Tag: Pizza Hut

【疫情措施】日本Pizza Hut「零接觸」送貨服務 Domino’s速遞員企2米外

【疫情措施】日本Pizza Hut「零接觸」送貨服務 Domino’s速遞員企2米外

武漢肺炎下,大家都多咗留喺屋企叫外賣,不過減少同外賣員嘅接觸呢?日本嘅Domino’s同埋Pizza Hut最近就實行零接觸送貨服務,由噚日開始,Pizza Hut嘅速遞員會喺撳鐘確定客人喺屋企之後,將食物放喺客人嘅前門然後離開,不過事前要喺落單時揀呢個服務同埋要事先付款,而Domino’s 都大致相同,不過速遞員就會企喺2米遠之外,望住客人拎完食物先離開,好似幾貼心,不過會唔會有啲尷尬?

Read more ›

【有片】開心時刻等4日 Pizza Hut非洲新店送外賣上山頂

有時行山行到又攰又肚餓,會唔會想叫個外賣Pizza食吓?如果你喺非洲,可以叫,不過可能要等4日。話說喺非洲Tanzania,Pizza Hut開咗間新分店,亦都正式達成喺100個國家有分店呢個紀錄,為咗慶祝,佢哋就由店舖送外賣Pizza到非洲最高山Kilimanjaro最高處山頂,都5,897米。而且,仲係用咗4日先送到去……

Read more ›

【餓嗎?】上海Pizza Hut推出龍蝦Pizza 連殼上盡顯霸氣

幻覺嚟唧,呃我唔倒嘅,呢兩日外國好多網站都有報導,上海Pizza Hut專為新年推出咗呢款龍蝦Pizza,勁在龍蝦連殼上,夠霸氣附合國情,但咁樣分開食,為咩呢?每個賣人仔98蚊,pizza有煙肉、蘑菇、露筍、紅椒、蝦同龍蝦汁,仲有半隻龍蝦殼,唔知龍蝦入面有無肉?嗌返嚟之後點分?BTW,外國仲有人順便講起同外賣pizza有關嘅都市傳說,話有個外國人飲咗酒之後嗌咗pizza,到貨後發現個pizza得餅無餡料,之後打落餐廳發爛渣狂鬧……最後發現原來係佢飲醉酒,將個pizza盒倒轉咗打開‥‥‥

Read more ›

【有片】香港Pizza Hut將推出限量盒 變身電話投影機

呢單料係香港情報,但係就喺外國網睇到。香港廣告公司「Ogilvy & Mather HK」拍咗一條片放咗上網,就係香港Pizza Hut將會推出4款特別版Pizza盒,上面有個位可以俾你開窿放個隨盒俾你嘅鏡片,之後用電話下載影片就可以放喺Pizza盒內,將影像投影喺牆上面睇。Pizza盒變身projector,係咪真係出先?

Read more ›
新片速報 突然罷工 日本「Pizza Hut」出尋貓啟示

新片速報 突然罷工 日本「Pizza Hut」出尋貓啟示

今年8月,日本Pizza Hut拍咗個廣告,搵嚟啲貓做店員,好可愛。而到咗10月20日,官方話要緊急閉店,因為呢班貓店員突然玩失踪玩罷工。呢條片見到其中一隻貓,拋低頂帽同件制服,到底,最後佢哋去咗邊?我只能夠講,拋低制服同頂帽罷工呢個畫面,我期待咗好耐。

Read more ›

新片速報 日本Pizza Hut貓速遞 4隻小貓hea住做

日本Pizza Hut最近請咗4隻貓做速遞員,想嗌外賣可以Call佢哋。呢間叫Pizza Cat嘅新餐廳最近開業,店員有四隻肥貓 – Tencho、Hime、Dora同埋Detch,一共12條廣告片,影片包括佢哋落order、送pizza、洗潔店面等。睇到佢哋超hea打工,例如電話響話之佢照瞓,開會發呆瞓覺,擺明唔想撈,但係睇見佢哋咁可愛,貓奴應該會融化。BTW,如果打著比佢哋,pizza應該下世都唔會到。

Read more ›

今日開業現長龍 日本《LoveLive!》「Pizza Hut 音乃木坂店」

由今日開始,喺日本嘅Pizza Hut神田店會變成「Pizza Hut 音乃木坂店」,唔只間舖道閘噴咗《LoveLive!》靚圖,外賣綿羊仔都大變身,自取仲會有File送,仲有得抽獎!於是,今朝好多日本《LoveLive!》晨早去排隊!活動會至到3月30日,去開旅行叫番個去酒店食啦!

Read more ›

Xbox 360賣出780萬pizza 幾時輪到PS4?

香港Xbox 360之前都同Pizza-BOX合作過出《Halo 4》 Pizza套裝,外國仲勁,4月開始Xbox 360有個app比人直接order嗌Pizza Hut,啱啱就公佈咗半年嚟嘅成績 ─ 總共賣咗價值大約港幣780萬嘅pizza出街!證明pizza果然係打機友必備良伴。官方話大部份人都係假期時間order,梗係,放假唔出街喺屋企打機食pizza先係最高享受嘛!不過會唔會出埋比對家PS4或者新世代主機Xbox ONE,官方就無回應喇,都係嗰句,香港快啲出Xbox ONE啦。

Read more ›

Pizza Hut沙律鐵塔圖集 神乎其技

仲記唔記得細過去Pizza Hut嘅沙律吧,一個碟任拎,由於只得一次機會,好多成座山咁高嘅沙律建築物由此建成。其中一個秘技係將蘿蔔叠高中間加啲沙律醬貼實玩層層叠建成一座塔,不過結果係食唔晒浪費食物。印象中03年沙士開始Pizza Hut就無咗沙律吧。(有錯請糾正),網上見到大量Pizza Hut嘅沙律吧鐵塔,入嚟有得慢慢欣賞,原來大家骨子裡都好有建築師嘅潛質。

Read more ›

《進擊之巨人》 X 日本Pizza Hut 送Wallpaper抽簽名畫

這一天,人類發現巨人原來會食Pizza……日本Pizza Hut成日都同啲動漫搞合作,真係唔恨得咁多。嚟緊就係爆紅嘅《進擊之巨人》,呢個合作計劃將會喺6月10日開始至7月21日舉行,期間官網會有Wallpaper下載,仲會有抽獎,獎品係作者親筆簽名嘅插畫!詳情會陸續公佈,唔知仲有咩玩?會唔會有60米巨人個頭嘅Pizza。

Read more ›
【編輯Blog】Reika:本週洗版之鴨仔 + Iron Man

【編輯Blog】Reika:本週洗版之鴨仔 + Iron Man

作為網站工作者,每日都花大量時間上Facebook,好耐無見過咁瘋狂嘅洗版程度,無錯,又係隻鴨仔,佢嘅洗版程度直達恐佈級,令我有啲想遠離facebook。老實,我到而家都未親身去睇鴨,因為喺facebook已經睇到飽晒,而且睇報紙見到迫到插針都唔入,就算隻鴨幾得意我都投降。不過,見到咁多人湧住去睇鴨迫爆尖沙咀、香港旅行社仲搞一日遊鴨團,我覺得真係嘆為觀止,亦引證香港人真係好鍾意一窩鋒去做同一件事,只希望今次唔係幾日貨仔,因為展覽好似仲有一個月有排玩。

Read more ›

Pizza Hut香水 只限facebook粉絲有得噴

星期五收工,天寒地凍,有咩好得過喺屋企嗌個Pizza開機打《人中之龍》?怕肥又掛住Pizza Hut陣香味,就可以諗吓買支Pizza Hut香水止癮。呢支香水「Eau de Pizza Hut」真有其事,由加拿大Pizza Hut一手炮製,聲稱噴咗陣味好似你打開盒Pizza咁香噴噴。我諗即係有啲辣肉腸加芝士加蕃茄加蘑菇嘅味啩。不過呢支香水只限送比之前like咗佢哋facebook呢個idea嘅粉絲,官方仲好搞笑咁安慰買唔倒嘅粉絲,可以訂返盒Pizza,打開都有一樣嘅香味,嬲到我呢。

Read more ›