Post Tagged with: "Prank"

有片:超驚嚇!Freddy隨街殺人!嚇到腳軟跪低!
by / on 01/11/2016 at 10:45 pm

有片:超驚嚇!Freddy隨街殺人!嚇到腳軟跪低!

正常嚟講,扮Freddy嚇人驚極有限,但如果有媒合作又或走投無路的話,成件事又唔同講法,就好似呢條片咁,Freddy一句:「Bitch,welcome to my world。」足以嚇到膽仔細細嘅夜歸女雞飛狗走;若果見到一個成身血嘅人俾Freddy追殺緊咩,恐怖程度更加升級,因為被整蠱嗰個未必知道血人係媒;再若果,同Freddy搭埋同一部電梯,想走又走唔甩,嗰種恐怖法就係最最最最最攞命。不過話時話,我就唔明片中受害者點解淨係識跪低或攤喺地求饒,齋嗌救命有鬼用咩?俾著我,橫死掂死又走唔甩,梗係放膽一博同Freddy死過喇,最多咪攬炒,你要我死,我都唔會畀你好過。

Read more ›

有片:颼一聲唔見咗!鬼變隱形人?
by / on 29/10/2016 at 9:45 am

有片:颼一聲唔見咗!鬼變隱形人?

揸車買外賣扮鬼嚇Staff,外國大把YouTuber玩過,整蠱手法不外乎扮無人駕駛、拎轉頭唔見咗個司機、扮暈扮死等架車向前或向後溜等等。今次係搞笑版,司機笠塊白布就話自己係鬼,初頭仲同Staff有講有笑,但去到找錢嗰下,噗一聲就隱形,得番白布徐徐向下飄,Fine,算你車凳有機關,都無理由匿得咁快架,條片又唔似Edit過,當真奇妙的人體!我Loop咗幾次,始終搵唔到破綻,究竟點做到嘅呢?有無人可以話我知?

Read more ›
有片:玩到咁盡?UFO降臨!外星人捉的士乘客!
by / on 29/10/2016 at 9:30 am

有片:玩到咁盡?UFO降臨!外星人捉的士乘客!

使唔使玩到咁大呀,真心覺得會嚇死人的,尤其係我呢亭深信有外星生物存在嘅人。成個Prank道具固然之高科技,仲要時間地點配合得天衣無縫先玩得掂,玩法係先製造一間幾可亂真嘅UFO,點真法?飛得上天兼曉發光噴煙咁,夠真未?時間係入黑,地點係森林,的士司機接載乘客去到公路,佯稱無油或死火之類,總之搵藉口落車喇。一落車,街燈即刻閃呀閃,四周圍變得煙霧瀰漫,之後UFO出場,司機俾條燈柱射一射就唔見咗,再之後……攞命咯,UFO打開門,外星人出籠逼向的士,嚇到乘客尖叫不絕,偏偏門又打唔開,外星人不斷拍打車門,乘客求生無門……咁嘅環境,嚇到失禁都唔出奇。

Read more ›
有片:三唔識七!送你一個氫汽球!
by / on 19/10/2016 at 11:00 pm

有片:三唔識七!送你一個氫汽球!

呢個唔算係好有殺傷力嘅Prank,個人認為仲幾Funny添,襯人唔覺就綁個氫汽球喺人背脊,被整蠱者傻更更繼續行,其他途人就望住佢就陰陰笑,畫面都幾有趣吖。都無乜難堪尷尬位,好難起火,俾著我就一定唔會發嬲囉,查實做人已經咁辛苦,搵啲小情小趣調劑吓,係無聊,但都OK唔錯吖。

Read more ›
有片:超低能但搞笑 拉凳仔跌到一仆一碌
by / on 19/10/2016 at 9:00 am

有片:超低能但搞笑 拉凳仔跌到一仆一碌

無聊兒時玩意,超低能但搞笑,吼人唔為意拉走張凳,等人跌個四腳朝天。片中負責整蠱人位人兄好勁。一,勁在大膽,任何場合都夠膽死整蠱人,大街大巷、公園、商場、食肆,只要有凳,佢就夠膽死拉,完全唔理旁人目光;二,勁在拿捏時間好準,每次都趁人坐嚟坐低之際出手,百發百中;三,勁在輕功好,啲人追打佢咩,佢都可以九秒九逃離現場,實在跑得太快,認真吹佢唔脹!

Read more ›
有片:靚女擺明非禮100男 明目張膽猴子偷桃
by / on 18/10/2016 at 9:15 pm

有片:靚女擺明非禮100男 明目張膽猴子偷桃

男女平等?咪嘥氣啦,有啲嘢,一千年後都唔會平等。就例如,男係咁意搭吓女膊頭,都有機會俾人告性騷擾,而女明目張膽摸男下體呢?拍埋片有晒證據都無人投訴。咁當然,飛來艷福呢家嘢,斷估十個男人十一個都唔會Say no,更何況猴子偷桃嗰個,身材仲very very hot添,之所以成條片100個「受害者」無一不悅,頂籠睩大對眼,表情有啲不知所措啫,有啲,仲顯得非常受落添。

Read more ›

有片:打爆紙袋扮中槍嘔血!女朋友嚇到喊!
by / on 11/10/2016 at 9:00 am

有片:打爆紙袋扮中槍嘔血!女朋友嚇到喊!

我衰,我認我係非常鍾意睇啲整蠱女朋友短片嘅,一見到啲女朋友嚇到依嘩鬼叫,我就開心架喇,例子有以下呢個詐死嚇女朋友Prank,道具唔使多,假血加一個紙袋就夠,方法係趁女朋友上咗樓,男朋友喺嘴邊畫定假血,喺地下又倒定一笪假血,之後打開大門對空氣說話,扮到好似有壞人闖入屋咁,再之後吹脹紙袋再打爆佢扮槍聲……就是如此這般,女朋友已經嚇到梨花帶雨,跑上跑落搵電話打算報警,一臉彷徨嘅表情同全身軟晒嘅肢體動作,非常之我見猶憐,但我越睇就越開心,係,我認我係變態嘅,哈哈……

Read more ›
有片:一百美金快閃露乳!靚女肯制婆婆霸氣即露!
by / on 21/09/2016 at 10:30 pm

有片:一百美金快閃露乳!靚女肯制婆婆霸氣即露!

主持當街捕獲靚女,撩佢哋揭高衫露Bra,如果肯露即獲一百美金獎賞,如果連Bra都肯揭高,獎賞加倍。靚女們如何反應?有人斷然Say no,有人猶豫咗一陣最後Say yes,有人擺明Just for fun背對鏡頭行幾步轉身再露,有人大大方方一副露咪露嘅心態,有人敵不過金錢誘惑連Bra都揭高,最過癮係有個銀髮族婆婆,二話不說就揭高件衫,嗰種霸氣,簡直隔住個Mon都Feel得到。不過好戲盡在後頭,搞完一輪大龍鳳,靚女們先發覺手中紙幣係假嘢,有人嬲到爆粗調頭走,有人無乜所謂作狀兜巴聲主持一下,有人係咁意打咗主持人一槌笑笑口再合照……好玩!真真好玩!不過呢啲真人騷,唔使旨意喺香港玩得成。

Read more ›
有片:殺人小丑返嚟喇!睇到都痛!嚇到撻落樓梯!
by / on 15/09/2016 at 8:30 pm

有片:殺人小丑返嚟喇!睇到都痛!嚇到撻落樓梯!

殺人小丑又返嚟喇,今次玩孖咇,兩個小丑一齊出動嚇人。場景有黑夜公園,情侶俾突如其來嘅煙花吸引,掛住岳高頭睇煙花,冷不提防小丑從後獵殺;緊接上演一幕見死不救,酒店房間二女一男,女嘅手撐腳撐拼命掙扎,男嘅一見小丑即刻走先,嚇到撻生魚咁撻落樓梯,齋睇都覺得痛;之後嘅停車場二追一、隧道驚見殺人事件同樹叢突襲,效困一般般,被整蠱者們都好醒,走得快好世界;反而最尾火車站一場,擺明見到兩個殺人小丑坐喺側邊,被整蠱者都係要裝鎮定,結果咪又係嚇到走夾唔抖?查實君子不立危牆下,一發覺唔對就好應該閃喇。

Read more ›
有片:大整蠱!維修手機打爆Mon收場!
by / on 12/09/2016 at 9:15 pm

有片:大整蠱!維修手機打爆Mon收場!

過三兩日iPhone 7就正式首賣,不如睇番條關於手機維修嘅整蠱人短片?如果你入維修店想修理手機電池,店員一手將電池掟落地然後話:「壞咗咯,你不如買個新架喇。」你會點?又,如果,你發覺個Screen鬆咗,拎去維修,店員二話不說用鎚仔亨爆個Mon,你又會點?又,如果,你話畀店員聽手機連接電腦後出現「Not found」字樣,而店員咁樣答你話:「點解部電腦要識得搵部手機呢?」你又會點?睇番被整蠱者嘅表情反應。

Read more ›
有片:人蠢無藥醫!滴假血扮釘親手指!Fake晒!
by / on 29/08/2016 at 11:15 pm

有片:人蠢無藥醫!滴假血扮釘親手指!Fake晒!

片中被人整蠱嘅大隻佬,真係中晒我老死問嘅一個問題:「一般嚟講,豬係點死架?」答案係──蠢死呀。點蠢法?話說木匠滴假血、就啱擺位,扮畀鐵釘連住木塊釘實左手手指,呼喚大隻佬幫手解窘,大隻佬初頭都唔知點搞好,木匠用左手指指點點,叫佢嘗試用鐵夾扯番口釘出嚟。睇到問題係邊未?無錯,就係用番「左手」嚟「指指點點」,左手手指既釘實喺木頭,又如做到呢個動作呢?大隻佬又真係聽晒佢話,連續俾人Fake咗兩次先知俾人玩,睇嚟唔只豬,人都會蠢死……

Read more ›

有片:偷食Oreo吖嗱!用水淋醒女朋友!
by / on 13/08/2016 at 9:45 am

有片:偷食Oreo吖嗱!用水淋醒女朋友!

又係痴線的!偷食咗包Oreo之嘛,都唔咁大忝罰呀呀,所以我好懷疑呢個係藉口,片中男友根本就有心拍低女友醜態,放上網俾人笑。女朋友就慘豬豬咯,訓得好好哋,分分鐘發緊綺夢,就喺毫無防備嘅情況俾水淋醒,難怪佢事後粗口連篇……話時話,放諸香港,你又敢唔敢咁樣整蠱你女友?Please記住,港女喎,唔玩得架喎……哈,諗吓好喇。

Read more ›
有片:超賤整蠱!低頭族小心!Cream兜面拍落嚟!
by / on 12/08/2016 at 9:30 pm

有片:超賤整蠱!低頭族小心!Cream兜面拍落嚟!

無時無刻都掛住Loop手機嘅低頭族要小心,《Pokemon》可以玩,但玩嗰陣都唔該你一眼關七,慎防有三九唔識七嘅無聊人偷偷閃埋身,之後一碟Cream兜面拍落嚟。嬲?梗嬲喇,但可惜,有心裝無心,整蠱人嗰個次次都走得甩,而成面Cream嗰個,一係就呆在當場不知所措,一係就大吃一驚唔知追好定唔追好,一係就立即開步跑企圖捉到兇手。呢個Prank,睇就好笑,但如果俾人整蠱嗰個係你,我保證你一定笑唔出。

Read more ›
有片:絕望了!洗極頭都仲有泡!警察驅趕唔知點算好!
by / on 12/07/2016 at 11:00 pm

有片:絕望了!洗極頭都仲有泡!警察驅趕唔知點算好!

呢個Prank我係睇咁多次都笑咁多次嘅,人好哋哋走去淋水間洗頭,就趁人唔為意整蠱人,係咁加喺頭殼頂加洗頭水,搞到人洗極個頭都仲係起泡,捽到頭皮甩個頭都仲係未乾淨,有被整蠱者不斷WTF,有被整蠱者發脾氣……。呢啲場面,以前睇過,今次新增假扮嘅警察一角色,警察行去淋水間,大條道理用「超過使用時間」、「浪費清水」同「製造水污染」等藉口驅趕,有被蠱者簡直想喊咁滯,想解釋又唔知點解釋好,好無奈……我呢,就笑到Gap Gap聲。

Read more ›
有片:靚女通街撩溫馨 男人驚見「帳幕」走夾唔唞
by / on 27/06/2016 at 10:30 am

有片:靚女通街撩溫馨 男人驚見「帳幕」走夾唔唞

如果,我話如果呀,如果有個有前有後青春無敵嘅靚女,三唔識七無端端走埋嚟同你講:「有無興趣同我溫馨吓?」你會點?我估,縱然口裡想說不,但身體一定很誠實,斷估正常男人都會Say yes。呢個Prank就係偷拍男人第一時間反應嘞,好喇,男人們梗係流晒口水喇,但當靚女扮唔覺意露出頂住長裙嘅小帳幕,男人們就個個極速彈開九里遠,「吓?有柄架?」呢個第二反應,仲好笑呀!

Read more ›