Tag: Pen So

Pen So《回憶見》加印第二版 撐《See You in Memories香港漫畫體驗展》

Pen So《回憶見》加印第二版 撐《See You in Memories香港漫畫體驗展》

絕對係好消息來的,好明顯係因為好賣啦,否則曾獲日本國際漫畫獎銀獎(Japan International MANGA Award)嘅《回憶見》都唔會加印第二版。揚威海外,作者Pen So食住個勢搞多個《See You in Memories香港漫畫體驗展》添,展覽有賣嘅第二版好有誠意,唔係齋翻印,會玩雙封面、加4頁漫畫內容、修改對白同插畫、添加後記(二)、加厚書套紙等等,入場費$40,包《回憶見:outro》全新創作短編漫畫一本同收聽《回憶見》廣播劇結局,即係有得睇兼有得聽添喎。咁梗唔少得簽名會同座談會喇,成件事幾熱鬧幾Funny,大家有無興趣?

Read more ›

攞獎威威! Pen So《回憶見》再版!

攞獎威威! Pen So《回憶見》再版!

係好好好好令人鼓舞嘅,話說Pen So作品《回憶見》喺日本第十六屆國際漫畫獎中奪銀獎,呢個係一份肯定,真正揚威國際喇喂。呢本書你有無買呀?我有買,無買唔使驚,因為有關方面已經決定再版。And,有時間話,可以去回憶見Pop Up Gallery At Mei Ho Cafe主題店打番個Round,影吓相打番個卡,然後Send番啲相畀Pen So睇,我諗佢會好開心。

Read more ›
R4MBLER《The Memory of Tomorrow》 山頂廣場二次展覽

R4MBLER《The Memory of Tomorrow》 山頂廣場二次展覽

之前有無睇R4MBLER四子聯合舉辦嘅《The Memory of Tomorrow》?我有捧場,Felix Ip、謝森龍異、姜智傑同Pen So嘅畫作真係好正,幾乎幅幅畫我都有影相留念。如果Miss咗又想睇番話,家陣機會來了,事關山頂廣場Go Arty會有二次展覽,展覽去到10月底,記得捧場。

Read more ›
《LIFE Mart x 出前一丁-即食麵誕生紀念主題市集》 Pen So+Felix Ip賣明信片

《LIFE Mart x 出前一丁-即食麵誕生紀念主題市集》 Pen So+Felix Ip賣明信片

啱啱先喺茶仔食咗個腸蛋丁,又咁橋發現到《LIFE Mart x 出前一丁-即食麵誕生紀念主題市集》,無得唔去喇。話說紀念出前一丁有63年歷史,市集屆時會有約100個主題攤位,兼有63個插畫師有份參展嘅《我們的即食麵》插畫展覽,暫時所見,Felix Ip同Pen So會將插畫印製成明信片售賣,記得捧場。

Read more ›
Pen So靈異漫畫《鬼節Special》 嚇鬼結局在「留言」

Pen So靈異漫畫《鬼節Special》 嚇鬼結局在「留言」

白駒過隙,望望日曆先知已經踏入農曆七月,古老相傳鬼門關大開嘅日子又來臨了。Pen So今年鬼節搞咗個大Project《鬼節Special》,由七月初一開始,一路去到初十四,每晚11:00pm都會出靈異漫畫,過癮在漫畫結局即最尾嗰一兩格,會安排喺「留言」部份出現。我覺得呢個小把戲幾Work,搞到人心思思想追埋落去,靈異氣氛即時提升咗。迄今出咗八集,暫時我覺得《Hi,Siri!》最恐怖,聽埋聲效,個心有少少寒一寒。

Read more ›
撐Pen So《災難之後》簽名會 送一套六封信件配件

撐Pen So《災難之後》簽名會 送一套六封信件配件

講多樣著數嘢,如果你打算去書展撐Pen So新書《災難之後》的話,請夾啱簽名會時間,嚟緊周六同周日6:00pm至8:00pm撐場的話,會送多有一套六封信件配件。收到未?

Read more ›

Pen So書展推出《災難之後》

Pen So書展推出《災難之後》

今年書展都有Pen So的份兒,新作《災難之後》屬雜誌圖文專欄合集,唔知同之前嗰本《香港災難》有無關係?大家請多多捧場。

Read more ›
Pen So x 無樂不作 音樂x漫畫回憶青春與夢想

Pen So x 無樂不作 音樂x漫畫回憶青春與夢想

原來可以咁Crossover,效果亦相當唔錯。話說Pen So聯乘「無樂不作」,來了一趟音樂Jam漫畫之旅,主題係「三首曲加三篇漫畫,演奏出一段關係」。Track 01〈未命名音樂〉同02〈背後的鼓勵〉已經播放,第三首曲會喺今日(4月14日)6:00pm有得聽兼有得睇。兩首曲係幾好聽嘅,畀到人一種好舒服嘅感覺;睇埋漫畫,你會回憶番Miss咗N年嘅青春、衝勁同夢想……

Read more ›
漫畫星光大道50呎長壁畫 港漫人塗鴉

漫畫星光大道50呎長壁畫 港漫人塗鴉

老尖九龍公園香港漫畫星光大道進行翻新工程,嚟緊將會展出一幅50呎長大壁畫,從面書所見,唔少港漫人都有份參與,暫時所見一鋒、麥天傑、鄺世傑、葉明發、馬遜、林祥焜、曹志豪同Pen So已經幫手塗鴉。朝聖是常識,卡就點都要打的了,唔知最後成品如何呢?又唔知仲有邊位漫畫家會獻畫呢?

Read more ›
Pen So出美術小冊子 《Pandemic》+《Devastation》市集首買

Pen So出美術小冊子 《Pandemic》+《Devastation》市集首買

Pen So出美術小冊子,仲一次過推出兩期,將平時喺平台發表嘅作品另加新作品結集成書,第一集叫《Pandemic》,解流行病,第二期叫《Devastation》,解毀滅。好似好深奧吓?Pen So咁簡介主旨:「災難下,用破碎的心情看這片土地」同「透過圖像表達對世界的想法與環境的感受」,咁明白未?咁都未明,要課金買嚟睇吓喇。「白紙市集‧香城年宵2.0」首賣。

Read more ›
網圖分享:Pen So後悔無答《鬼滅之刃》

網圖分享:Pen So後悔無答《鬼滅之刃》

無聊Click入Pen So面書睇睇,見到一個好好笑嘅三格漫畫,內容講Pen So接受訪問,被問到最鍾意邊套漫畫,佢後悔答《Slam Dunk》而無答《鬼滅之刃》,繼而被記者一句KO:「我爸爸好鍾意睇!」自嘲顯老了,哈哈!查實無所謂喇,經典嘛,經典梗係經得起時間考驗架喇,呢種「顯老」,我覺得等於「識貨」呀。

Read more ›

再次多謝Pen So送Postcard 飛出太空過聖誕

再次多謝Pen So送Postcard 飛出太空過聖誕

物輕,但絕對情意重,擒日預告過Pen So今日會送聖誕Postcard,好快地25個名額已滿。Postcard係點嘅樣,大家睇相喇。今次張Postcard好有Message,構圖係聖誕老人全副太空人裝備上太空,送禮物畀外星人,兼帶多句:「The Earth is in danger, let’s go to outer space in Christmas.」,觀之有感亦不無唏噓,如果可以,我都想飛出太空靜一靜,唔想喺刻下嘅香港過聖誕。再次,多謝Pen So,祝你聖誕快樂,新年進步。

Read more ›
多謝Pen So 12月18日送聖誕Postcard

多謝Pen So 12月18日送聖誕Postcard

好抵讚,已經連續6年了,今年風雨飄搖,多事之秋,Pen So依然維持優良傳統繼續送卡。記住嘞,送聖誕Postcard活動將於12月18日1:00pm開始,請留意佢面書同IG,數量有限,送完即止。

Read more ›
Pen So醒你《鬼滅之刃》Wallpaper

Pen So醒你《鬼滅之刃》Wallpaper

Pen So早前創作咗幾幅《鬼滅之刃》角色系列圖,幅幅佳作也。佢好好人,將畫作變成Wallpaper供大家下載。五張圖,分別係炭治郎、我妻善逸、伊之助、炎柱同炎柱加無限列車,你鍾意邊幅?全部都鍾意?Download晒佢囉,咁當然要畀Like喇。

Read more ›
網圖分享:Pen So的《鬼滅之刃》角色系列畫

網圖分享:Pen So的《鬼滅之刃》角色系列畫

《鬼滅之刃》實在太紅,Pen So都忍唔住作畫湊吓熱鬧,有請竈門炭治郎、嘴平伊之助同煉獄杏壽郎出場。話時話,睇咗劇場版《鬼滅之刃無限列車篇》未?我都未睇,但會趕快睇,因為唔睇驚無話題呀喂。

Read more ›