fbpx

Tag: MP3

Panasonic都嚟MP3卡式機 真心幾有味道

Panasonic都嚟MP3卡式機 真心幾有味道

  MP3機扮懷舊卡式機, 其實都俾人玩過無數次, 不過估唔到大牌如Panasonic都會嚟露一手囉! 雖然反應係慢咗十九幾拍, 不過我覺得唔使面紅嘅, 因為呢部RR-SR30真係幾有哪些年嘅感覺, 再生錄音呢啲基本嚟冇得走啦, 錄音格式為MP3, 有192kbps/立體聲同96kbps/單聲道, 內置8GB容量, 入返AAA電池, 機身尺寸係109.9×23.6×70.5mm, 預計下月中日本推出, 開價9,000円。

Read more ›

手指/曱甴形MP3機 $299聽埋收音機/玩錄音筆

手指/曱甴形MP3機 $299聽埋收音機/玩錄音筆

    手指形MP3!? 估唔到係呢個世界上仲未滅絕, 簡直有曱甴咁嘅生存力! 不過點都好, 活着就是硬道理; 呢部係Philips最新推出嘅GoGear Mix MP3 Player, 經典嘅萬用夾形, 佢唔咁整我都唔知以點整, 佢嘅容量基本可以完全被人忽略, 只有4GB同8GB, 所以連公關新聞稿都冇寫佢嘅容量, 我要上官網先摷到! 佢話佢有個叫FullSound技術, 真實還原壓縮MP3音樂的聲音細節, 不過以佢咁嘅內存容量, 音樂原檔都唔方大得去邊, 靚聲得去邊!

Read more ›
超懷舊   計數機玩Reel to reel recorder設計

超懷舊 計數機玩Reel to reel recorder設計

為咗呢張相,我認真上網讀咗陣五、六十年代嘅音樂史。圖中見倒嘅唱盤好熟口面,但我又唔識。其實佢叫Reel to reel recorder,可以錄音,用1/4吋帶,分四條track,帶速每秒3.75或7.5吋,簡單啲講就係cassette帶、CD、MD以至MP3嘅前身音樂制式。講返正題,呢部機聽唔倒歌,其實只係一部懷舊設計嘅計數機,當大家用緊手機或者電腦嘅小算盤計數時,你喺枱底搬呢嚿嘢出嚟,係咪型先?賣港幣100蚊左右,唔貴喎。

Read more ›
日本驚現新版 Walkman  舊帶直錄MP3

日本驚現新版 Walkman 舊帶直錄MP3

之前都見過類似產品,不過見到日本仔呢部Thanko AUTCT2BK, 真係好似見返多年冇見嘅老朋友一樣, 還記得當年做咗成個暑假跟車、搬貨搬到痴肺, 最後先買到部Walkman, 出街時一定幫佢上埋個藍色皮套、串喺皮帶、着住白色校服出街, 係! 佢就係聽卡式帶嘅Walkman, 我知八十後都好多唔識佢, 不過上咗四張嘢嘅, 應該仲有好多軟硬天師同鬼故嘅卡式帶珍藏, 咁就啱喇, 佢可以幫你直轉為MP3檔案, 直入microSD, 之後你就可以用電話聽、用MP3機聽、用電腦聽。

Read more ›
【有片】卡式帶轉MP3 3,480円搞掂

【有片】卡式帶轉MP3 3,480円搞掂

打卡式帶呢三個字,我自己都覺得自己好懷舊。你屋企仲有冇呢啲錄音帶?如果你直情唔知呢啲係咩,咁你就問吓你阿爸阿媽啦。總之,呢部機就可以將懷舊嘅400-MED帶好簡單咁插落你部電腦,再轉做MP3、WMA或者WAV,咁你就可以放番啲歌入CD、電話,由32至320kbps,3,480円勝在夠平,買部俾老豆父親節都好喎!可惜,佢7月中先喺日本推出,頭批仲已經賣晒,要等7月尾返貨。

Read more ›
Sony防水防上癮   游水專用Walkman日本2月發售

Sony防水防上癮 游水專用Walkman日本2月發售

Sony最近玩防水玩上癮,旗艦機Xperia Z玩防水,呢部2月16日將會喺日本推出嘅Walkman更加係游水專用!呢部耳機型號NWD-W270,夠輕兼內置4GB記憶體。老實,防水耳機或者MP3都唔係咩新嘢,不過呢個勝在唔駛連住一大抽電線,重29克,可以去到水深2米,而且設計緊貼頸部,聲稱游水大動作都唔會甩。不過同Sony之前出嘅跑步Walkman一樣,最麻煩係要將啲音樂過嚟過去,價錢預計1萬円以內,有黑、白、藍三色,香港暫時未知會唔會返貨。不過我要學咗游水先。

Read more ›

挑機Look  牛屎MP3喇叭

挑機Look 牛屎MP3喇叭

牛屎飛呢個名,由出現MP3開始,就差唔多絕跡,好彩有LASONIC呢部i931btq HIGH PERFORMANCE SYSTEM,嗰抽名好Q長,個樣亦好狠老,可以插iPhone、插SD、插手指、3.5mm插線直播,仲有藍芽駁手機,總輸出有15W X 2,老老實實,如果你攞佢落旺角行人專區襯,由街頭走到街尾唔俾人小十鑊,乜都得!價錢唔貴,169美金(連價錢都咁寸!)約港幣$1,318,當然未計郵費!

Read more ›