【超感人】絕症狗狗遊美國 主人IG分享狗狗冒險之旅

呢個故事好感人,狗狗嘅生命好短暫,如果有一日醫生診斷出佢只剩低唔夠1個月命,你會點同佢過埋最後嘅日子?外國呢位主人Neil Rodriguez就選擇放低工作,帶埋隻15歲嘅狗狗阿Poh由紐約出發,遊勻美國西岸,有人批評狗狗有病唔應該仲要佢周車勞頓,但主人話,只有我最清楚佢,最後嘅日子,我知道佢會希望同我一齊開開心心周圍去,而唔係留喺屋企過。其實狗狗全程有架好舒適嘅車仔帶住佢周圍去,而且睇見狗狗開心嘅表情係呃唔倒人嘅。而家佢哋已經返返紐約,狗狗依然在世,主人話同佢計劃緊下個月嘅生日旅行,Poh Poh加油呀!

Read more ›