《寵物小精靈 Pokémon X‧Y》美國停工無貨賣

《寵物小精靈 Pokémon X‧Y》日本12號開賣,香港仲早兩日,10號已經玩緊,可憐美國原來仲有部份人無game打,因為美國政府停工!外國有網民噚日放咗張相上Tumblr,某game舖話因為聯邦政府停工導致貨船延期,所以《寵物小精靈 Pokémon X‧Y》都無貨賣,估計應該係第二批嘅補貨。大量機迷就插爆政府,民怨沸騰。其實政府已經停工12日,除咗80萬僱員受影響,而家仲驚動到機迷,人哋中川翔子買晒兩隻仲自拍開心樣,真係好難唔嬲嬲豬嘅。

Read more ›