Tag: Plastic Thing

【HKTVmall 6週年】聯乘「本地薑」插畫家推限量產品 近3萬份獎品 + 大量優惠

【HKTVmall 6週年】聯乘「本地薑」插畫家推限量產品 近3萬份獎品 + 大量優惠

HKTVmall成立6年,今日3月1日開始至3月31日都會有「HKTVmall 6週年慶典」。當中聯乘爵爵與貓叔、Plastic Thing等8位「本地薑」插畫家推限量產品,仲有「6週年慶典大抽獎」,超過HK$1,400,000禮品包括OTO 3D按摩椅、Loewe手袋、美少女戰士金飾等。亦有一系列優惠,包括24折OTO按摩槍、19折Swisse高濃度蜂膠膠囊、58折innisfree護膚套裝、52折和牛肩肉眼扒等……

Read more ›

DDED+Plastic Thing+Johnee+東尼電機擺攤 市集抽Yeah時卡

DDED+Plastic Thing+Johnee+東尼電機擺攤 市集抽Yeah時卡

係幾盞鬼嘅,我都好有興趣入場玩吓。Plastic Thing、Johnee、東尼電機同DDED會喺「白紙市集-香城2.0」擺攤兼推出Yeah時卡機,即係消費滿指定金額就畀個Coin你「扮」抽Yeah時卡咁囉。閃卡有大有細,特色係「精美畫功,造型老土」,如果消費再多啲,仲可以得到即場插畫家嘅神秘畫作,獨一無二架。

Read more ›
網圖分享:Cuson露點 插畫家們接龍致敬

網圖分享:Cuson露點 插畫家們接龍致敬

一切應該由Cuson一個含打情罵俏意味嘅放閃式四格漫畫開始,由於各大中小插畫家包括賤人新世紀、東尼電機、DDED、草日、Plastic Thing同另類漫畫等等,唔抵得Cuson太過美化自己,明明大肚腩卻畫出健碩胸膛、明明大叔臉卻畫出精緻五官、明明矇豬眼卻畫出凌厲眼神,所以紛紛作畫致敬。而亮點中的亮點,絕對係Cuson胸前兩點,經演化後居然有圓形、心形同閃電形,且與「豐乳同露協會」甚有關連,感覺非常獵奇。睇走勢,一眾大中小插畫家會繼續接龍賜畫,大家可以買定花生半噸。

Read more ›
歡迎下載 Plastic Thing打氣Sticker

歡迎下載 Plastic Thing打氣Sticker

好重無力感?氣餒?好耐Loop面書都未笑過?Me too。此時此際,大家最需要嘅不但係肉體上嘅休息,更需要心靈上嘅安慰。Well,建議大家下載插畫師Plastic Thing嘅Sticker同自己打打氣,「抖完繼續加油」、「有咩唔開心可以同我講架」、「攰就抖下先啦」、「負能量退散」等等,啱聽呀。

Read more ›
有片:Plastic Thing+東尼電機+DDED+Galaman 年宵搞「唔似顏繪」

有片:Plastic Thing+東尼電機+DDED+Galaman 年宵搞「唔似顏繪」

DDED啲宣傳片不嬲好搞笑,呢條推銷維園年宵攤檔嘅宣傳片都唔例外,笑到我咭咭聲。今次點玩法?詳情如下──去維園年宵27-27攤檔消費滿指定金額,即係買夠一定金額精品咁喇,就可以成功申請「提銀卡一張」,之後將卡放入「Draw銀住晒跪完機」,再輸入體重、面形同膚色等資料,就可以得到「唔似顏繪」一大張,相似度保證有0.03%!留意番,成壇嘢Plastic Thing、東尼電機、DDED同Galaman都有份搞嘅,大家支持吓喇喂。

Read more ›
DDED年宵搞「旺國冒牌樂園」 即畫獨一無二唔似顏繪

DDED年宵搞「旺國冒牌樂園」 即畫獨一無二唔似顏繪

呢壇嘢真係笑到我Gap Gap聲,隆重宣傳全球獨一無二限定別注「Draw住晒貼紙相機」登場。地點,花墟年宵1號檔;時間,梗係行花市期間啦;有乜玩呢?畀$88.8,入代幣,唔知堅定流地聲稱可以自行設定膚色、面形、眼睛、鼻哥同肌肉,之後係等,等坐喺機入面嘅人唔似顏繪貼紙一大張。說穿了即係畫人像畫喇,畫師有Plastic Thing、東尼電機、Nothing Serious同淨係識畫四方頭嘅DDED,而個攤檔名都零舍啜核,叫「旺國冒牌樂園」,問你服未?咁有趣嘅玩意,大家記得捧場。

Read more ›

Plastic Thing x 曼秀雷敦 通鼻塞聞臭屁

Plastic Thing x 曼秀雷敦 通鼻塞聞臭屁

瀏覽面書,發現Plastic Thing聯乘曼秀雷敦薄荷膏畫咗個廣告,故事OK無聊但非常有趣,臨尾通番鼻塞聞到臭屁,唔知點解我真係笑咗出嚟,或者同啲公仔個個都有雙大眼睛有關喇,樣衰衰得嚟幾可愛,咁啲搞鬼配音都要記一功嘅。

Read more ›