Post Tagged with: "Prank"

【新片速報】日本超人氣YouTuber   炒飯prank網民狂改圖 
by / on 26/01/2019 at 2:14 pm

【新片速報】日本超人氣YouTuber   炒飯prank網民狂改圖 

日本YouTuber「水溜りボンド」好高人氣,訂閱人數超過366萬,兩個後生仔經常做無聊嘢,例如最近就扮炒飯專家,買咗個超勁裝置:鐵鑊加炒飯巨浪,之後扮炒嘢呃對方入廚房嚇佢。段片一星期已經過600萬瀏覽,由於張相太震憾,好多網民狂改圖,連Donald Trump都出埋,入嚟有回帶。

Read more ›

有片:驚嚇Prank!電梯內監生扭甩人頭!
by / on 01/11/2018 at 5:00 pm

有片:驚嚇Prank!電梯內監生扭甩人頭!

呢個係Prank,玩失驚無神嚇死你,電梯內,剛閂門,坐輪椅嘅女人喺無還手之力情況下,俾負責推輪椅嘅男人監生扭甩個頭,登時尖叫聲四起,其他乘客嚇到嗌破喉嚨。但其實只要鎮定啲,就知呢個只不過係惡作劇,首先,正常人何來咁好力水扭甩人哋個頭?二,血都無滴喎,會唔會假咗啲?三,無咗個頭都仲可以舞手舞腳,有無咁好生命力呀?不過又咁講,喺無心理準備下,無端端見到有人甩咗個頭,又真係幾驚嘅。

Read more ›
有片:咪做低頭族 小心無聊人剝你鞋
by / on 05/03/2018 at 8:00 pm

有片:咪做低頭族 小心無聊人剝你鞋

地球很危險,以後喺街唔好掛住做低頭族嘞,要一眼關七,提防啲無聊人對你做無聊事,包括──失驚無神剝你鞋。玩人嗰個好開心,被玩嗰個好無奈,不過玩得嚟都算有品,至少唔玩女仔,同埋去到尾都會丟番低隻鞋。最痴線係無聊人可以趴低慢慢解完鞋帶先剝鞋,而成個過程又可以神不知鬼不覺……都係嗰句,少做低頭族喇。問題又嚟嘞,如果俾人玩嗰個係你,你會點?俾我捉到無聊人的話,肯定醒佢一招刻骨銘心爪。

Read more ›
有片:撩鬼攞命!用槌扑用水沖!毀滅女朋友化妝品!
by / on 22/05/2017 at 6:30 pm

有片:撩鬼攞命!用槌扑用水沖!毀滅女朋友化妝品!

如此大逆不道嘅勾當,我真係諗都唔敢諗,莫講話真係做。無乜嘢架咋,只不過完全毀滅女朋友嘅化妝品啫,將啲甚麼Lotion呀、胭脂呀、粉撲呀、眉筆唇筆呀等等掟晒落洗手盆,用水沖完再攞槌仔打爛佢之嘛,仲要用唇膏喺玻璃寫「I Love You」,都唔知攞景定贈興。如此惡作劇,難得阿女朋友嬲就都有啲嬲,但無話大吵大鬧,埋尾仲肯對住鏡頭笑。如此好女仔,娶得過。

Read more ›
有片:疑似殺人犯大棍藕爆頭 嚇到途人走夾唔抖
by / on 08/05/2017 at 10:30 pm

有片:疑似殺人犯大棍藕爆頭 嚇到途人走夾唔抖

處境題──行街,遇到一個身穿白袍頭戴白頭巾揸住碌棍嘅疑似殺人狂,殺人狂睥一睥你,然後一嘢扑落訓喺地下上面嘅人,人頭爆開,噴晒血漿,唔知生死……你見到如此畫面,第一時間會點做?轉身出盡吃奶之力走係正常反應,不過喺呢條短片所見,有人不但可以保持鎮定,仲夠膽衝埋去同殺人狂開拖,直至知道係個Prank先收手。由於太迫真關係,我諗,好多人會腳仔軟,走唔郁。

Read more ›
有片:突然被抽水!摸你大髀你會點?
by / on 23/04/2017 at 7:15 pm

有片:突然被抽水!摸你大髀你會點?

搭搭吓車,如果有個三唔識七嘅人摸你大髀會點?摸你嗰個係男人,樣唔多討厭,邊摸邊同你添拍片,拍完片仲無端端笑添。片中人就係玩呢啲無聊嘢,被鹹豬手者有乜反應呢?有人O晒嘴,有人怒睥,有人好玩得一齊笑,有人嚇到即刻離開座位,有人一手撥開佢,有人裝出一副疑似好受落模樣,最好笑係有個女友幫手掃開放喺男友隻手,梗係喇,抽我男友水仲得了嘅?If,如果畀著你,又會唔會毫無疑問地小則爆粗重則郁手呢?

Read more ›

有片:靚女整蠱靚女 地拖濕身沖涼灑麵粉
by / on 12/04/2017 at 9:15 pm

有片:靚女整蠱靚女 地拖濕身沖涼灑麵粉

嘩,乜玩到咁大,趁朋友訓著覺畫佢大花面,畫嘅係男人把柄;趁朋友唔為意兜嘢噬埋去,搞到爆穀盒撞嘴;趁朋友訓著覺用地拖拖佢,搞到成身濕晒;趁朋友倒垃圾,事先匿喺垃圾桶嚇佢;趁朋友睇到聚精會神,一下將佢手機撥落泳池;趁朋友背住自己,用棍一嘢隊佢菊花;趁朋友沖緊涼,用麵粉灑佢……咁低能兼無聊嘅玩意,如果呢對朋友係男人的話,我保證你唔會睇,但如果係女人,仲要係靚女,咁就另一種講法,原來靚女整蠱靚女,係咁好睇嘅。

Read more ›
有片:明玩嘢!電梯內三唔識七接吻!
by / on 11/04/2017 at 10:30 pm

有片:明玩嘢!電梯內三唔識七接吻!

入電梯,如果見到一對三唔識七嘅男女無端端接吻,你會有乜反應?呢條片就玩呢個Prank,有人得個望字,唔敢出聲;有人豎起手指公,畀個讚男仔;有人同個男仔擊掌,好明顯讚佢咁嘅環境都溝到女;有人原本耷低頭玩緊電話,忍唔住偷望臉露羨幕之色;有人以為女仔俾人飛禮,出手制止,正想開拖之際先知係惡作劇。你呢?畀著你又會點?我肯肯定,九成香港人會第一時間拎出手機拍片,之後掟上網,香港人乜都鍾意拍一餐吖嘛。

Read more ›
有片:癡線的!吊住途人尾!扮蟹打橫行!
by / on 19/12/2016 at 8:45 pm

有片:癡線的!吊住途人尾!扮蟹打橫行!

May be笑點著實低,片中鬍鬚仔簡直無聊到一個點,但我唔知點解笑到Gap Gap聲,兼由頭睇到尾添。玩乜無聊嘢呢?鬍鬚仔做古怪動作跟住路人甲乙丙行咁啫,例子有拗腰窒步吊住人尾喇、舉高雙手好似投降咁同人平排行喇、扮速龍行喇……最好笑係扮蟹打橫行,而估唔到阿途人又肯陪鬍鬚仔癲,一齊面對面扮蟹行。癡線?係癡線架,不過久唔久有呢啲小情小趣都幾好吖,有啖笑,生活都無咁難過吖嘛。

Read more ›
有片:被迫露底!快閃黨通街剝人褲!
by / on 17/12/2016 at 9:30 am

有片:被迫露底!快閃黨通街剝人褲!

呢個Prank由兩個衰仔合作,衰仔A扮問路,衰仔B從後偷襲,趁人家停落嚟唔為意嗰陣,從後迅速剝咗人哋條褲。「被露底者」茫然不知所措之際,兩個衰仔早已逃之夭夭,想追打咩?抽番好條褲快閃黨已經無影無蹤,唯一可以做嘅,就係爆幾句粗,抽得切條褲嘅,就即刻起勢追,至於追唔到就無交代。係幾好笑嘅,而兩個衰仔都算玩得有底線,只揀男人落手,如果剝女人條褲,呢個就唔係Prank,而係非禮,差人叔叔會拉架。

Read more ›
有片:嚇鬼呀?短裙靚女髀罅多咗兩個Ball!
by / on 15/12/2016 at 9:00 am

有片:嚇鬼呀?短裙靚女髀罅多咗兩個Ball!

我承認心邪,初見片名《Girl With Balls Prank》,即時聯想到心口兩團肉,卻原來此波非彼波,講緊嘅係好地地一個靚女扮有柄,著短裙踎低,刻意露出掛喺胯下男人先有嘅兩隻假「Ball」,嘩,成抽荔枝咁吊吊揈,見到真係嚇一嚇。途人甲乙丙丁見到,一係笑,一係睩大對眼,一係抿住個嘴講唔到嘢。而唔知點解,我好有衝動踏順步韻,擺好重心腳,之後一腳狠狠抽埋去……

Read more ›

有片:雪人嚇人無藥醫 即刻還拖兜腳踢
by / on 13/12/2016 at 10:30 pm

有片:雪人嚇人無藥醫 即刻還拖兜腳踢

人嚇人無藥醫,咁嚇人嗰個唔係人而係雪人呢?學阿姐話齋,一樣嚇到個心離一離。呢條片就係玩呢樣無聊嘢,雪人戙企唔郁以為係死物,有人經過就郁一郁,而被嚇嘅人反應亦層出不窮,最大路係尖叫:「Oh,my god!」、「Wow!」激動啲嘅會爆粗:「Shit!」有人嚇到成個人震晒,眼珠幾乎跌埋出嚟;有人即時縮手縮腳,彈開三呎後猛拍心口;最搞鬼係有人即刻還拖,王小虎上身使出一招黑龍偷心,兜腳踢埋去,好彩個雪人夠硬淨,無跌倒。

Read more ›
有片:現實版《午夜凶鈴》 女友嚇到跌落床
by / on 08/12/2016 at 11:30 pm

有片:現實版《午夜凶鈴》 女友嚇到跌落床

哈哈哈,真係笑到我有腹肌,呢個Prank玩現實版《午夜凶鈴》,男友預先Set好電視機,趁女友訓著覺後打畀佢,女友朦朦朧朧接電話,只聽到一把異常深沉嘅聲音話:「You have seven days to live。」時間夾得天衣無縫,女友唔知發生乜事之際,電話響起,之後電視機自動On,屏幕出現貞子爬出電視機一幕,嚇到女友尖叫,不住後退,最後喺梳化床跌落地……講真,Timing夾得咁靚,係幾恐怖嘅。

Read more ›
有片:三唔識七撩人隻揪 俾人打到貼埋牆
by / on 01/12/2016 at 8:45 pm

有片:三唔識七撩人隻揪 俾人打到貼埋牆

俾著你,會唔會通街撩人隻揪?又或者掉轉問,如果行行吓街,有個三唔識七嘅人掟對拳套出嚟挑釁你,你又會唔會接戰?片中紅褲仔就係玩呢樣無聊嘢,結果又真係有人接戰喎。有人擺明玩玩吓揮兩吓拳就算,得啖笑;有人抵唔住紅褲仔咁寸,拳套都唔戴即刻開紅褲仔波,打到佢走夾唔抖;有人打出真火,嘭嘭聲拳拳七注,打到紅褲仔貼埋牆嗌救命。其實真係抵死架,撩人隻揪又不自量力,抵佢畀人打。

Read more ›
有片:打緊茄輪唔為意!女友被剪走一執毛!
by / on 29/11/2016 at 10:00 pm

有片:打緊茄輪唔為意!女友被剪走一執毛!

化完妝,仲要梳頭,唔梳靚個頭,女人係唔會出街嘅,你話失驚無神走埋去剪走佢一執頭髮?殺人都似。呢個Prank就係玩呢樣嘢,沙灘裡面,有人拎住一執假髮同鉸剪整蠱比堅尼女,有靚女曬曬吓太陽中招,男友即刻起身護花;有靚女望住個海戇居居,俾人剪完頭髮茫茫然不知所措;有人嚇到叫咗出嚟,揚言要報警;最離譜係整蠱對打緊茄輪嘅情侶,人家攬得肉緊好哋哋,剪女友頭髮喎,男友仲唔起勢追打咩?

Read more ›