Post Tagged with: "NHK"

【有片】唔啱睇嘅唔俾睇 大陸睇NHK突然畫面變黑
by / on 13/06/2019 at 12:57 pm

【有片】唔啱睇嘅唔俾睇 大陸睇NHK突然畫面變黑

進步中嘅中國,進一步管制各方面資訊,尤其係在香港發生的真相。呢條片就睇到中國本土向嘅NHK播放緊有關香港嘅報道,而放送突然強制中段。

Read more ›

日本真人cosplay毛毛蟲 超爆造型Twitter熱傳
by / on 29/04/2018 at 11:53 am

日本真人cosplay毛毛蟲 超爆造型Twitter熱傳

「ニャッキ!」係日本NHK教育台由1995年開始播放嘅一套動畫,講主角毛蟲ニャッキ嘅日常生活,估唔到居然有人想cosplay呢條蟲,而且一嚟就有3條!玩法都係著件黑色底衫再加啲顏色造成錯覺,效果堅好笑,樓主仲影咗好多相,睇完好想揼佢哋呀。

Read more ›
日本NHK放送事故     小朋友陶藝體驗自製「巨炮」
by / on 26/03/2017 at 12:29 pm

日本NHK放送事故 小朋友陶藝體驗自製「巨炮」

呢張相喺日本Twitter好多人分享,話說電視台去咗拍攝小朋友嘅陶藝體驗,每個人都整咗啲自己鍾意嘅作品,前面個妹妹喺度接受緊訪問,不過大家對眼就留意到後面個男仔嘅作品!有網民留言話:「支巨炮完成度好高!」,亦有人形容今次係NHK嘅「放送事故」。不過你睇個小朋友個樣咁天真無邪,你哋班大人唔好亂諗啦!

Read more ›
香川照之從影大突破 cosplay大螳螂Twitter熱傳
by / on 11/10/2016 at 7:15 am

香川照之從影大突破 cosplay大螳螂Twitter熱傳

日劇經常見到嘅香川照之,平時都係做吓奸角居多,最深印象應該係《半澤直樹》入面嘅大和田。不過今次佢上NHK嘅昆蟲節目就好大突破嘞,居然扮一隻大螳螂!啲相迅速喺網上瘋傳,原來香川照之一直嘅心願係主持昆蟲節目,又原來,佢一直都對昆蟲好有研究,今次都算係如願以償。可能反應太好,電視台將會喺10月23日下午4點半重播節目,到時又有得重溫嘞!

Read more ›
【有片】日本NHK瘋狂電視收費員      狂撳掣影片Twitter熱傳
by / on 27/05/2016 at 7:13 am

【有片】日本NHK瘋狂電視收費員 狂撳掣影片Twitter熱傳

香港啲收費電視推銷員都好「chur」,估唔到日本都唔差喎。最近有網民放咗段片上twitter,話NHK嘅收費員好恐怖,就算佢話屋企無電視,對方都依然唔放棄瘋狂撳鐘。其實喺日本NHK只要駁咗天線就會收到,根據日本放送條例,只要屋企有電視,NHK就要你簽約繳費,所以多年嚟一直備受爭議。不過以前話屋企無電視人哋未必信,而家互聯網時代,無電視都唔出奇吖。可能因為咁,對方跑數嘅壓力又大咗,搵食艱難。

Read more ›
【有GIF】日本NHK新聞報導靈異事件     工作人員「被消失」
by / on 26/04/2016 at 7:15 am

【有GIF】日本NHK新聞報導靈異事件 工作人員「被消失」

好多電視新聞報導後面都係佈景版,可以加CG變成唔同嘅佈景,不過啱啱日本NHK嘅報導就出咗事,中間男主播報報吓,右邊突然閃出一位男工作人員,但係過兩秒後個男人又突然消失。網民整咗GIF圖放上網後瘋狂恥笑。有人留言問:「員工係咪都係CG做嘅?」、「好想學呢招呀」至於被消失嘅員工,唔知會唔會傷心呢?

Read more ›

日本女主播素顏出鏡     緊急速報地震情況
by / on 28/05/2015 at 7:18 am

日本女主播素顏出鏡 緊急速報地震情況

真心佩服呢位日本女主播,呢啲咪就係專業囉!話說最近日本地震,NHK嘅女主播「結城さとみ」奉命緊急上鏡報導地震情況,可能太趕急,佢連妝都無時間化,就咁素顏就上電視做直播,全國都見到佢嘅真面目,有網民搵返佢之前化行妝出鏡嘅相做對比,唔‥‥‥係就係殘咗少少,頭髮亂咗少少,但最緊要係嗰份專業嘛!尤其是日本女士出名重視化妝,睇嚟佢真係好趕先會咁做。再睇返原來佢今年已經47歲,後生時都好靚女,入嚟有回帶。

Read more ›
Domo君出山口式   睇電視食飯一個表情
by / on 07/12/2013 at 10:45 am

Domo君出山口式 睇電視食飯一個表情

個嘴永遠合唔埋嘅NHK吉祥物Domo君(どーもくん),繼推出多士爐後,最近終於出埋山口式玩具,呢隻No.141作品,全身有12個位置可以郁動,高100mm,睇相見倒好有潛力,可以做出發惡、瞓覺、喊等多種表情動作,有四對眼自由替換,不過無論發惡定喊,都係口擘擘。最正係配埋電視、咪、飯、筷子之類嘅配件,大把嘢玩!下年4月15日發售,開價3869円,amazon賣3553円,梗係等香港返貨啦。

Read more ›