Tag: Pen So

Pen So書展推出《禁靈書》 首200本送紀念證

Pen So書展推出《禁靈書》 首200本送紀念證

雖云紀念證,但其實直頭可以當Postcard咁儲。講緊嘅係Pen So《禁靈書》,書展檔期頭200本會送紀念證一張,每張有獨立編號,獨一無二,送晒就無。

Read more ›

Pen So《禁靈書》3米長拉頁 有彩蛋要讀者破解

Pen So《禁靈書》3米長拉頁 有彩蛋要讀者破解

對於Pen So新書《禁靈書》,又隨書附送信件同護身符這樣那樣,我係OK期待嘅。原因有四,一,佢話呢本係「以第一身接觸受詛咒的畫冊」,點第一身法?又點詛咒法?想知;二,「算是一本解謎靈異書,書內有好多謎題同彩蛋要大家破解」,即係好多互動?要跟書中指示左揭右揭跳嚟跳去咁睇?三,賣點係「香港出版界都市傳說,挖掘書內書外的線索,尋找傳說的真相」,出版界都有靈異都市傳說?唔係啩;四,有全長3米長拉頁,一米等於三呎三,即係差唔多十呎,攤開嚟睇長過人喎,點樣包裝成書都係一個謎,好想見識吓。

Read more ›
Pen So大作《Instapump Fury山下》 將獅子山變成波鞋

Pen So大作《Instapump Fury山下》 將獅子山變成波鞋

睇完幅相,我真係對住個Mon嘩咗出嚟,好強!啲線條咁密,好想問問Pen So呢幅大作究竟畫咗幾耐?此大作名為《Instapump Fury山下》,乃《Ree-Work It Pump Exhibition》參展作品之一,畫中Pump Fury同獅子山融為一體,又或者應該咁講,係獅子山直頭變成Pump Fury,吸睛程度一百粒星。呢幅大作,齋睇相唔夠,係絕對值得親身走去聞一聞嘅,即日起,大家可以去於The FOREST HK或銅鑼灣Reebok Classic Store欣賞真身。

Read more ›
《X-Men》Art Jam巨畫 UA Cine Moko打卡

《X-Men》Art Jam巨畫 UA Cine Moko打卡

6月6日《變種特攻:黑鳳凰》上畫,造就Felix Ip、謝森龍異、CK姜、Jackson、米路沙同Pen So來一個Art Jam,一幅20週年X-Men Movie巨畫,即日起擺喺旺角UA Cine Moko展出,大大兩個「X」非常搶眼,入場前聞完畫,大家記得打卡呀。

Read more ›
《R4MBLER–The Memory of Tomorrow》戰車 Audi A4 Avant出巡

《R4MBLER–The Memory of Tomorrow》戰車 Audi A4 Avant出巡

之前有無撐《R4MBLER–The Memory of Tomorrow》畫展?我有,可以肯肯定咁講正到無倫!你無?可以肯肯定咁講可惜到無倫!不過好彩,由Pen So、Felix Ip、CK Keung同謝森龍異聯手Artjam嘅嗰架Audi A4 Avant,家陣會不定期出巡,穿梭香港大街小巷。如果喺街見到呢部車停埋一邊,唔好怕醜,走埋去打卡留念喇,有關方面話歡迎拍攝,攞正牌任影唔嬲架。

Read more ›
Fans又發功!Pen So《移動城寨》Lego化!

Fans又發功!Pen So《移動城寨》Lego化!

Felix Ip嘅Lego化《香港重機》睇得多,今次輪到另一個我好欣賞嘅畫師Pen So了。有Fans Dick Cheung將佢喺《R4MBLER–The Memory of Tomorrow》畫展展出嘅作品《移動城寨》Lego化,雖然簡化咗好多線條同Detail位,但主調色用灰色Brick啱Feel,整體神髓仍在,四隻牙籤腳固然砌得盞鬼,連原畫由三支煙囪飄出嚟嘅黑煙都兼顧到,抵畀讚。

Read more ›

睇完《R4MBLER–The Memory of Tomorrow》展覽買畫集

睇完《R4MBLER–The Memory of Tomorrow》展覽買畫集

Audi舉辦嘅《R4MBLER–The Memory of Tomorrow》畫展,本地薑畫師謝森龍異、Pen So、Felix Ip同姜智傑獻畫,我非常期待。原來睇完畫展,仲可以將畫作買番屋企。咁梗係唔係直接買原畫喇,買就買T-dult出版嘅《R4MBLER The Memory of Tomorrow Illustration Art Book》。此畫集分兩版本,一,普通版$180;二,限量書套版$250,附獨立編號紀念證、複製原畫,限量200套,又係要搶。

Read more ›
鄧一君開車仔麵檔 Pen So作畫宣傳

鄧一君開車仔麵檔 Pen So作畫宣傳

睇八卦新聞先知,原來鄧一君同古天樂咁好兄弟,Friend到鄧一君開車仔麵小店「一君士多」,古天樂即刻落去捧場。咁我估Pen So同鄧一君都有啲交情,要不,都唔會替小店作畫一幅幫忙宣傳,大家可以對幅相畫,齋黑白,都畫到九成似,厲害。

Read more ›
Audi《R4MBLER–The Memory of Tomorrow》畫展 Pen So + 謝森龍異獻畫

Audi《R4MBLER–The Memory of Tomorrow》畫展 Pen So + 謝森龍異獻畫

去車行睇畫展,真真估唔到!多啲呢類跨媒介Event,唔錯吖,舉腳贊成!Audi為撐本土文創,聯乘四位本土插畫家Pen So、謝森龍異、Keung Chi Kit同Felix Ip,舉辦《R4MBLER–The Memory of Tomorrow》畫展。畫展有主題架,主題係科幻世界裡面值得保留嘅香港景同特色,Pen So畫嘅係一幢舊唐樓,如何變成移動城寨逃避清拆;謝森龍異畫嘅係佛家所講嘅「四苦」,即未來世界人類如何應付生老病死。嗯……正,Cult Cult哋,我Like。

Read more ›
Pen So再搞「漫事勝意」活動 免費送賀卡

Pen So再搞「漫事勝意」活動 免費送賀卡

Good得很呀,上年Pen So搞嘅「漫事勝意」送賀卡活動,今年添食。今年Felix Ip、Miloza、Jackson Ng、Adam Pun、姜智傑、謝森龍異、Knoa Chung、周小某、Wah Kee、So Ngo Sze、卓翹、柳廣成、Tweety、Pang Bear、余遠鍠同Pen So都有份獻畫,陣容鼎盛,小小心意,祝大家豬年萬事勝意。點送畫?請自己瀏覽面書專頁,活動日期2月4日至2月7日,每晚四場,由不同畫師贈送新年賀卡,大家要哺實個Mon喇。

Read more ›
Pen So x Benz電車車身廣告 幫手影相唔該

Pen So x Benz電車車身廣告 幫手影相唔該

Pen So畫作是無處不在的,起碼喺香港島可以咁講,話說佢聯乘Benz出咗個廣告,流動嘅,事關畫作複印喺電車車身,大家搭開叮叮記得多加留意。佢喺面書留言曰:「我其實仲未見過實物,大概一月至二月時間行走,大家見到的話麻煩幫我影張相,儲相集!」大家收到喇,正所謂人多好辦事,見到就唔該幫佢閃番張相,PM番畀佢喇。

Read more ›

Pen So送2019 Postcard 兩款任揀

Pen So送2019 Postcard 兩款任揀

好消息!秉承優良傳統,Pen So今年繼續送Postcard,繼續由日本寄出,即係話會有埋日本當地郵Chok,正呀喂。今年佢會畫高尾山同東京鐵塔,即係話會送出兩款Postcard,每款都須要大家答中個別問題先會送出,聽日有詳細活動資料,大家記得留意佢面書喇。 資料來源:https://www.facebook.com/pen.so.10

Read more ›
有片:Pen So為《移動城市:致命引擎》 畫香港版移動城市

有片:Pen So為《移動城市:致命引擎》 畫香港版移動城市

Pen So畫香港街景一絕,我知你知電影公司都知,所以電影公司邀請佢畫《移動城市:致命引擎》嘅香港版移動城市,出嚟嘅效果都幾科幻Feel,但見四個轆之上麻麻密密堆滿香港地標建築物,真係識「移動」咁款,唔知駛去邊度呢?我見到有大佛、摩天輪、會展、國金等等等,有埋作畫片段俾大家睇。

Read more ›
睇住先 Pen So《本土回憶.過去的我》公開畫稿

睇住先 Pen So《本土回憶.過去的我》公開畫稿

嗯,又真係慢咗啲喎,Pen So係5月公開《本土回憶.過去的我》首張畫稿,去到早幾日先Post第二張,可唔可以快手啲呀?忽然叮一聲諗,兩張稿都係大橫度,究竟到時本實體畫集係乜嘢形狀?Anyway,佢喺面相咁留言:「有確實出版時間會再交代,向本身期待出版的朋友深表歉意,希望各位繼續耐心等待。」我期待架,家陣唯一可以做嘅係同你打氣喇,努加!加油!

Read more ›
有片:Pen So無聊試App 《香港災難》動起來了

有片:Pen So無聊試App 《香港災難》動起來了

有無撐Pen So《香港災難》?無的話,不如睇睇呢條Pen So因「無聊試App」製作嘅短短短短短片,話唔定你會想買番本嚟睇咁話。條片係將舊畫作變成動畫,原來原本靜止嘅海嘯呀、氾濫呀、死人塌樓呀、地震呀等等,一有Movement即時真實感強好多。唯一要挑剔嘅係,背景音樂唔夠慘,如果旋律再Dark啲,我諗效果會更效。

Read more ›