有片:日本貓奴奴才服出新色 人形喵星人更像真!

呢套貓奴奴才服之前都介紹過,前面可以有袋裝喵,又有貓耳又肉球又盛,好正!啱啱日本方面就有新顏色推出,當中包括啡貓同三色貓。今次呢件Mewgaroo Jumpsuit,Unihabitat出品,一式兩款,笠帽有貓耳,帽兩邊附毛毛冷球可以同貓仔玩,肚腩位有個袋可以裝貓仔,衫袖做到成對貓手咁,咁梗唔少得貓尾喇。去洗手間好麻煩?呢個絕對唔係藉口呀,背脊近Pat Pat位有埋開口位,拉開拉鏈開大開細都得,每件10,000円,不過就快夏天喇……咁喺屋企你會開冷氣嘛!

Read more ›