Tag: mini

MINI陳列室擺壇 父親節Man僧賜畫

MINI陳列室擺壇 父親節Man僧賜畫

Man僧賜畫,開心不?想開心,可以喺今個禮拜尾去MINI荃灣陳列室,Man僧會坐定定幫你畫幅速畫像。有主題架,主題係父親節。係呀,今個禮拜尾就係父親節呀,大家唔好唔記得同爸爸慶祝呀。到時,除畫畫,仲可以開心拍家庭照,食吓茶點咁。呢個節目都唔錯吖,諗得過。

Read more ›

原本月中有得玩 Mini版PC Engine因肺炎疫情延期發售

原本月中有得玩 Mini版PC Engine因肺炎疫情延期發售

Mini版舊機系列,本來今個月有一部PC Engine嘅,入面啲遊戲都唔差,有《PC原人》,又有《龍魂》等等50幾隻遊戲。不過,因為肺炎疫情關係,廠方宣佈會延期發售,本身3月19日,o依家就要遲啲,喂疫情成日喺屋企啱晒打機喎!係呀,不過廠方話部機喺中國製同包裝,所以有影響囉。而且唔只日版PC Engine,歐版PC Engine Core Grafx mini同美版TurboGrafx-16都一樣。

Read more ›
實現童年夢想 Mini Mega Driver有得襯埋CD

實現童年夢想 Mini Mega Driver有得襯埋CD

早前公佈埋最後一輪收錄遊戲,夠吸引未?如果細個有玩過SEGA嘅Mega Driver,嚟緊9月19日都會想買番部Mini版玩吓或儲吓啩?如果你當年冇咁多錢買唔到Mega CD機,就更加要完成埋呢個夢想。因為SEGA會自家出埋「メガドラタワーミニ」,包括有「メガCD」、「スーパー32X」、「ロックオンカートリッジ」,3,980円,合體之後真係爽晒!

Read more ›
流出圖片?任天堂N64 mini現身

流出圖片?任天堂N64 mini現身

任天堂紅白機、超任之後,好合理地應該係N64出Mini版啦?啱啱喺外國就有擬似流出圖,手掣插口同超任一樣要拉出個蓋再插掣,而且係同N64一樣可以插四個手掣呀!即係內置嘅遊戲似乎有少係四打game!想玩GoldenEye 007呀!

Read more ›
NEOGEO mini發售日7月24日 賣12,420円抵唔抵?

NEOGEO mini發售日7月24日 賣12,420円抵唔抵?

之前E3未見任記公佈N64 Mini版,不過嚟緊都有部懷舊嘢玩住先,就係呢部NEOGEO mini,之前都睇過內置40款遊戲列表啦,拳皇、侍魂嗰啲都有齊。日本啱啱接受預訂,發售日係7月24日,價錢12,420円。另外仲可以買埋手掣,3300円。仲有機殼貼紙、Mon貼、HDMI線嗰啲,要分開賣,咁小氣。

Read more ›
過份!Mini紅白機出《週刊少年Jump》金色特別版 有《龍珠》《足球小將》《聖鬥士星矢》

過份!Mini紅白機出《週刊少年Jump》金色特別版 有《龍珠》《足球小將》《聖鬥士星矢》

如果你未買,應該會大嗌一聲:「好彩未買!」但如果你買咗,都應該好難抗拒!啱啱官方宣佈,就係會喺7月7日推出呢部「ファミコンミニ 週刊少年ジャンプ創刊50周年記念バージョン」,即係入面嘅遊戲全部都係嚟自《週刊少年Jump》嘅,合共20隻遊戲,包括《北斗の拳》、《筋肉人》、《足球小將/足球小將2》、《聖闘士星矢 黄金伝説完結編》、《天地を喰らう》、《龍珠 神龍の謎》!而且部機仲要係金色……7月7日發售,7980円!唔記得邊隻?入嚟睇片回味吓先!

Read more ›

【正式公開】NEOGEO mini分日本版/海外版 內置40經典遊戲

【正式公開】NEOGEO mini分日本版/海外版 內置40經典遊戲

出經典mini機似乎已經成為新商機。繼任天堂同世嘉之後,早前都流出SNK會出部「NEOGEO mini」。啱啱正式公開喇,唔係以家用機為外觀,而係1990年嘅街機,內置40經典作品,3.5吋屏幕,可以HDMI出電視,分為日本版同海外版,暫時知道機身顏色唔同。咁喂!最想內置有咩遊戲先?

Read more ›
【有片】MINI超任已被Hack 加200遊戲後果自負

【有片】MINI超任已被Hack 加200遊戲後果自負

  講真,如果官方有得買Game,將啲Game加入去MINI紅白機或者超任度,我諗好多機迷願意俾錢去買。上年MINI紅白機都有人Hack咗可以加遊戲,今次超任呢,已經出咗hakchi2,下載再插部機去電腦,仲會先做backup先再搞。唔,大家都成年人,自己決定啦,我就玩住內置嗰啲先,估唔到暫時玩得最多係嗰隻puzzle game……

Read more ›
拎出街玩先至爽 MINI超任駁尿袋玩

拎出街玩先至爽 MINI超任駁尿袋玩

早兩日話MINI超級任天堂喺日本好多貨,大家如果唔急儲,真係可以等個價回到合理水平先出手。咁呢部機仔係用USB攞電,咁即係可以用尿袋供電玩?日本有機迷就示範咗,流動充電器加屏幕,拎晒出街插著佢就得,仲拎咗去居酒屋玩,不過唔知玩到幾耐?

Read more ›
【好嘢炒唔起】出手等多陣 日本MINI超任大量貨

【好嘢炒唔起】出手等多陣 日本MINI超任大量貨

之前美版,早兩日嘅偷跑日本版MINI超級任天堂,都炒到過千,噚日就見到有舖頭賣9百幾,不過日本原價係8,000円唔駛喎!日本今日(5日)正式開售喇,情況如何?好多舖頭都有人龍,不過留意番係貨源好充足,例如「ビックカメラAKIBA」有800部機只有約250人排隊;「アキバ☆ソフマップ①」有600部機,只有約145人排隊;「ソフマップAM館」有900部只有約270人排隊……咁代表咩?代表炒唔起喇!大家可以觀望吓,等佢回落先出手,應該好快!最後想講講,錢編輯早兩日已經壯烈犧牲咗,用炒價買咗部,不過佢話唔緊要,大家唔好似佢咁衝動就得喇。

Read more ›
【行情】日本網上賣到18,000円 MINI超任要觀望

【行情】日本網上賣到18,000円 MINI超任要觀望

講真,原價7,980円買份回憶、情懷係幾OK,由包裝到外型到手掣都帶俾你回憶,仲有21隻遊戲玩吓。不過日本噚日(16日)開訂,好多人排之餘,仲見到好多舖頭貨量唔多,於是,網上面賣一倍價錢都賣得出,o依家上Amazon睇,大多都賣過18,000円,呢個價,就麻麻抵入手喇,除非志在必得又多閒錢,否則等佢出咗先算咯。

Read more ›

新片速報 MINI版超任6分鐘影片 21遊戲全介紹

新片速報 MINI版超任6分鐘影片 21遊戲全介紹

我冇嘢驚,係驚炒得太貴。嚟緊10月5日發售,任天堂官方推出嘅日本版MINI超級任天堂啱啱有新片,睇晒21隻遊戲介紹,7,980円,到底香港機迷到時要幾錢先買到呢?話時話,條片開頭部超任變細嗰吓好正,咁俾粒菇佢係咪會變番大?

Read more ›
任天堂歐洲註冊商標 N64好快出MINI版?

任天堂歐洲註冊商標 N64好快出MINI版?

上年出MINI版紅白機,暫時停咗產,冇得賣。所以嚟緊出MINI版超任,好多機迷都好緊張想訂定先,希望以唔好太炒嘅價錢入手……咁再之後,好有可能就係MINI版N64啦?啱啱任天堂就喺European Union Intellectual Property Office/EUIPO註冊咗幾個手掣Logo,分別係紅白機(灰機)、超任、Switch同埋N64,咁就令人聯想到應該……不過都要等一年啩?

Read more ›
Microsoft流出消息 MINI版超任E3公佈

Microsoft流出消息 MINI版超任E3公佈

臨到E3好多風,我冇寫錯,超級任天堂MINI嘅消息竟然由Microsoft流出?事源係咁嘅,Xbox Live Reward會員有關今個月舉行E3嘅問卷中,就有一題提到邊部主機嘅嘢提起玩家興趣,當中除咗Xbox Project Scorpio外,仲有PS4 Pro,仲有!「Nintendo SNES Classic Edition」!而且英文版、日文版都有!之前都有外國傳媒講話收到風呢部懷舊主機會喺今年聖誕附近發售,咁到底係Mic記靠估,定一話佢哋收到對手嘅可靠消息呢?點都好啦,如果年尾出,今次都一定買嚟儲喇,最期待唔知佢公佈會有咩Game跟啫。

Read more ›
【慘喇】有買要快 MINI版紅白機/灰機停產

【慘喇】有買要快 MINI版紅白機/灰機停產

如果你同我一樣,諗住都唔急玩吖,遲啲咁啱見到啱價先出手啦……咁可能要留意番,快啲搵喇。因為任天堂宣佈,2016年11月10日發售嘅MINI版紅白機,將會暫時停止生產,出嗰陣賣5,980円,啱價就唔好等!同埋,美版灰機都一樣,想儲晒兩部嘅都要搵搵喇。話時話,任記有錢都唔賺咁有型,咁會唔會出MINI版超任?

Read more ›