Post Tagged with: "Pokémon GO"

【有片】日本鳥取觀光大使 《Pokemon Go》「穿山鼠」街頭過馬路
by / on 07/12/2018 at 7:58 am

【有片】日本鳥取觀光大使 《Pokemon Go》「穿山鼠」街頭過馬路

最近日本Twtiter熱傳《Pokemon Go》嘅「穿山鼠」同「阿羅拉穿山鼠」過馬路嘅短片,睇佢哋笨手笨腳超可愛。其實佢哋最近做咗日本鳥取縣嘅觀光大使,鳥取縣最出名係「鳥取砂丘」,最適合穿山鼠出沒嘞。今次合作除咗「穿山鼠」會定期出現喺鳥取街頭之外,亦有一系列精品同食物推出,去到鳥取縣玩《Pokemon Go》仲會多咗穿山鼠出沒!另外如果天氣好嘅話,官方會用砂堆隻巨型「穿山鼠」出嚟做展覽,當地嘅咖啡店仲有聯乘活動,去開鳥取嘅Pokemon迷記住留意返嘞。活動由即日起至1月14日,入嚟官網有多啲資料。

Read more ›

【有片】日本機迷打風玩《Pokémon Go》 氣候「強風」叫你注意安全
by / on 01/10/2018 at 12:04 pm

【有片】日本機迷打風玩《Pokémon Go》 氣候「強風」叫你注意安全

打風梗係打機啦,不過留喺屋企打好喇,出街玩嘅《Pokémon Go》似乎唔係好適合……日本啱啱打風,有機迷就做咗個測試,入遊戲都叫你要注意安全,而遊戲入面嘅天氣亦都變成「強風」……

Read more ›
新片速報 晴天雨天捉精靈 《Pokémon GO》更新玩「天氣連動」
by / on 07/12/2017 at 11:41 am

新片速報 晴天雨天捉精靈 《Pokémon GO》更新玩「天氣連動」

你仲有冇玩緊?早前日本鳥取砂丘嘅盛況,都話俾你知日本仲好多人玩啦!我夜晚跑步經過海心公園,都見到門口好多人玩嘅。嚟緊就會有更新喇,《ポケットモンスター ルビー・サファイア》舞台「ホウエン地方」,會有50隻以上新精靈登場,包括「キモリ」、「アチャモ」、「ミズゴロウ」等。另外亦都加入「天気連動機能」,唔同天氣會影響精靈出現嘅機率,亦都會影響招式嘅攻擊力。

Read more ›
【估唔到】日本「鳥取砂丘」人逼人 《Pokémon GO》新活動咁吸引
by / on 24/11/2017 at 10:07 pm

【估唔到】日本「鳥取砂丘」人逼人 《Pokémon GO》新活動咁吸引

日本鳥取市福部町湯山嘅鳥取砂丘,一向都係景點,但都冇咁誇張多人到咁。不過今日(24日)至26日,喺呢度就有「Pokémon GO Safari Zone in 鳥取砂丘」開催,「バリヤード」、「アンノーン」等現身,所以就引嚟咁多人嚟到!好多網民都影咗相上網話估唔到。

Read more ›
【有片有圖】日本台場警車出動 《Pokémon Go》訓練員進佔馬路
by / on 21/09/2016 at 9:15 pm

【有片有圖】日本台場警車出動 《Pokémon Go》訓練員進佔馬路

《Pokémon Go》喺香港靜咗啲,喺日本就繼續令訓練員瘋狂。要見到日本人咁唔守秩序衝晒出馬路咁危險都唔係咁易,不過啱啱周末喺台場就見到咁嘅場面喇,佢哋捉嘅係「ラプラス」,仲搞到警察都要出動維持秩序……

Read more ›
【問你點死】日本自殺熱點變《Pokémon Go》聖地 「東尋坊」自殺率大減
by / on 08/09/2016 at 8:20 pm

【問你點死】日本自殺熱點變《Pokémon Go》聖地 「東尋坊」自殺率大減

日本「福井県坂井市」嘅「東尋坊」本來夜晚冇乜人去,所以喺嗰度自殺嘅人數一向好多。不過,自從《Pokémon Go》出咗之後就唔同晒喇,因為無論日或者夜,嗰度都聚集咗一班精靈訓練員,咁多人喺度點自殺?於是自殺人數就大減。日本網民話,呢個方法可以應用喺另一個自殺熱點「富士の樹海」,好喎,咁咪少啲人諗唔開喇,死咩吖,打吓機好過啦!

Read more ›

【《Pokémon Go》個friend】日本推出「掃墓GO」?收集「先人」新遺言?
by / on 03/09/2016 at 10:41 pm

【《Pokémon Go》個friend】日本推出「掃墓GO」?收集「先人」新遺言?

呢個「墓参りGO」服務都真係幾有型,試諗吓如果當後人去拜祭先人嘅時候,開部電話用實景AR一睇,竟然會見到已經過世嘅先人出現,仲會喺實景AR中講一啲生前未講過嘅遺言,嚇一跳同感動真係一線之差,不過咁樣可能會鼓勵後人勤力啲去掃墓,睇吓佢哋仲有咩想講但未講,儲嘢升Level吖嘛……我諗呢個記念先人嘅服務,未必人人都接受到,但可能都會有市場喎。

Read more ›
【回不去了】奇異種子加假髮變上原亞衣 日本網民:「好可愛!」
by / on 02/09/2016 at 7:13 am

【回不去了】奇異種子加假髮變上原亞衣 日本網民:「好可愛!」

呢隻奇異種子(Bulbasaur)大家喺《Pokemon Go》都儲落唔少,有無曾經覺得佢個樣好熟口熟面?最近有日本網民幫奇異種子加咗個假髮,發現個樣激似女優「上原亞衣」!大家紛紛留言話無違和感,有人話感覺到上原亞衣個口會裂開,另外有人話都幾似聲優「大坪由佳」。而家每次見到奇異種子都諗起亞衣,點算‥‥‥

Read more ›
日本首宗《Pokémon Go》致命意外 司機直認捉精靈
by / on 25/08/2016 at 5:41 pm

日本首宗《Pokémon Go》致命意外 司機直認捉精靈

玩還玩,大家真係要小心呀,尤其係揸車嘅駕駛者,殺傷力強呀。喺噚晚傍晚7點幾,德島市就發生一單交通意外……

Read more ›
【圖集】寵物小精靈解剖圖 睇埋內臟好深入
by / on 23/08/2016 at 7:15 am

【圖集】寵物小精靈解剖圖 睇埋內臟好深入

而家捉親小親靈都係睇佢嘅VI值同CP值,外國插畫家Christopher Stoll就睇得深入啲,睇埋佢哋嘅內臟。呢輯名為PokeNatomy嘅相集,將小精靈切開一半,好似上緊生物堂咁,入面包括角色嘅詳盡介紹、每個器官嘅用途,連神經系統都講埋,有齊比卡超、小火龍、車厘龜、鯉魚王、奇異種子等,入嚟有得睇。

Read more ›
《Pokémon Go》伊貝最終形態? 日本Twitter熱傳狗狗相
by / on 16/08/2016 at 7:14 am

《Pokémon Go》伊貝最終形態? 日本Twitter熱傳狗狗相

《Pokémon Go》入面嘅伊貝(Eevee)可以有3種進化形態,不過進化到變狗狗就要現實生活先做到,改名都無用。有日本網民放咗呢張圖上網,睇到狗狗個樣超無奈,而且紙皮上個窿睇落仲細咗啲,夾硬塞個頭入去梗係唔開心啦,主人快啲帶佢落街捉小精靈攰返佢啦。

Read more ›

【新片速報】外國靚女自製《Pokémon Go》頭盔 用條脷捉精靈
by / on 15/08/2016 at 7:14 am

【新片速報】外國靚女自製《Pokémon Go》頭盔 用條脷捉精靈

之前日本都有媒體用衣架整咗過《Pokémon Go》嘅掛頸免提裝置,最近呢位國靚女YouTuber Simone Giertz再勁啲,自製咗呢個《Pokémon Go》頭盔,戴住佢玩《Pokémon Go》唔駛用手,個頭左郁右郁就得嘞,佢仲親身示範捉精靈嘅方法,就係用條脷‥‥‥

Read more ›
【有片】超搞笑精靈球惡搞片 一掟波即跣低
by / on 09/08/2016 at 7:12 am

【有片】超搞笑精靈球惡搞片 一掟波即跣低

呢段喺Twitter熱傳嘅片好好笑,就算無玩《Pokémon Go》都會睇得開心。段片將好多人日常生活嘅跣低、跌低、爆軚等尷尬場面,全部配返個精靈球入去,睇落好夾,仲感覺到精靈球嘅威力。掟得咁準,Level應該都好高吓啦。

Read more ›
日本藥房免費提供食水/手機充電   網民大讚有良心
by / on 04/08/2016 at 7:12 am

日本藥房免費提供食水/手機充電 網民大讚有良心

仲有無繼續捉小精靈?日本仲有好多人玩緊《Pokémon Go》,咁天氣咁熱,奔波勞碌好易缺水,有日本網民放咗張相上網,話附近有間藥房貼咗告示,願意免費提供食水比各位精靈訓練員飲,仲可以喺店內幫部電話充電,勁貼心!網民都大讚佢係日本良心,仲話會得閒幫襯吓。BTW,精靈訓練員咁操勞,買定啲藥傍吓身都好應該嘅。

Read more ›
超強《Pokémon Go》Cosplay 見到就想行埋去
by / on 29/07/2016 at 1:13 pm

超強《Pokémon Go》Cosplay 見到就想行埋去

玩Cosplay真係好講觸覺,呢位Coser條觸覺就真係好靈敏喇。玩《Pokémon Go》,除咗最想見到小精靈外,PokeStop有得補給都受歡迎吖,而佢就將自己變成藍色,成為一個PokeStop,令人好有衝動行埋去用手指轉一轉佢……

Read more ›