by / on 16/01/2018 at 7:38 am

宇宙最崩壞攝影師 全家變LEGO人網上熱傳

一個專業嘅攝影師好重要,之前都睇過香港好多崩壞嘅結婚相,今次到外國嘞。話說Pam Dave Zaring一家之前喺網上受到一個中年女人嘅邀請,答應咗俾美金$250佢幫全家人喺St. Louis嘅公園Forest Park影返輯相。等咗8個月佢哋終於收到相嘞,不過所有人個樣都變咗‥‥‥由於太好笑,佢忍唔住放上網分享,而家喺Facebook好多人分享。啲留言都好正,例如話:「你哋全部好似LEGO人!」、「係第一個AI (人工智能)家庭!」、「期待攝影師P埋隻狗!」至於攝影師方面就解釋話當日嘅光影唔係幾好(雖然拍攝當日據講好好天),而自己嘅攝影導師又無教過佢P圖,所以就‥‥‥不過呢一家「受害者」並無諗住要退款喎,相反佢哋好開心呢輯相帶俾佢哋一家甚至網上咁多人歡樂,不過佢唯一想要返係輯原相,希望佢爭取成功啦。

Read more ›