fbpx

Tag: MICHAEL JORDAN

有片:動畫重演Michael Jordan之Fadeaway

有片:動畫重演Michael Jordan之Fadeaway

呢期人人都討論緊Michael Jordan效力公牛最後一季嘅紀錄片《The Last Dance》,你睇咗未?「WalkerTKL」製作咗條超迷你動畫,重演籃球之神使出絕招Fadeaway。晃身、煞停、轉身、向後Jump shot、穿針,成個動作如此的完美無瑕……我想打籃球呀,我想出身汗呀,限聚令幾時完呀?

Read more ›

公牛+馬刺 撐Roy Cheung老兵不死Postcard

公牛+馬刺 撐Roy Cheung老兵不死Postcard

之前介紹過Roy Cheng嘅掛畫,如果嫌太大幅無位放的話,不妨考慮吓Postcard,依舊係「老兵不死」系列,依舊靚到啪啪聲,今次輪到NBA球星Manu Ginobili(真路比利)、Tim Duncan(鄧肯)、Tony Parker(柏加)、Scottie Pippen(柏賓)、Michael Jordan(米高佐敦)同Dennis Rodman(洛文)出場,每張10cm乘15cm,的的骰骰唔阻碇,各售$20。馬刺同公牛皇朝,你鍾意邊個?唔使諗六張買晒喇,支持本地創作,舊零水抵玩呀老友。

Read more ›
有片:超熱血!Allen Iverson最強40金球!

有片:超熱血!Allen Iverson最強40金球!

將Allen Iverson最強40金球剪輯成一條12分15秒影片,係好長,但請你相信我,只要開咗個頭,你一定會乖乖睇到尾。綽號「戰神」嘅佢實在太勁,喺高佢個幾頭嘅籃球員頭頂入樽、超高難度拆你屋、No look pass、三分球絕殺、Crossover接急停跳射、騰空第二甚至第三時間勾手、超強彈跳力封截、喺罰球線跳起搶贏再射入進攻籃板……真係瓣瓣有,連籃球之神Michael Jordan都Mark佢唔掂,尤其佩服佢嗰份全情投入同打不死拼搏精神,撻生魚式偷波、喺巨人陣之中剷籃……好熱血呀!唔,天氣雖然好熱,但我決定聽晚落街打籃球。

Read more ›
有片:Michael Jordan同Kobe Bryant有幾似?

有片:Michael Jordan同Kobe Bryant有幾似?

Michael Jordan同Kobe Bryant有幾似?唔係講樣呀,講球風呀。就呢個問題,唔同年代嘅籃球迷實又唔同睇法,七八十後睇得公牛比賽多,一定封MJ為神,所以聽到有人話Kobe似MJ,輕輕都會有啲嬲;九十後甚至千禧後呢,就多數會覺得Kobe勁揪好多。又難怪咁多人鍾意拗來拗去,因為兩人球風實在太相近,咁無話Kobe一定抄Jordan嘅,就算係抄,抄得到兼運用得好都係一種成就。睇片喇,雖然明知呢條片有刻意剪輯過,但無論防守動作、走籃、跳射同入籃後嘅表情動作,你會發覺兩人真係有九成似。

Read more ›
新片速報:高比拜恩vs米高佐敦 Fadeaway加Dunk對決

新片速報:高比拜恩vs米高佐敦 Fadeaway加Dunk對決

米高佐敦(Michael Jordan)同高比拜恩(Kobe Bryant)邊個勁啲,八十後球迷一定封前者為神,九十後球迷以後者為尊,我就覺得始終係兩代名將,無得比較好難講分高低,就正如呢條Animation所描述咁,二人打成平手。

Read more ›
正宗「花生友」     變形俠醫 / 狼人食住花生等睇戲

正宗「花生友」 變形俠醫 / 狼人食住花生等睇戲

「花生友」,一向用嚟形容嗰啲un un腳睇熱鬧嘅人,不過外國有個無聊友Steve Casino就真係用花生,整成一個個名乎其實嘅「花生友」。花生團隊包括變形俠醫、Superman、狼人、Michael Jordan、李小龍等等,佢話最耐要用10小時先完成一個作品,而且為咗令人知道係真花生,每次上色都會上剩背後位置,保留花生友嘅真面目。

Read more ›

31/07福利報價: 店長生日食Cup Cake 太空保衛者有炒味

31/07福利報價: 店長生日食Cup Cake 太空保衛者有炒味

  今個星期行落福利好開心, 撞正店長冧冧生日, 仲要有佢個嘜頭Cup Cake食! 原本我諗住相機先食, 奈何冧冧話要早過相機食……點都好, 如果大家落開去, 記得同佢補祝生日快樂, 貓罐頭、小零食呢類生日小禮物, 大家識做啦!

Read more ›
波鞋炒價買唔落 佐敦鞋底iPhone殼

波鞋炒價買唔落 佐敦鞋底iPhone殼

我其實唔知呢堆iPhone殼出咗幾耐,不過話晒係iPhone 5,都唔會舊得去邊。話說有朋友終日聽見我痛罵波鞋炒家,搞到我買唔到佐敦11代紅黑復刻版,咁佢見到呢個新產品就即時share俾我喇。35蚊美金,唔駛捱炒,仲有4代、6代、7代多個特別版本鞋底揀,一解我身痕之苦。但係我想講,我用緊Sony手機,冇iPhone 5,咁即係點?

Read more ›
珍藏級影片 50大壽 Michael Jordan佐敦50神技

珍藏級影片 50大壽 Michael Jordan佐敦50神技

今年籃球之神Michael Jordan五十大壽,EnterBay隻限量45號Figure最後嬲嬲地冇買到,等佢23號同有伸脷表情先算!想懷念呢位一代波神嘅神技,外國有好多運動雜誌都有做專題,想動感啲,呢條片就真係要睇!由外國網站剪輯,有50個佢哋認為最精彩嘅All Time Plays,唔只入樽,仲有助攻同關鍵入球,片長15分鐘,睇完,啲感覺返晒嚟,我好想打籃球呀教練!

Read more ›
1/6 Jordan開價$2188 朝早排下午抽夜晚買 未玩先俾人玩

1/6 Jordan開價$2188 朝早排下午抽夜晚買 未玩先俾人玩

係,我o依家諗起佐敦發燒都落場,射入致勝一球一刻之後要柏賓扶佢離場一幕,我都仲毛管楝兼眼有淚光;係,我仲記得佢當年著45號復出嗰吓幾咁令fans亢奮。Enterbay呢次定價$2188,貴之前隻高比成倍,算!第一隻出45號唔出23號,都算!單頭雕,冇伸脷表情我點擺帶波入樽動作呀?長期企喺度呀?咁Fig咩ure呀?好好好,我有愛,我都算!26號開賣,晨早去旺角攞籌,1000個得200個有得買,下午等網站公佈,之後仲要仆出尖沙咀買?喂我想玩玩具呀,唔係俾你玩呀!o依家我唔買呀!有9折都唔買呀!Fine,你仲想買?想知詳情可以入嚟睇。

Read more ›
必入毒物 Enterbay米高佐敦12月推出

必入毒物 Enterbay米高佐敦12月推出

之前出嗰隻Kobe口碑都好好,所以嚟緊12月推出嘅1/6籃球之神Michael Jordan真係令籃球迷超期待,就算冇玩開12吋嘅個身都痕過俾蟻咬!先前已經出咗個頭,兼事先張揚會陸續出四個版本(最少),好!終於有全相睇!衫褲鞋都好得,最正係鞋款除咗AJ 11代之外,仲有兩代跟俾你,買齊四款,咪可以儲齊1-14代囉!呢招夠晒狠毒!仲話遲啲會有專屬NBA籃球架推出,MJ迷真係儲定錢都得。最後,提提有興趣嘅玩家,EB不設預訂買單,出貨前一星期倒會有消息,留意我哋嘅跟進報導啦!因為,我都要去搶呀!

Read more ›