Post Tagged with: "Pixar"

【有片】日本網民再現PIXAR動畫片頭 還原度100%結尾有bug
by / on 11/11/2019 at 7:04 am

【有片】日本網民再現PIXAR動畫片頭 還原度100%結尾有bug

PIXAR個片頭動畫大家都睇過,有日本網民就做咗個真人版本,仲搵咗張電腦櫈嚟示範,不過結果就唔係幾順利‥‥‥入嚟有片睇。

Read more ›

Pixar IG公佈12星座動畫角色代表!你認得幾多個?
by / on 04/04/2019 at 8:30 pm

Pixar IG公佈12星座動畫角色代表!你認得幾多個?

話說Pixar官方IG剛剛公佈12星座動畫角色代表,雖則唔知有乜實際意思,但玩吓無妨。玩乜?睇吓你識唔識得晒呢12個角色囉。我都知英文太深,所以譯埋出嚟畀大家睇,Aquarius即水瓶座、Pisces即雙魚座、Aries即白羊座、Taurus即金牛座、Gemini即雙子座、Cancer即巨蟹座、Leo即獅子座、Virgo即處女座、Libra即天秤座、Scorpio即天蠍座、Sagittarius即人馬座、Capricorn即摩羯座。Fine,我玩先,死火,除咗閃電麥昆、阿愁、冰俠、多莉,其他……我真係唔識,又或只係勉強有印象,但講唔出乜名。

Read more ›
有片:日本高中生 人肉扮Pixar電影開場畫面
by / on 04/02/2019 at 8:45 pm

有片:日本高中生 人肉扮Pixar電影開場畫面

笑咗!日本有高中生「うた」搵埋班同學仔,一齊企喺黑板前,人肉砌出英文字母「P」、「X」、「A」、「R」,再加一人扮個「I」字紮紮跳,扮Pixar電影開場畫面……哈哈,呢啲咪生活小情趣囉,真心覺得好笑!

Read more ›
真人變Pixar角色 超強藝術家幫網民變樣
by / on 09/09/2017 at 1:01 pm

真人變Pixar角色 超強藝術家幫網民變樣

外國藝術家Lance Phan最叻將真人Pixar化,即係由一張相,變成一個好似Pixar動畫入面嘅角色。佢嘅作品以女性區多,由後生女到細路女都有,出嚟嘅效果超似Pixar角色,而且通常都會變靚咗。好想擁有一幅自己嘅Pixar畫像?可以經IG或者FB聯絡佢,或者佢肯出手幫你整整。

Read more ›
新片速報   彼思新動畫《LAVA》孤島愛情故事
by / on 01/09/2014 at 9:02 am

新片速報 彼思新動畫《LAVA》孤島愛情故事

去戲院睇動畫前經常會有段短短哋嘅動畫播放,實不相暪我幾鍾意睇。啱啱網上就有套彼思嘅短片動畫《LAVA》試睇,導演係James Ford Murphy,故事講一座喺夏威夷嘅火山想喺海洋世界尋找愛情,好鬼浪漫。呢條動畫短片將會喺2015年6月15日上畫嘅彼思動畫《Inside Out》前播放,到時唔好錯過喇。

Read more ›
《Wall‧E》LEGO成功量產   動畫師親自操刀
by / on 03/08/2014 at 8:40 am

《Wall‧E》LEGO成功量產 動畫師親自操刀

LEGO Ideas呢個計劃幾正,任何人只要將佢嘅LEGO作品放上呢個LEGO專頁,賺夠1萬個支持者,LEGO就會將佢正式量產。最近成功挑戰嘅有呢個《Wall‧E》機械人,佢嘅製作者叫Angus MacLane,好熟口面?無錯,佢就係Pixar工作嘅《Wall‧E》動畫師,原來05年設計電影《Wall‧E》時,佢已經同步整緊呢個《Wall‧E》LEGO,由佢設計當然係信心保證,有無即刻想訂返個?

Read more ›

Happy Birthday to Me    胡迪巴斯生日蛋糕陪慶祝
by / on 29/03/2014 at 1:41 pm

Happy Birthday to Me 胡迪巴斯生日蛋糕陪慶祝

Happy Birthday to Me‥‥‥無人陪自己過生日唔緊要,最緊要自己開心唧。日本玩具公司RE-MENT最近同彼思合作,推出一式六款以生日蛋糕做主題嘅迷你玩具,有胡迪、翠絲、大眼仔、毛毛、巴斯光年呢堆名人擔大旗,好玩在可以自由配搭,用唔同嘅餅底砌唔同嘅主角,仲有埋蠟燭送,每個500円,4月21日開始可以自己慶祝生日!

Read more ›
奧斯卡電影變Pixar動畫   《華爾街狼人》超奸
by / on 22/02/2014 at 11:00 am

奧斯卡電影變Pixar動畫 《華爾街狼人》超奸

3月3日舉行嘅奧斯卡,香港唔算多人講,鬼咩?大部份戲都未上,不過外國人就極之重視,繼之前Yahoo網站將9套「最佳電影」提名作變成LEGO海報之後,今次設計師Todd Spence就將佢哋Pixar化,就係將每張海報變成彼思動畫嘅主角,有我最鐘意嘅胡迪,不過都唔夠《華爾街狼人》咁搶鏡,奸到出汁。

Read more ›
彼思 x 經典遊戲角色    毛毛阿Bu扮緊乜?
by / on 01/11/2013 at 9:29 am

彼思 x 經典遊戲角色 毛毛阿Bu扮緊乜?

呢輯插畫我真係超鐘意,因為係彼思動畫人物crossover經典遊戲角色!單係估嘅過程都充滿趣味,例如巴斯光年扮嘅係《Mass Effect》嘅Shepard;胡迪呢?咪《Red Dead Redemption》囉!仲有《BRAVE》女主角扮盜墓者羅拉;不過最驚喜都係怪獸公司嘅毛毛同埋細蚊女阿Bu,諗咗好耐先諗倒,你唔係諗唔倒啩?好新嘅game嚟o架!入嚟有答案。全部作品都係出自插畫師Dwayne de Kock手筆,真心like!

Read more ›
免費睇Pixar新漫畫   寂寞獨角獸鴛鴦戲水
by / on 08/03/2013 at 7:08 am

免費睇Pixar新漫畫 寂寞獨角獸鴛鴦戲水

我認我都幾無聊,上網睇漫畫,咁啱見倒由Pixar設計師Josh Cooley喺網上post嘅新漫畫,好表達倒人生無常嘅無奈感,畫功當然係正啦,忍唔住同大家分享一下。故事講隻獨角獸飽受歧視生無可戀,於是走去跳河,點知遇倒美人魚,仲鴛鴦戲水o忝!結局可歌可泣發人深省,無買都埋嚟睇吓啦。

Read more ›
彼思 x 復仇者聯盟? 英雄人物忽然變Cute!
by / on 17/02/2013 at 9:36 am

彼思 x 復仇者聯盟? 英雄人物忽然變Cute!

唔駛驚,雖然迪士尼有錢到收購埋LucasFilm拍《Star Wars》,不過佢仲未有計劃拍呢套動畫版Marvel & DC,呢輯好有Pixar風格嘅Marvel & DC英雄人物造型,只係加拿大插畫師Phi Postma嘅作品,不過真係幾可亂真,平時型爆嘅Ironman、雷神、變形俠醫、美國隊長等等,統統變成Pixar動畫嘅Q版角色,外國網友大讚整得神似,仲建議佢整埋Star Wars系列,唔知佢會唔會認真考慮呢?

Read more ›

新片速報  官方認可Toy Story重製低清片
by / on 14/01/2013 at 8:09 am

新片速報 官方認可Toy Story重製低清片

你無睇錯,呢套Toy Story新片真係得到Pixar官方認可製作,由兩個分別19歲同埋21歲嘅年青人Jonason Pauley及Jesse Perrotta,用咗兩年幾時間,以真實玩具重製嘅1小時20分鐘長片, YouTube啱啱有得睇。拍攝手法非常lo-tech,用stop motion加真玩具,仲可以見到魚絲吊住公仔郁嚟郁去;畫質呢?我盡力cap張靚圖,但得480p解像度‥‥‥故事呢?同第一集一樣,不過個小朋友變咗真人o靚仔。不過誠意呢?我會比滿分。最欣賞都係Pixar嘅大方,支持二次創作。而大家睇過呢個lo-tech版,又會更加佩服Pixar嘅特效,呢啲咪雙贏囉。

Read more ›