fbpx

Tag: Parkour

有片:超強Flipbook Parkour+街舞+舞刀+耍劍

有片:超強Flipbook Parkour+街舞+舞刀+耍劍

Flipbook,畫功其次,最緊要Flip得動作流暢,呢幾條片就係最佳例子。線條好簡單架咋,但畫嘅無論係Parkour、街舞、舞刀定耍劍,都一樣Flip得咁精采。尤其舞刀同耍劍兩條片,直頭好似有個武林高手喺面前打功夫咁,正到痹。

Read more ›

有片:Parkour父女檔 騎膊馬爬天橋好High

有片:Parkour父女檔 騎膊馬爬天橋好High

Parkour片睇唔少,幾刁鑽動作都見過,呢條片就Sell故事行先,大概係講阿女趕時間參加Party,阿爸就同佢一齊Parkour赴會。跨過花槽跳過樓梯,又爬牆又打觔斗,兩父女啲動作都拍得幾合拍。阿爸就前後空翻濕濕碎,而阿女都唔弱,側手翻都打得有板有眼,騎膊馬二合一爬天橋一幕尤其好身手。老實講,動作唔算好高難度,但Edit得好,節奏感都好強,係幾好聽嘅。

Read more ›
【有片】職業Free runner回到古代 挑戰日本武士、忍者

【有片】職業Free runner回到古代 挑戰日本武士、忍者

呢位Free runner名叫Jason Paul,呢條影片由Red Bull拍嘅,拍攝地點就係日本「江戸ワンダ―ランド 日光江戸村」。將現代parkour結合日本古舊街景,再加埋武士同忍者,超好睇!當然,最好睇又係後幕製作條片。

Read more ›
【有片】超靚景!比卡超玩PARKOUR 鏡頭背後睇見都痛

【有片】超靚景!比卡超玩PARKOUR 鏡頭背後睇見都痛

又係devinsupertramp呢個頻道嘅作品,主角比卡超就係Calen Chan。呢條片名為「Pokémon Sun and Moon Meets PARKOUR in REAL LIFE!」,「ALOLA ISLAND」嘅景色真係靚到黐線,而阿比卡超身手亦都好好,可惜……睇埋幕後製作,你就會明白拍呢類片、玩PARKOUR真係唔容易,亦都會明白點解最後個結局會係咁……

Read more ›
有片:Parkour+喪屍圍攻 跳出生天

有片:Parkour+喪屍圍攻 跳出生天

Parkour影片唔係未睇過,啲景幾靚都好,幾好身手都好,齋跳齋打觔斗始終有啲悶,之所以YouTube頻道「UrbanAmadei」會加入喪屍元素。主觀鏡由頭帶到尾,由住宅單位俾喪屍攻擊開始,一直跳落街、跳樓梯、跳屋頂、跳天橋,最後跳上私家車成功逃走。有故事性,成條片當堂唔同晒,緊張刺激好多,睇嗰個都投入好多,正呀喂。

Read more ›
【有片】低成本《侏羅紀公園》 暴龍瘋狂Parkour

【有片】低成本《侏羅紀公園》 暴龍瘋狂Parkour

其實我唔肯定嗰條係暴龍,但原來侏羅紀溝埋Parkour係可以咁好睇,見到著住暴龍套嘢雖然咁論盡,但係都做到空翻等Parkour,勁嘅,而且充滿喜感,同埋個女主角件背心都唔錯,襯番對眼睛都係藍色o架,仲真係著高踭鞋,仲跑添……記得睇埋幕後製作影片,真係唔容易嘅。

Read more ›

【有片】Parkour唔識停 電話遊戲《Super Mario Run》變真人

【有片】Parkour唔識停 電話遊戲《Super Mario Run》變真人

大叔身手咁好,玩Parkour就最啱啦,如果係手機遊戲《Super Mario Run》更加合適,因為唔識停嘛。devinsupertramp呢個單位就拍咗條真人版喇,又雪地又金幣又水管又公主又叫,拍得好正!但位公主……

Read more ›
新片速報 超勁臨場感 主觀鏡喪屍狂追Parkour

新片速報 超勁臨場感 主觀鏡喪屍狂追Parkour

呢條片唔講得笑,真係緊張到唔記得咗頭暈。由「Ampisound」製作,之前都已經幫遊戲《Dying Light》拍過一條,嗰條就慘烈啲,今次呢條就由《Last Empire War Z》贊助嘅,不過唔緊要,都係喪屍加Parkour追逐。睇完之後,會唔會想即時學吓玩Parkour?但又其實,如果啲喪屍都Parkour,咁點玩呀?

Read more ›
有片:超強!畫出嚟嘅Parkour Stop Motion!

有片:超強!畫出嚟嘅Parkour Stop Motion!

同創作Flipbook一樣咁難,逐幅手畫Stop Motion喎,真係諗吓都覺得攰,你估要畫幾多幅公仔先可以完整交代到一個古仔?畫完,仲要前前前後後左右上上下下咁揭,間唔中仲要又拉又摺嚟換另一個場景。講真,畫功只屬其次咯,無番咁上下心機都完成唔到。今次創畫者叫Serene Teh,畫嘅係Parkour,超多擒高擒低飛來飛去動作,雖然望落無Flipbook咁順暢,但同樣躍然紙上,一樣值得畀Like。

Read more ›
有片:型過龍!刻意擺Pose的港版Parkour!

有片:型過龍!刻意擺Pose的港版Parkour!

唔係話外國月亮特別圓,但呢條港版Parkour片實在……有點兒給人比下去,其實呢,技術就大家都差唔多,港版Parkour友一樣打晒側手翻空翻,一樣跳屋簷跳石壆跳欄杆跳樑跳柱,一樣爬牆一樣滾地,但剪輯就……唔知點解,硬係爭咁啲嘢,節奏感唔夠強烈,加埋啲配樂有唔知想點,搞到整體感覺無咁刺激。而最攞命嘅係,港版Parkour友完成一串動作後會擺個極之……都係厚道啲……極之型過籠嘅Pose,其中有個Pose仲極似C朗入波慶祝動作添。其實我知佢真係好勁嘅,不過呢啲Pose可免則免囉。

Read more ›
【新片速報】恐龍玩Parkour超搞笑 後空翻再疾走無難度

【新片速報】恐龍玩Parkour超搞笑 後空翻再疾走無難度

Parkour片睇得多,不過呢段咁爆笑嘅唔share唔得。今次玩Parkour嘅主角係一隻恐龍,雖然係人扮,但佢一嘢衝埋鏡頭嘅時候都依然好有震憾力。雖然著住件咁大咁阻礙活動嘅恐龍衫,但隻恐龍身手好靈活,前空翻後空翻疾走全部無問題,係去到0:37時考起佢,但我唔怪佢,因為難度真係太高嘞。我諗佢心入面應該有爆粗。

Read more ›

新片速報:壁虎功爬天花板 Jason Paul迷惑你眼球

新片速報:壁虎功爬天花板 Jason Paul迷惑你眼球

Red Bull有新片出,又係Freerunner Jason Paul擔綱演出,今次糅合Parkour玩視覺迷惑,透過壁虎功式爬天花板、反地方吸力式以手代腳行路、跳黑白格仔地磚、跣香蕉食人落肚等等迷惑你眼球。其實唔難!我知你實會咁講,真係唔難?講咁多做乜,Click入嚟睇片喇,睇完你咪知難唔難囉。

Read more ›
新片速報:港版Parkour 跳到入輕鐵站

新片速報:港版Parkour 跳到入輕鐵站

無甚麼側手翻接前後空翻再加幾多幾多度轉體,呢條港版Parkour好睇在有親切感,如果無睇錯,不但跳勻公園涼亭頂、平台、停車場、商場電梯、樓梯、遊樂場、建築物與建物之間嘅樑柱,仲跳到入輕鐵站添。都跳得都好驚險架,喺主觀鏡頭裡面,好明顯見到途人被拍攝者嚇了幾大跳,鬼咩,如果噗一聲有個人影從天而降,我都唔會聯想到Parkour,我只會意識到有人跳樓!

Read more ›
有片:三十年代Parkour 揹仔壁虎功超堅

有片:三十年代Parkour 揹仔壁虎功超堅

條片係就係鬆郁濛咗啲,但真係好值得大家睇睇,事關原來三十年代已經有今日嘅Parkour,動作一樣咁矯捷,難度一樣咁高,包括──馬騮仔式爬樹、沿外牆水管極速向上爬、喺行進中嘅火車頂喪跑然後直插入水、成龍式撞爆玻璃跳落海、藏身車胎碌落山等等,直令我O嘴嘅係壁虎功,水平式手腳並用,即雙手雙腳分別撐住左右兩幅牆向上爬,嫌唔夠驚險仲要揹到個小朋友添,犀利!

Read more ›
【有片】唔敢玩睇人玩 GoPro主觀鏡玩命跳樓

【有片】唔敢玩睇人玩 GoPro主觀鏡玩命跳樓

好鍾意睇Parkour,尤其係用GoPro拍,嗰種臨場感,令我更加唔敢諗去試。今次呢條就簡單啲,只係一個動作,跳樓!Ethan Swanson喺芝加哥玩跳樓,剷落屋頂再喺樓梯落地,絕對可以感受到嗰種刺激感,仲好似有少少痛。

Read more ›