我玩咗《Mighty No. 9》一晚，之後就暫時未開過喇。係好有《Rockman》感覺，但原來o依家就算玩番《Rockman》都會覺得有啲悶……不過，無論你覺得隻遊戲點，如果你當初係Kickstarter Backers咁可能你都會好想打爆機，因為Credits會出晒70,000個Kickstarter Backers嘅名！咁出咁多名需時幾耐？連埋製作團隊啲名，出成4粒鐘！

聽日6月21日就推出喇，有埋中文版，呢隻由《Rockman》之父「稲船敬二」開發嘅《Mighty No.9》，越睇越似樣，鍾意玩《Rockman》嘅應該可以搵番好多感覺。今次呢條發售前影片，見到打Boss，仲可以協力！見到主角被一嘢拮爆時嘅效果，一睇就搵得番《Rockman》嗰隻，不過波波變格仔咁解。留意番，3DS、PS Vita版發售日未定。

嚟到5月，PS4機主基本上都會玩嘅有5月10日出嘅《Uncharted 4》，另外PS4/PS3/PS Vita《勇者鬥惡龍Heroes II》都緊接住推出，不過係日文版，中文版就仲未知幾時出。去到6月就有《討鬼伝 2》、《超級機器人大戰 OG The Moon Dwellers》同講咗好耐應該終於出得成嘅《Mighty No.9》，冷門少少仲有隻《Mirror’s Edge Catalyst》。最後係3DS嘅機主，6月都有幾多大作，《逆転裁判 6》、《牧場物語 3》、《太鼓の達人》輪住出。

好消息係之前已經由2015年4月延至9月再延至今年春季嘅新一集Rockma……《Rockman》之父「稲船敬二」隻《Mighty No.9》，啱啱公佈發售日期喇！首先會係PS4/PS3/Xbox One/Xbox 360/Wii U五機種，6月21日配信！更好嘅消息係價錢亦都公開咗，就係2,500円。至於PS Vita/3DS版本就日期同價錢未定。咦，之前好似講過話有中文版，冇晒聲氣？不過呢類遊戲，都唔太需要啦。

唉，以為2月就有得玩新一集《Rockm……我意思係《Rockman》之父「稲船敬二」隻《Mighty No.9》，點知嚟到發售日唔夠1個月嘅時候，壞消息又嚟。由最初2015年4月，之後2015年9月，再嚟今年2月……最新消息係「稲船敬二」發佈俾各backers嘅，話因為由於online mode出咗問題，要延至今年春天推出。

2016年，新一年開始，係時候計劃定今年嘅打機行程表嘞！嚟到1、2月，好多勁game陸續推出，最期待嘅有《進撃の巨人》、《人中之龍 極》同《火影忍者 疾風傳：終極風暴 4》，夠玩晒兩個月，但係有囡囡陪打沙灘排球嘅《DEAD OR ALIVE Xtreme 3 Fortune》同新一集《Street Fighter V》又好吸引‥‥‥仲有等咗好耐，希望唔好再延期嘅PS Vita《艦これ 改》同《Mighty No.9》。話時話，嚟緊兩個月PS Vita都幾多正Game，有興趣出機嘅可以諗諗。

由《Rockman》之父「稲船敬二」comcept開發嘅《Mighty No. 9》，本來9月15日推出，但之前就宣佈延期到下年，啱啱有新消息喇，就係都唔算太遲，美版2月9日發售，日版就2月12日，會有PC/PS4/PS3/XboxOne/Xbox360/WiiU/PSVita/3DS/Mac版本，不過之前咪話有中文版嘅？影呢？

以為下個月有得玩《Rockman》……我意思係「稲船敬二」comcept隻《Mighty No. 9》。原本9月15日推出，片都越出越多睇嚟冇問題啦？點知官方啱啱宣佈，遊戲會延期至2016年第1季，嘩由9月延到下年仲未有日期……我摷番隻Rockman出嚟玩住等。

其實之前官方網站已經透露咗，就係寫明《Star Wars Battlefront》11月18日發售，而且有中英文版。不過都等官方宣佈啦，今日(24日)喺動漫節就正式公開。另外，稻船敬二隻「新Rockman」《Mighty No.9》PS4、PS3、PS Vita版都會獨佔繁體中文版！不過，語音方面，我想聽日文喎！而且發售日未定，如果唔係9月18日同步，我都諗住唔等啦，本身都有英文版。

玩日本遊戲大嘅我哋，點都係聽日文爽皮啲。呢條就係日文配英文字幕嘅新片，而且仲介紹埋唔同關卡嘅BGM作曲家！有齊PC/PS4/PS3/Xbox One/Xbox 360/WIi U/Mac/Linux版本，北美9月15日推出，其他地區9月18日發售，你買邊個版本？

講番先，呢隻由《Rockman》之父「稲船敬二」開發嘅《Mighty No.9》，9月18日推出，會有PS4/PS3/Xbox One/Xbox 360/Wii U/Windows/Linux/Mac版，仲有PS Vita/3DS版遲啲出，不過，今次呢條片就係PS4嘅。今次見到開頭主角頭頂有3粒珠，應該係用嚟發動特殊能力？另外各大Boss出場之外，仲見到主角用唔同能力克制對手，保留2D橫向玩法再加入新元素，對辨喎！提多少少，係《Mighty No.9》日版仲有豪華聲優陣：「森久保祥太郎」、「大塚芳忠」、「M・A・O」等人！

唔講唔覺，原來「稲船敬二」隻《Mighty No.9》都會有唔少話語配音，之前公開咗英文版，最新就有日本版。日文版嘅聲優陣更加係相當豪華，除標題幾位外，仲有「森久保祥太郎」、「大塚芳忠」、「M・A・O」等人！詳細入嚟睇，遊戲會喺9月18日推出/PS4/PS3Xbox One/Xbox 360/Wii U/Windows/Linux/Mac版，PS Vita/3DS版就遲啲出。

《Rockman》之父「稲船敬二」喺2013年開始喺Kickstarter集資開發嘅橫向動作遊戲《Mighty No.9》，搞咗咁耐終於有確實發售日期喇，美國9月15日(香港官方公佈咗都係)，全球9月18日發售，有PS4/PS3/Xbox One/Xbox360/Wii U/Windows/Linux/Mac版本，而PS Vita/3DS版就要遲啲先賣。其實，我最想喺手提機玩……不過點都好，一於當佢《Rockman》新作玩啦！

預定下年4月推出嘅全機種制霸《Mighty No.9》，由Rockman之父稻船敬二製作，玩法極有當年高難度橫向動作風味。繼之前大量Gameplay影片發佈之後，今次係「Mighty No. 9 : Potential Bonus DLC Teaser」，喂，仲有半年先出，咁快講呢啲？

下年4月推出，全機種嘅遊戲《Mighty No. 9》，稻船敬二擺明玩番自己創作嘅《Rockman》動作Feel。啱啱呢條新片，見到新Boss之餘，都見到主角嘅新動作，有得剷埋去避子彈，資深機迷應該必撐啦，懷念嗰種高難度嘛？