CES方面，Sony一樣有新嘢公佈，而且聽落都幾勁，就係會提拱「PlayStation Now」呢個新streaming服務！Andrew House喺台上面話呢個服務令玩家可以喺手機、電腦、Tablet玩到唔同嘅遊戲，而第1彈推出嘅就一定會有PS3大作《The Last of Us》同《Beyond: Two Souls》。封測會喺1月開始，預計今年夏天會正式推出。

今日網上有消息流出，話PS2正式停產，大批中港機迷都喺網上留言懷緬。呢部2000年3月推出嘅遊戲機，眨眼已經12歲，推出超過10,800款遊戲，全球賣出超過1.5億部，堪稱PlayStation嘅黃金10年。諗起PS2，你又會諗起那些年嘅邊款遊戲呢？不過，呢單消息暫時未有官方證實，消息來源係一間日本遊戲店嘅Twitter留言，可信度一般，加上PS2喺發展中國家嘅銷量依然高企。不過趁呢單消息，大家不妨都拎返部機出嚟，開著佢重溫吓美好時光啦。