最長壽貓貓 芳齡24歲靠食KFC養生?

星期五智力題:貓可以有幾長命?最近24歲好惡死嘅Poppy貓貓,榮登健力士最長壽貓貓嘅世界紀錄,相等於人類嘅108歲。佢同主人Jacqui West住喺英國,平日養生之道估你唔倒,除咗食乾糧同貓罐頭之外,就係間中食吓KFC炸雞!另外佢雖然盲同埋聾,但係一樣好惡死,當有其他貓想搶佢嘅食物時,佢一定會咬實對方隻耳嚇走佢。不過原來史上最長壽嘅貓貓,係住喺德州嘅Creme Puff,佢足足有38年零3日壽命,可惜喺2005年離世。所以話,24歲嘅Poppy仲有排玩,繼續破健力士紀錄,下年慶祝25歲大壽呀!

Read more ›