Tag: POSTCARD

崔成安雙節棍連環圖譜Postcard 先睹為快

崔成安雙節棍連環圖譜Postcard 先睹為快

真係靚到啪啪聲,公仔主角劉萬梁師傅畫得固然靚,連啲毛筆字體都足堪回味,呢套由崔成安繪畫嘅雙節棍連環圖譜Poster,一套四張,會畫齊總共25式雙節棍招式,甚麼鐵打三角、翻山越嶺、虎口換手、先斬後奏、射棍勢,嘩,好型呀,點可能唔買?

Read more ›

周少康「畫出彩龍」展覽 送Postcard同畫報

周少康「畫出彩龍」展覽 送Postcard同畫報

家陣撐周少康「畫出彩龍」畫展唔單只得個睇字,仲可以又睇又拎,唔係送張輕飄飄傳單仔Or小冊子咁簡單,係真正值得收藏嘅迷你Postcard同畫報。周少康喺面書話:「小小見面禮……我禮晒!」大家請望相,然後公道講句,係咪一啲都唔失禮先?另外,展場仲會有本訪客留名册,If一時畫興大發,歡迎大家直接喺上面畫公仔,睇畫展都睇得投入啲喇。

Read more ›
周少康「畫出彩龍」畫展 出Postcard每套$130

周少康「畫出彩龍」畫展 出Postcard每套$130

家陣搞畫展,點都要出番啲精品嘅,周少康「畫出彩龍」畫展都唔例外,今次佢輯錄咗2016年同2017年各十幅靚畫,製成兩套靚一靚Postcard售賣,每套$130。敢稱幅幅佳作,李小龍迷唔可以錯過。提一提,畫展11月2日開皮,大家記得唔好Miss呀。

Read more ›
講個信字 買梁偉家《滅絕遊戲》Postcard唔使落訂

講個信字 買梁偉家《滅絕遊戲》Postcard唔使落訂

梁偉家面書報料,因為《滅絕遊戲張道陵畫集》製作需時暫延推出,所以出住《滅絕遊戲》Postcard先,一套10張,內附一幅獨一無二親筆畫,每套$100。好得很!最正係梁偉家話朋友講個信字,私訊佢講聲「要」就得,唔使落訂,咁大家識做啦。佢仲登埋相,Postcard質素著實係高,絕對值得收藏,我話嘅。

Read more ›
《暗黑指紋》Postcard套裝$100 上網有得訂

《暗黑指紋》Postcard套裝$100 上網有得訂

去書屋買《暗黑指紋》實體書,但買唔到Postcard?唔使慌,家陣有網上訂購服務,一套有齊〈暗網迷宫〉、〈墮落圖騰〉、〈英雄是從蛋散開始煉成的〉同〈九龍魔窟〉四個古仔共12張,每套盛惠$100。儲書無理由唔儲埋Postcard,落訂喇喂。

Read more ›
書屋訂購《漫畫Buddy 3》 送Folder+Postcard

書屋訂購《漫畫Buddy 3》 送Folder+Postcard

為照顧去唔到書展嘅讀者,但凡喺書屋訂購《漫畫Buddy 3》者,都有禮物仔收,向「至Goal Club」訂購的話,首200讀者即送海武膠Folder一個,向「熊館」訂購的話,首200讀者除Folder外再加送志筆在此《Delete?》Postcard一張。咁親臨書展有無著數呢?無都講唔通啦,去1C-A27攤位購買指定產品,即送金城《霸王達加度》同蕭海安《魔幻月夜天》A4 Poster,開心喇!

Read more ›

《暗黑指紋》搞首賣簽名會 出埋Postcard

《暗黑指紋》搞首賣簽名會 出埋Postcard

好事好事,越搞越大壇,越搞越聲勢浩大,《暗黑指紋》鐵定6月30日見街,會隆重其事搞埋首日發售簽名會。除咗齋書,亦有Package畀大家選擇,漫畫加4張Postcard盛惠$58,齋買12張Postcard盛惠一條紅衫魚,時間係晚上七點至十點,啱啱好一收工可以捧場。真心Mode,希望大家可以欣賞四位作者嘅熱血,多多支持。

Read more ›
行動漫授權市場 「森巴Family」攤位送Postcard

行動漫授權市場 「森巴Family」攤位送Postcard

今日喺動漫基地開皮嘅動漫授權市場,大家有無捧場呀?我未得閒,估計要遲多一兩日先抽到時間。好消息,其中一個攤位「森巴Family」有嘢送,送乜?送私伙Postcard也。睇相,構圖複雜用色豐富,筆筆都係心機所在,印刷幾精美,值得收藏,見到檔主CK Keung就可以免費攞一張,每日派發,數量有限,送完即止。

Read more ›

Pen So送聖誕Postcard 限量100張

Pen So手畫有幾掂,我諗唔使再多介紹,如果有買佢開嘅《本土回憶》Postcard第一、二彈的話,咁你應該好想儲埋呢張2016聖誕Postcard。今次有啲唔同,唔使科水買嘅,Pen So免費送畀你,限量100張,點先拎到唔該自己睇Post,總之就先到先得,手快有手慢無。

Read more ›

Pen So《本土回憶》Postcard第二彈 12月5日推出

即係好賣喇,唔好賣點會推出第二彈啫,Pen So《本土回憶》Postcard Set Series 2將會喺12月5日見街,今次一套七張,分別為〈新蒲崗〉、〈灣仔〉、〈銅鑼灣‧巨廈〉、〈觀塘‧月華街〉、〈灣仔洪聖廟〉、〈獅子山〉同〈美都餐室〉,幅幅都屬雕龍雕鳳之作,線條好密,像真度極高,心機之所在也。捧場買番套,之後依Postcard所示確實位置影番幅相,斷估都可以呃吓Like喎。

Read more ›

必搶Pen So x《九龍城寨》Postcard 一套七卡$60

使唔使畫到咁仔細?就係要!Pen So聯乘《九龍城寨》推出嘅Postcard,張張都可以用「精雕細琢」四個字嚟形容,一套七卡各有名堂,分別為兩張合併為一嘅「拆城」、「魔窟」、「冰室」、「天台」、「花籠」同「龍跡」,無錯,就係畫番《九龍城寨》漫畫版出現過嘅場景,限量150套,每套$60,書展必搶之選。另外,書展期間,幫襯余兒買番本《九龍城寨》小說第三期即送吉祥Postcard,買典藏版《九龍城寨》創刊號即送AV Postcard,送晒就無,都係嗰句,有買趁手。

Read more ›

買齊李健良海報+Postcard+杯墊 $440繼續抵到唔信

今年書展李健良好進取,除《古生命III》同水晶畫板外,仲推出一系列靚爆精品,但價錢就Set得極唔進取。唔係咩?唔該留意價錢──小熊貓Postcard一套六款每款$10、古生命Postcard一套兩款每款$10、小熊貓杯墊一套六塊每套$60、古生命杯墊一套六塊每套$60、兩款全新繪製80x55cm古生命海報會場各售$120。又係計算時間,買齊全部都不過係$440,我好懷疑李健良定錯價,可以想像,到時嗰種滿載而歸嘅滿足感,真係要幾興奮有幾興奮。(攤位1AE-36)

Read more ›

有著數 廖光祖《She》送四張Postcard

等多十零日喇,唔使等到7月書展,廖光祖畫集《She》鐵定喺5月出版,雖然價錢未知,但肯定嘅係幫襯有嘢送。佢喺面書留言曰:「分類小廣告,《She》畫集下月出版在即。為報答支持朋友讀者們,凡購買畫集者將會送上四張特製Postcard,數量有限,送完即止。多謝各位支持。」佢仲登埋相畀大家先睹為快添,我就買硬架喇,唔知你又點睇?

Read more ›

大泥文具精品 白熊陪你365日

返工,好悶;返學,好眼訓,如果有可愛白熊陪足你一年365日,你做嘢會唔會落力啲?上堂又會唔會精神番啲?大泥推出嘅文具精品,予人窩心感覺,真係唔買都值得入嚟吓。

Read more ›

鐵達尼號3D 9.13出四碟藍光Giftset

  唔知你鍾唔鍾意翻桌版《鐵達尼號3D》,不過佢上戲院首兩週全球票房達6.88億港元!其中5億港元係內地票房,就知「自由人」一定會落嚟買;《鐵達尼號3D》珍藏禮盒裝四碟藍光版會喺9月13號落碟場;$480跟碟有3D+2D版藍光影碟、珍藏圖冊同人物造型POSTCARD,雖然都係啲行嘢,不過我覺得咁多年前舊戲,得利都算盡咗人事啦!

Read more ›