【真洋蔥】《Player 2》影片講打機父子情 隔世重遇超感人

咁好嘅片一定要同大家分享,尤其是機迷一定要睇。呢段名為「Player 2」嘅影片嚟自真人真事,我哋都曾經報道過。講一個男仔細個經常同阿爸一齊打機,可惜阿爸喺佢6歲時離世,之後佢一直唔敢再打開部機(呢一part真事好似冇)。直至有一日佢重新駁著部機,發現入面有隻佢哋成日一齊玩嘅賽車遊戲《Rally Sports Challenge》,仲喺入面搵倒阿爸嘅靈魂(Ghost)。結尾好感人,我唔想劇透。最後提吓大家睇片時可以開中文字幕。睇完今晚要約埋阿爸一齊打返舖機。

Read more ›