《Monster Hunter World》係一隻好健康嘅打怪物遊戲，又有獵人又有可愛嘅艾露貓……但估唔到劈龍嘅休息時間，有機迷都不忘搵娛樂……

芒亨迷，如果可以VR屠龍，仲有特別效果，可以拎住唔同武器，點搞？去啦！今年USJ嘅Cool Japan當中，就有呢個「モンスターハンターワールド：アイスボーン XR WALK」，3月20日開始至8月30日，準備買機票book酒店喇。呢個遊戲暫時未有片睇，不過另外同期仲有《進撃の巨人 XR Ride》VR加過山車，同埋《名偵探柯南》、《魯邦三世》主題，都有片睇喇。

我深信好多「芒亨」迷同我一樣，嘅獵人之路都係由PSP開始？原來今日12月1日就係《Monster Hunter Portable》發售14周年之日！2005年發售，係《モンスターハンター》系列初次有手提機作品，累計銷量達130萬隻，仲未計當年嘅邪道玩家喎！入嚟睇吓當年CM先啦！

嘩乜玩到咁癲，係，喪屍劈龍真係好正，但都唔及得Mr.X變「受付孃」煮嘢你食恐怖，見到Leno竟然到Mr.X出生入死嘅感覺又夠奇妙啦！《モンスターハンターワールド：アイスボーン》×《BIOHAZARD RE:2》呢個合作會喺11月配信，希望到時有時間有心情玩。

據說係上海國際電影節曝光嘅《魔物獵人》真人電影前導預告，之前都睇過圖，係《生化危機》嘅Milla Jovovich個造型啦，仲有Tony Jaa。今次見到條龍喎！

又係今朝嘅State of Play情報，再加埋Monster Hunter自己個公佈活動啦，就係《Monster Hunter World》有新嘢，《モンスターハンター　ワールド：アイスボーン》，Iceborne，玩冰天雪地，玩新龍，9月6日發售，咁當唔當新Game賣？4,444円囉，都合理，但受付嬢個樣冇變。

雖然今年唔參加E3，但早前PlayStation方面宣佈，5月10日日本時間朝早7點會有｢State of Play｣發佈活動，即係香港晨早6點啦。之後，《Monster Hunter World》又有動作，緊接喺同日日本時間朝早8點又有35分鐘錄影影片公開，出演者有製作人辻本良三、藤岡要睇嚟今個星期五都要早啲起身啦！

你幾時加入獵人行列？係咪PSP年代？Capcom啱啱就出咗一條《Monster Hunter》15周年影片，回顧一下咁多個年代嘅畫面進化！

真係食得落肚，不過唔係燒肉嚟，而係Baumkuchen蛋糕。「モンスターハンター15周年」會同「ユーハイム」合作，推出兩款「こんがり肉バウム」、「こんがりパーティバウム」燒肉，又有埋個燒肉架又盛，係受注生產限定商品。其中大嗰條黑糖蛋糕，全長40㎝呀！

啱啱有《Monster Hunter: World》節目直播，首先，會有超大型擴張DLC《Monster Hunter World: Iceborne》會喺下年秋季推出，另外仲有同《The Witcher 3: Wild Hunt》合作，下年年初就有得玩。入嚟有中文字幕影片介紹番。

嗱，今晚10點就有《Monster Hunter: World》特備節目，入嚟有link可以留意番直播。但呢個呢，就唔係官方嘅，而係MOD，未必係最強，但可能係最恐怖嘅怪物現身喇！你睇佢對眼！

《Monster Hunter》真人版電影，喺南非拍緊，主角有《生化危機》嘅Milla Jovovich，男角有Diego Boneta，仲有Tony Jaa。啱啱又再出新圖喇，成班兵去異世界打龍，有網民諗到咁係咪即係Snake入咗《Monster Hunter》世界咁？定《COD》嘅芒亨版？

早兩日睇到男主角嘅現代軍佬造型，芒亨迷都應該覺得伏伏哋，咁女角呢《生化危機》嘅Milla Jovovich都出咗圖，又一張見到軍人裝扮，但另一張就見到擬似武器同裝甲，咦？好似似番少少樣喎？

早前Capcom官方終於肯確定《Monster Hunter》真人版電影正在南非拍攝中，主角會係《生化危機》嘅Milla Jovovich，同埋男角Diego Boneta。咁啱啱Diego Boneta就喺instagram出圖喇，呢個就係佢喺電影入面嘅角色造型，早前公開嘅故事大綱，係話嚟自兩個唔同世界嘅主角齊齊屠龍救地球，咁呢位係咪就係喺現代去嘅角色？另外，睇佢instagram仲見到，原來我哋好熟識嘅Tony Jaa都會參戰！好想見到佢飛身膝撞雄火龍呀！

早前都有另一個樣，已經靚咗啦，不過今次就更加可愛！如果《Monster Hunter: World》入面嘅「受付嬢」變成咁嘅樣，相信一眾被佢連累過嘅玩家都會原諒佢，都會覺得犧牲得有價值……