牆執一劑勁。

Read more ›
有片:甩眼球!嚇到真嘔!修理水喉扮受傷!
by / on 24/12/2015 at 9:15 pm

有片:甩眼球!嚇到真嘔!修理水喉扮受傷!

初睇片名叫《I Lost An Eye PRANK!!!》,究竟點樣Lost法呢?原來係簡單,男人捐入鋅盤底扮修理水喉,搞一輪之後叫女人拎工具,之後慘叫一聲,再之後流到一櫃血,再再之後男人捐番個頭出嚟典地,再再再之後摸住隻眼,手掌多咗粒眼球。咁當然,通櫃血同眼球都係假架喇,不過女人一見血就心慌,嚇到跪低企唔穩,畫面太過迫真兼血腥,當場嚇到連隔夜飯都嘔埋出嚟。又難怪嘅,眼球喎,咁核突,嚇到嘔,絕對可以理解。

Read more ›

有片:施展真實版原力 雙手一推旁人仆開九呎遠
by / on 24/12/2015 at 8:30 pm

有片:施展真實版原力 雙手一推旁人仆開九呎遠

一個人講,你唔信,一個人仆街,你都唔信,到十個人講,你開始動搖,到幾十個人喺你面前仆街,你會唔會開始相信呢個世界真係有原力?呢個Prank其實好易搞,最緊要做媒人數夠多,求其搵個人雙手一推,扮施展原力,之後身邊做媒嘅全部仆開九呎遠,露出痛苦同難以置信嘅表情,咁就足以嚇到旁觀者劈大個口得個窿。商場夠人多,啱玩,戲院都夠人多,都啱玩,最厲害係喺商場門口扮原力碎玻璃呢下,有人真係嚇到走夾唔抖,有人喊驚,有人搵地方匿埋,Funny!

Read more ›
有片:凳自己搖書自己跌 畫中鬼嚇窒Pizza仔
by / on 21/12/2015 at 8:45 pm

有片:凳自己搖書自己跌 畫中鬼嚇窒Pizza仔

呢個Prank過癮呀,試想像你係Pizza仔,收Order送貨到大宅,屋主應門,眼前係個性感辣妹,吹兩句水,辣妹上房攞錢,獨留你一人。正心諗有靚女睇之際,忽然發覺凳自己搖咗兩搖、無風跌書,氣氛極不尋常,跟住座地畫忽然跳出厲鬼兼大聲鬼叫,你會唔會驚到走夾唔抖?嚇到成盒Pizza跌落地實屬正常,無被嚇到四腳朝天,已經算非常好嘢。

Read more ›
有片:巨乳化戈干 剝衫勸交唔靠把口
by / on 20/12/2015 at 11:15 am

有片:巨乳化戈干 剝衫勸交唔靠把口

巨乳威力,無可匹敵,雙峰一出,交都打唔成。呢個算唔算Social experiment呢?勉強都算嘅,話說一男一女通街撩交打,男嘅向途人動手又動口,雖然收唔到音,但估計都係阿爹阿娘之類粗口;單拖一條友啫,途人梗唔忿氣,出手還拖理所當言,就喺呢個時候,女嘅忽然剝衫露胸,鮮紅色Bra下兩團肉,目測達F級,就係咁,交都唔使勸,打唔成嘞。不過都有例外嘅,有個老伯話知你F定G,撩交打一於奉陪,仲追打番一男一女轉頭添。又忽發奇想,呢個Prank,唔知可唔可以喺香港玩吓呢?

Read more ›
有片:假扮韓國明星遊街!中國街坊中伏:「我很喜歡他!」
by / on 19/12/2015 at 8:45 pm

有片:假扮韓國明星遊街!中國街坊中伏:「我很喜歡他!」

原來,男嘅只要Gel高個金毛頭戴黑超,女嘅只要著低胸露吓事業線,就可以扮韓國明星兼Fake到晒中國人。咁當然,扮嗰陣都要有番咁上下排場,有疑似保母車出入喇,有大把疑似黑西裝保鑣護駕,假扮者要夠入戲喇,奇在真係有人信囉。至於問到邊個韓國明星大駕光臨呀?見人舉機影相自己死唔蝕底誓要影埋一份嘅中國街坊當然答唔出,做媒嘅工作人員扮做街訪問:「你喜歡他的電影嗎?喜歡那部?」中國街坊居然死撐到尾,沾沾自喜話:「非常非常的喜歡,每一部我都看。」唉,7少陣得唔得?

Read more ›