Post Tagged with: "Oculus Rift"

今日開訂 Oculus Rift賣599美元連手掣兩Game
by / on 07/01/2016 at 12:51 pm

今日開訂 Oculus Rift賣599美元連手掣兩Game

近呢年都睇咗超多VR眼罩示範點玩,Oculus Rift終於正式公開俾玩家預訂,價錢係599美元,即係4千幾港幣,會連埋一個Xbox One手掣同兩隻遊戲《Lucky’s Tale》、《EVE Valkyrie》,3月派貨。不過當然你部電腦都要夠高階先玩到……另一邊,PS4嘅PS VR仲未有價錢同發售日期,等唔等玩唔玩,要諗諗,不過我諗Oculus Rift會多啲開心嘢會玩到……

Read more ›

【甚麼是女朋友】有片 日本「Oculus Rift」活動 吹氣公仔咁樣玩
by / on 29/08/2015 at 9:15 pm

【甚麼是女朋友】有片 日本「Oculus Rift」活動 吹氣公仔咁樣玩

唔,對於H Game嚟講,配合VR眼罩同其他配備嘅發展真係無限大,之前有唔少裝置推出,仲有AV片商連埋「電洞」齊齊發展體感AV……啱啱喺上個星期嘅「Oculus Festival」,入面就有一個攤位用Oculus Rift咁樣玩,吹氣公仔入面係放咗部電話喺度嘅做動態感應嘅,設置唔複雜,即係就算量產都唔會太貴……而呢位試玩嘅紳士,佢就郁得好落力,仲轉唔到姿勢添!留意右邊嘅畫面,最後係放煙花咁,好壯觀嘅……

Read more ›
《TIME》雜誌封面肥仔玩Oculus 網民瘋狂改圖
by / on 14/08/2015 at 7:09 am

《TIME》雜誌封面肥仔玩Oculus 網民瘋狂改圖

呢個係嚟緊8月18日嘅《TIME》雜誌封面,有個肥仔戴住VR裝置Oculus Rift喺沙灘前做出古怪姿勢,封面大大隻字講虛擬實景技術將會改變世界。其實呢個肥仔係Oculus Rift嘅創辦人,22歲嘅Palmer Luckey呢張潛力圖好快被網民瘋狂惡搞,有人key佢落鐵達尼號度,仲有長頸鹿、復仇者聯盟、火箭升空‥‥‥好睇過原本個沙灘背景,仲好夾虛擬實景呢個主題。BTW,PS4都有個玩VR技術嘅Project Morpheus下年推出,有得玩Summer Lesson溝女,算唔算改變世界?

Read more ›
新片速報 天才再臨 Oculus Rift + 立體滑鼠墊 二次元觸感的愛
by / on 09/09/2014 at 9:43 pm

新片速報 天才再臨 Oculus Rift + 立體滑鼠墊 二次元觸感的愛

「Oculus Rift」配合唔同配備,可以令到二次元嘅愛更多元化,之前都試過錫嘴、瞓大脾,仲有同飲一杯飲品都得。今次,更加貼身,更加親密,就係用Oculus Rift加一個等身大嘅立體滑鼠墊,即係心口軟綿綿俾你墊住隻手嗰隻……之後……真係出煙!

Read more ›
新片速報 長者玩Oculus Rift 頂唔頂得住?
by / on 31/08/2014 at 2:24 pm

新片速報 長者玩Oculus Rift 頂唔頂得住?

我老豆最怕高科技,到o依家佢都係手提電話都唔肯用,好彩住得近,如果唔係真係要寫信俾佢。有啲朋友嘅阿爸阿媽就追上潮流喇,又facebook又whatsapp,又影相share仲識Tag埋阿仔……咁Oculus Rift呢?呢幾位老人家就試玩Oculus Rift,放心,唔係同初音錫嘴同瞓大脾,只係最基本嘅程式,不過都有人玩到好High。

Read more ›
【有片】Oculus Rift + 風扇 體感扮雀天上飛
by / on 08/05/2014 at 4:19 pm

【有片】Oculus Rift + 風扇 體感扮雀天上飛

Oculus Rift真係有無限潛能。好似呢個由Zurich university製作嘅裝置咁,一個油壓飛行架,加多一副Oculus Rift同把風扇,就可以令「玩家」成為一隻雀咁喺天上自由自在咁飛……

Read more ›

新片速報 Oculus Rift實驗 睇嘢有Delay 生活Lag機會係點?
by / on 29/04/2014 at 5:33 pm

新片速報 Oculus Rift實驗 睇嘢有Delay 生活Lag機會係點?

呢個實驗好有趣!打機就試過有Delay有Lag機,如果現實生活都係咁,影像慢半拍會係點?首先要戴上Oculus Rift,而鏡頭就係拍番佢哋眼前嘅影像,咁冇咩特別吖,只係透過Oculus Rift睇嘢啫。咁如果將啲影像delay3秒呢?即係你睇到嘅嘢同現實世界嘅景像遲咗3秒,只係1/3秒至3秒,已經足以令你咩都做唔到。不過我想話,跳舞嗰part真係好好笑!

Read more ›
新片速報 西人狂呼!Oculus Rift玩驚嚇Game
by / on 18/04/2014 at 6:29 pm

新片速報 西人狂呼!Oculus Rift玩驚嚇Game

VR遊戲似乎已經來勢洶洶,戴Oculus Rift打機有臨場感,咁如果係玩驚嚇遊戲,嗌爆度一定大增啦。呢條片就見到幾位西人機迷試玩呢隻「Alone in the Rift」,嗌到o依嘩鬼叫,睇嚟真係好驚……

Read more ›
新片速報 西人玩3D「Oculus Rift」過山車 失控狂叫腳仔軟
by / on 12/08/2013 at 4:42 pm

新片速報 西人玩3D「Oculus Rift」過山車 失控狂叫腳仔軟

Oculus Rift呢個3D眼罩,可以隨住你擰頭而製作3D影像,令到用家置身虛擬世界中。之前都介紹過佢可以用嚟玩遊戲,咁如果用嚟模擬玩過山車呢?呢位西人就親自試玩,開頭都係不斷發出驚嚇叫聲,但去到高潮位,佢就雙手握拳好肉緊,仲腳軟企唔穩!我唔知如果自己去玩會唔會都頂唔順,不過見到佢咁,我忍唔住,笑咗。

Read more ›
新片速報 360度體感遊戲 踩單車派報紙
by / on 31/07/2013 at 2:55 pm

新片速報 360度體感遊戲 踩單車派報紙

Oculus Rift加Kinect再加埋部健身單車可以變成咩遊戲?Globacore就製作咗呢個第一身體感遊戲《Paperboy: PaperDude VR》。玩家只要坐上單車踩,之後隻手做出唔同動作,就好似置身遊戲世界入面嘅街道做派報員。試諗吓如果佢畫面可以做到真實啲,其實真係好多嘢可以玩,例如體感版GTA……

Read more ›
新片速報 殺入遊戲戰場 新世代體感 挑戰機迷體力
by / on 20/04/2013 at 4:50 pm

新片速報 殺入遊戲戰場 新世代體感 挑戰機迷體力

體感遊戲淨係喺度fing手fing腳,踏前一步就叫行,又唔識轉身,似傻仔多過似槍手,邊夠好玩。咁如果將呢兩個打機新發明組合埋一齊就勁喇,首先係Omni,佢係類似一部跑步機,仲有個圈箍住你條腰,感應到你跑同轉身;另一樣就係Oculus Rift立體眼罩,戴埋佢上頭就好似入咗遊戲世界!呢條片示範緊《Team Fortress 2》,留意右下角,我諗真係勁好feel,不過攰啲。

Read more ›