Tag: Pizza

日本Domino 情人節推出心形Pizza

今年情人節係星期五,知道女朋友係咩嘅,都係時候諗定到時送乜食乜,如果你同女朋友講情人節不如去食Pizza咯?佢嬲唔嬲就唔知,不過就可以肯定你係一個有勇氣嘅人。日本Domino喺2月7日至14日就會推出情人節限定Pizza,心形餅底,有蕃茄醬加辣肉腸再加mozzarella cheese,1,300円。

Read more ›

PIZZA味古龍水 飲食男女最啱搽

之前外國Pizza Hut都出過香水,不過超限量,唔係人人買到。今年情人節就快到! 做吓樣都要買啲禮物架! 美國佬真係好直接, 有間叫DEMETER FRAGRANCE LIBRARY嘅香水公司, 諗出咗一種叫PIZZA古龍水, PIZZA味喎! 係佢哋日日食住嘅味道嚟喎! 搽咗佢、佢哋一定唔會覺得反感, 你話你會唔會對白飯味或者咕嚕肉味反感先?

Read more ›

Xbox 360賣出780萬pizza 幾時輪到PS4?

香港Xbox 360之前都同Pizza-BOX合作過出《Halo 4》 Pizza套裝,外國仲勁,4月開始Xbox 360有個app比人直接order嗌Pizza Hut,啱啱就公佈咗半年嚟嘅成績 ─ 總共賣咗價值大約港幣780萬嘅pizza出街!證明pizza果然係打機友必備良伴。官方話大部份人都係假期時間order,梗係,放假唔出街喺屋企打機食pizza先係最高享受嘛!不過會唔會出埋比對家PS4或者新世代主機Xbox ONE,官方就無回應喇,都係嗰句,香港快啲出Xbox ONE啦。

Read more ›

霸氣嗌Pizza 按掣即call即食

何謂霸氣?我覺得呢種嗌pizza方式絕對稱得上係霸氣盡現。外國公司iStrategy Labs最近研發咗一項新科技,整咗粒掣放喺枱頭,按一按就會即時幫手打電話去Domino’s Pizza,肚餓時唔駛再打電話搵電腦,係咪型先?佢仲預設咗五款pizza,扭去1-5號任何一格再按掣就可以揀埋pizza款式,吹漲。我最鐘意都係佢個名,叫PiePal,擺明食PayPal字,入嚟有片睇示範。

Read more ›

鬼佬眼中10大日本騎呢Pizza 西蘭花紫菜搭蜆肉

日本係美食王國,乜都好食,估唔倒佢哋嘅Pizza喺鬼佬眼中居然極劣。有好多長住日本嘅鬼佬投訴喺日本食唔倒正常pizza,有網站就整咗個10大驚嚇pizza特集,精選咗日本Dominos 同Pizza-la嘅「特色pizza」,原來日本人好鐘意喺pizza上加紫菜同埋蛋黃醬,有幾款仲有原隻蜆同埋西蘭花,喺西人眼中勁騎呢。可能文化差異,我覺得超好味,仲立定決心下次去日本一定要試!吓!食!Pizza!

Read more ›
最強 X 最強 日本Pizza X Burger肥爆登場

最強 X 最強 日本Pizza X Burger肥爆登場

你有冇試過掙扎,到底今晚食Pizza好定漢堡包好?呢兩種我哋最愛嘅食物,無論係卡路里含量或者吸引程度都站喺頂峰位置,如果將兩樣加埋一齊,真係勁過瀨尿牛丸。日本京都嘅Pizza Little Party就推出咗一款名為「Megaburgerpizza」嘅新產品,兩個11吋嘅Pizza夾住400g漢堡牛肉,再加埋芝士等配料……呢個超強肥爆食品賣2,580円,由9月1日至11月22日限期供應,食飯時間,我見到都飽。

Read more ›

C朗/李小龍變pizza 明星級廚師名人讚好

打機食Pizza真係人生一大樂事,可惜今日只係星期一‥‥‥睇吓當食咗,英國廚師Domenico Crolla出名在於用名人嘜頭整pizza,李小龍、老佛爺Karl都有份,而且連球星C朗、Beyonce、Rihanna都回覆多謝佢個pizza,威到呢。所有pizza只係用最簡單嘅芝士同埋蕃茄醬整成,睇樣我覺得味道一般,不過像真度真係好高。

Read more ›

【有片】Pizza/意粉思樂冰 加國人有品味

  我一向同自己講, 做人要大膽啲先得0架! 最憎啲人見到啲唔識、唔明嘅嘢, 先嚟就係伊口伊面, 不過……加拿大呢兩杯思樂冰, 真係完全沖擊我嘅底線, 係Pizza味同意粉味嘅思樂冰呀……

Read more ›

巴西DOMINO新食法 DVD機煲Pizza

放假唔想出街, 最好就係煲碟叫Pizza! 0個種感覺簡直係糜爛到極點, 咁先至似放假0麻! 巴西人好似同我0地諗法差唔多, 而且當地0既DOMINO PIZZA仲同當地10間DVD租碟店攪0左個DOMINO’S PIZZA DISC US的廣告活動; 當你羅隻黑夜之神、Argo、007返屋企時, 你會發現佢係黑碟一隻, 但當你煲完套戲、羅佢返出0黎時, 你會發現佢會變成一個熱辣辣Pizza, 仲要係有香味0架! Player當焗爐、Yummy!

Read more ›

Pizza Hut香水 只限facebook粉絲有得噴

星期五收工,天寒地凍,有咩好得過喺屋企嗌個Pizza開機打《人中之龍》?怕肥又掛住Pizza Hut陣香味,就可以諗吓買支Pizza Hut香水止癮。呢支香水「Eau de Pizza Hut」真有其事,由加拿大Pizza Hut一手炮製,聲稱噴咗陣味好似你打開盒Pizza咁香噴噴。我諗即係有啲辣肉腸加芝士加蕃茄加蘑菇嘅味啩。不過呢支香水只限送比之前like咗佢哋facebook呢個idea嘅粉絲,官方仲好搞笑咁安慰買唔倒嘅粉絲,可以訂返盒Pizza,打開都有一樣嘅香味,嬲到我呢。

Read more ›