Tag: Pizza

有片:凳自己搖書自己跌 畫中鬼嚇窒Pizza仔

呢個Prank過癮呀,試想像你係Pizza仔,收Order送貨到大宅,屋主應門,眼前係個性感辣妹,吹兩句水,辣妹上房攞錢,獨留你一人。正心諗有靚女睇之際,忽然發覺凳自己搖咗兩搖、無風跌書,氣氛極不尋常,跟住座地畫忽然跳出厲鬼兼大聲鬼叫,你會唔會驚到走夾唔抖?嚇到成盒Pizza跌落地實屬正常,無被嚇到四腳朝天,已經算非常好嘢。

Read more ›

有片:當Pizza撞上Butt,好彈好彈!

Slow motion短片係可以好無厘頭嘅,唔需要帶出乜嘢訊息,滿足到視覺效果就OK。正如呢次玩當Pizza撞上Butt,養眼度值十粒星,薄餅高速撞向靚女渾圓屁股,喺慢鏡頭下股肉好似漣漪咁起伏震動,隔住個Mon都Feel到有幾彈手,當真賞心悅目。為乜?使乜為乜啫,好睇咪得囉,我Loop咗三次喇。

Read more ›

西瓜pizza引起爭議 早餐食pizza是常識

早兩日介紹過菲律賓KFC嘅炸雞pizza,諗起都肚餓,啱啱喺外國網Imgur就見到呢個西瓜pizza,清清涼涼幾健康,其實只係西瓜切成三角形,上面舖上雜果同灑咗少少芝士,對於大魚大肉慣嘅鬼佬嚟講當然睇唔過眼,馬上平反話呢個「唔配叫pizza」,然後就貼佢心目中嘅pizza ─ 芝士拉晒絲茄汁舖滿批面,睇相啲口水都滴晒出嚟,佢仲話早餐食pizza先係皇道,好多網民支持佢,睇得出樓主對pizza好執著好堅持,我好欣賞佢!

Read more ›

【超想食】KFC炸雞pizza 炸雞上舖滿芝士辣肉腸

堅想食!啱啱睇到KFC呢款叫CHIZZA嘅新食品,底部一塊炸雞,上面舖滿辣肉腸、菠蘿、青椒同半融嘅芝士,勁邪惡!可惜暫時只限菲律賓嘅KFC先有,而我相信自己短期內都唔會去菲律賓旅行‥‥‥據聞澳洲遲啲都有,香港都有個叫「拿坡里 Pizza 脆雞」嘅新產品,不過睇落啲醬料得好少,唔夠呢款咁似pizza咁霸氣喎。BTW,條廣告片喺KFC嘅菲律賓YouTube頻道見到,廣告嘅男主角又彈結他又唱歌,仲好多囡圍住佢,係咪好紅架?

Read more ›

【有片】破紀錄全球最長pizza 1595米長用兩噸茄醬

最近意大利米蘭World Fair就有呢塊破咗健力士紀錄,全球最長嘅pizza誕生,足足有1595米長,要同時間60位師傅一齊製作先搞得掂,淨係蕃茄醬都要用兩噸,mozzarella芝士都要半噸,仲要800張枱合併埋先可以將塊pizza平放,好誇張。咁大家最關心嘅兩個問題:點樣焗同埋最後點處理塊pizza呢?前者原來靠一個好似幫文件過膠嘅流動焗爐搞掂;至於處理方面,最終個怪物pizza分派咗比3萬個現場圍觀者,剩返嘅就送咗去食物銀行派比有需要嘅人士,而我最關注嘅係個pizza有無芝心邊?答案係無嘅。

Read more ›

【不要玩食物】Pizza周街瞓相集 瞓完車轆瞓坦克車

Pizza平時唔係放喺餐枱就係放入口,估唔到可以變道具周街瞓,效果仲好奇特。構思呢輯相集嘅攝影師叫Jonpaul Dougglass,至今已經用咗超過一年時間影Pizza,佢會放個pizza喺車轆入面、坦克車槍口位、仙人掌頂、籃球架頂,總之就係你估唔到嘅位置,雖然唔知佢嘅目的係乜,但睇落都幾過癮。正如攝影師自已講,佢做呢件事都無乜目的,純粹想吸引吓大家注意,不過個pizza就可憐啲,嘥晒。

Read more ›

動畫《艦これ》x Pizza Hut合作計劃 「第六駆逐隊」食Pizza

Pizza Hut耐不耐都會乘吓唔同ACG作品,上年試過《Lovelive!》一推出火速被搶,今年就同《艦これ》聯乘喇。第1彈詳情已公開,店舖、外賣電單車同Pizza盒都有得睇!

Read more ›

Pizza包裝Condom 隨時買唔怕尷尬

早幾日想喺7-11買盒必理痛,朋友提醒我,旁邊嘅超級市場都有得賣,同一款藥,價錢居然可以平一半!佢仲好精明眼咁話我知,condom同藥喺便利店買都係賣得特別貴嘅,博你趕住用,唔幫襯佢唔得。無端端講呢件事,因為見倒戰鬥民族嘅設計師Marina Malygina嘅呢款condom,扮晒盒裝pizza,打開盒蓋就有一塊好似pizza包裝嘅condom,食色性也,都好合理,而且買嘅時候仲唔駛怕尷尬!

Read more ›

有片:乞一口飯 仗義每多流浪漢

幾鍾意呢條Social experiment短片,真實反映出人越富有越孤寒,人越貧窮反而越捨得分享。代入角色,假設你餓咗三日,你會唔會向流浪漢乞一口飯吃?唔會?正常!因為你會咁諗:「流浪漢本身都咁慘,就算有飯食,都唔會捨得分享?」

Read more ›

創意Pizza產品 Pizza千層蛋糕 / 香口膠投票量產

加拿大Pizza品牌Boston Pizza最近做緊網上投票,叫大家選出最想要嘅創意Pizza產品,最高票數嘅產品將會正式生產。暫時最高票數係Pizza蛋糕,個款好似厚批Pizza,不過中間每層都夾住大量餡料,簡直係食肉獸嘅最高享受,齋睇都流晒口水。其餘創意產品都好高水準,包括Pizza味香口膠、裝倒一塊Pizza嘅特製恤衫、保護Pizza免被偷食嘅喼神‥‥‥好過份。

Read more ›

PIZZA新食法 甜筒設計早餐都食得

星期五晚,有無諗住嗌PIZZA炸雞陪打機?平時食開嘅PIZZA都係三角形款式,外國一間PIZZA店KONAPIZZA就推出雪糕圓筒形嘅PIZZA,除咗傳統嘅超級至尊之類有辣肉腸、茄汁、芝士、火腿嘅款式外,仲有裝滿忌廉、餅碎、咖啡嘅芝士餅Tiramisu Pizza;又有專為鐘意食早餐嘅人而設,裝滿煙肉、蛋、芝士嘅Breakfast Pizza,而且標榜低卡路里低脂肪,你有無興趣試?

Read more ›

【有片】外賣Pizza掉上3樓 火速飛到

【有片】外賣Pizza掉上3樓 火速飛到

星期六日最好梗係留喺屋企打機叫外賣玩Metal Gear,香港送外賣就搭lift多,不過外國三兩層高嘅屋,冇升降機,又唔想行樓梯,仲有個快啲嘅方法……難得客人又冇所謂,仲掉番啲錢落去俾佢。

Read more ›
新片速報 Pizza Hut未來預告 餐枱製虛擬Pizza

新片速報 Pizza Hut未來預告 餐枱製虛擬Pizza

我有食Pizza Hut,但好幾年冇去過舖頭食,只係叫外賣。外國Pizza Hut啱啱發佈咗條新片,係由Chaotic Moon Studios製作嘅,一張互動餐枱可以俾你自己揀Pizza大小、批邊、食材,加幾多芝士都得!點完菜用手機找數,最後仲可以打機……當然呢個係概念,想試應該要等吓。

Read more ›
新片速報 放水時刻Pizza Hut 經理Sink盤小便斷正

新片速報 放水時刻Pizza Hut 經理Sink盤小便斷正

正所謂人在做,閉路電視在錄,做壞事實有人知o架。呢位地區經理就俾人拍到喺閂舖之後嘅廚房,懶得行去廁所而喺Sink盤小便……之後條片傳開咗,呢間喺West Virginia分店就被勒令停業……

Read more ›

打仗最想食Pizza 軍用版可放3年

據美國軍方話,佢哋做過統計,問啲軍人行軍時最想食到咩,之後最多人答係Pizza。因為Pizza嘅醬汁同芝士都有水份而且容易滋生細菌,所以一直都未研製到可以存放好耐嘅Pizza。直到最近,嚟自Massachusetts美國軍方研究室嘅科學家終於成功,每片Pizza可以擺3年!不過,其實最好就係冇仗打,咁就人人都可以隨時食到熱辣辣Pizza囉。

Read more ›